Mustafa Yılmaz (türk. Mustafa Yılmaz; 5 noyabr 1992, Kastamonu ili[1]) — türk şahmatçı, qrosmeyster (2012).
Mustafa Yılmaz | |
---|---|
| |
Ölkə | Türkiyə |
Doğum tarixi | 5 noyabr 1992 (30 yaş) |
Doğum yeri | |
Titulu | qrosmeyster (2012) |
Son reytinqi | 2629 (fevral 2023) |
Maksimal reytinqi | 2640 (iyul 2017) |
FİDE nömrəsi | 6302718 |
Vikianbarda əlaqəli mediafayllar |
Mustafa Yılmaz 5 noyabr 1992-ci ildə Türkiyənin Kastamonu ilində anadan olub. Atası fizika müəllimi, anası isə evdar qadındır.[2]
Şahmat oynamağa yeddi yaşında başlayıb.[3] Ona bu oyunun qaydalarını böyük bacısı — şahmatçı[4] Ezgi Yılmaz Babaoğlu öyrədib.[2]
İlk ciddi uğuru 2002-ci il Avropa çempionatının (U-10 kateqoriyasında) bürünc medalı olub.[2][3] Bu üçüncülük, Türkiyənin yaş kateqoriyalarında qazandığı ilk medal hesab olunur.[3]
2009-cu ildə, 17 yaşında olarkən şahmat üzrə Türkiyə çempionu olmuş və bununla da ən gənc ölkə çempionu kimi tarixə düşmüşdür.[2][3] Eyni ildə beynəlxalq usta adını qazanıb.[2]
2017 və 2022-ci illərdə müvafiq olaraq ikinci və üçüncü dəfə Türkiyə çempionu adını qazanıb.[5][6]
Mustafa Yılmaz müxtəlif illərdə kişilərdən ibarət şahmat üzrə Türkiyə yığma komandasının heyətində Şahmat Olimpiadalarının, dünya və Avropa çempionatlarının iştirakçısı olub.[2][3]
Mustafa Yılmaz 21 yaşında olarkən,[2] azərbaycanlı şahmatçı Nigar Yılmaz[7] (qızlıq soyadı: Novruzova)[8] ilə ailə həyatı qurub.[9]