My Way killings

My Way killings (ingilis dilindən tərcümədə – "My Way" qətlləri) — Filippində ABŞ müğənnisi Frenk Sinatranın "My Way" mahnısının karaoke-barlarda ifa edilməsinin qətllərlə əlaqədar olması haqqında sosial fenomen.^[1]

"New York Times" qəzetinin məlumatına görə, 2010-cu ildə ən azı altı "My Way" cinayəti baş tutmuşdur. 2002–2012-ci illər arasında bu mahnını oxuduqlarına görə çoxlu insan öldürülmüşdür.^[2]

"New York Times"ın köşə yazarı Norimitsu Onişi iddia etmişdir ki, bu qətllər "bir millətin zorakılıq, sərxoşluq və oyunbazlıq mədəniyyətinin təbii yan məhsulu" ola bilər.^[2] Filippindəki karaoke-barlarda tez-tez şiddətli hücumlar baş verir. Bu davalar tez-tez karaoke etiketinin pozulması, məsələn, digər ifaçılara gülmək, eyni mahnını iki dəfə ifa etmək və ya mikrofona qulaq asmaq və s. səbəbilə baş tutur.^[3]

Filippin Diliman Universitetinin pop mədəniyyəti üzrə eksperti Roland B. Tolentinonun sözlərinə görə, "My,ay" mahnısının karaoke ifası ilə bağlı qətllər sadəcə olaraq onun zorakı mühitdə populyarlığını əks etdirə bilər. O, həmçinin qeyd etmişdir ki, mahnının "zəfər" mövzusu həm müğənnilərə, həm də dinləyicilərə qıcıqlandırıcı təsir göstərə bilər. Filippində eyni dərəcədə məşhur olan digər melodiyalar qətllərlə nəticələnmir. Manilada müğənnilik məktəbi olan "Centre for Pop"un sahibi və sahibkar Butç Albarrasin də "My Way" mahnısının sözlərinin zorakılığı artırdığına inanır.^[4]

Bütün Şərqi və Cənub-Şərqi Asiyada "karaoke qəzəbi" adlanan hallar qeydə alınmışdır. Hədəf alınmış şəxslər mahnı oxuyarkən təqib olunur, onlara hücum edilir və ya öldürülür. Digər şeylərlə yanaşı, 2008-ci ilin martında Taylandda bir neçə karaoke mahnısı, o cümlədən Con Denverin "Take Me Home, Country Roads" mahnısının təkrarlanaraq ifa edilməsi ətrafında yaranan mübahisədə səkkiz nəfəri güllələdiyinə görə bir adam həbs olunmuşdur.^[5]