Nkosilati Nyati — Zimbabveli ətraf mühit fəalı. O, 10 yaşından ətraf mühiti qorumağa başlamış və gənclərin mühüm qərarların qəbulu prosesinə cəlb edilməsinin tərəfdarı olmuşdur[1][2]. O, hesab edir ki, gənclərin müxtəlif strukturlarda səsini çıxarıb qərar qəbul edə bilmədikləri halda iqlim ədalətini təmin etmək səyləri həyata keçirilə bilməz[3]. 2019-cu ildə Nkosilati İspaniyanın Madrid şəhərində Birləşmiş Millətlər Təşkilatının iqlim dəyişikliyi konfransında iştirak edir və iqlim dəyişikliyi ilə bağlı daha güclü fəaliyyət üçün kampaniya aparır[4].
| Nkosilati Nyati | |
|---|---|
| Doğum tarixi | 2004 |
| Doğum yeri | |
| Fəaliyyəti | ətraf mühit fəalı, ətraf mühit fəalı[d] |
Nkosilati Nyati Viktoriya şəlaləsi yaxınlığında böyüyüb. O, Viktoriya şəlaləsindəki zibillikləri görən gündən sonra ətraf mühitin mühafizəsi yoluna qədəm qoyur, bundan sonra ekoloji problemlərdən daha çox xəbərdar olur[5]. O, 11 yaşında ikən Zimbabvedəki Çamabondo İbtidai Məktəbində 5-ci sinifdə oxuyarkən ölkəsindəki iqlim dəyişikliyinin təsirlərini hiss etməyə başlayır[6]. 2019-cu ildə Victoriya şəlaləsində şiddətli quraqlıq yaşanır. İqlim dəyişikliyi nəticəsində təqribən 7,7 milyon Zimbabveli qida çatışmazlığı ilə üzləşir və 45 milyon Cənubi Afrikalı gələcək aclıq riski altındadır[2][7][8]. Həmçinin Zimbabvenin səkkiz rayonunda misli görünməmiş qida çatışmazlığı var və beş faizi ötüb. Ölkəsindəki bütün bu problemlər onu ictimaiyyəti iqlim dəyişikliyi ilə bağlı maarifləndirməyə başlamağa və daim qlobal tullantıların azaldılmasına çağırmağa sövq edir[9][10][11]. O, dünya liderləri iqlim dəyişikliyi ilə mübarizə üçün ciddi addımlar atana qədər mübarizə aparacağına söz verir[12].
O, ibtidai məktəbində Ozon Müdafiəçiləri Klubunun rəhbəri olur[8]. 2016-cı ildə tullantıları enerji istehsalına çevirmək üçün öz ərazisində ilk bioqaz qurğusunun qurulmasını müdafiə edir[13]. Bioqaz qurğusu indi tələbə yeməklərini hazırlamaq üçün enerji istehsal edir[12]. Nkosinati idmanda üstün olmayıb, lakin yaxşı natiqlik qabiliyyətinə malikdir[5][1]. O, davamlı olaraq hökuməti ekoloji problemləri həll etməyə və iqlim dəyişikliyinə daha çox diqqət yetirməyə çağırdığı çıxışlar edir. Madriddə (İspaniya) Birləşmiş Millətlər Təşkilatının İqlim Dəyişikliyi Konfransında çıxış etdikdən sonra o, UNICEF tərəfindən tanınıb. 2020-ci ildə o, Viktoriya şəlaləsində keçirilən Davamlı İnkişaf üzrə Afrika Regional Forumunda çıxış etmişdir. Görüşdə o, dünya liderlərinin gənclərlə məşğul olmasını müdafiə edib. Məktəbdə mətbuat klubunun üzvüdür, ətraf mühit və iqlim dəyişikliyi haqqında maarifləndirici məqalələr yazır[14].