Novruz Niftalıyev
Novruz Eldəniz oğlu Niftalıyev (25 mart 2004; Nohurqışlaq, Qəbələ rayonu, Azərbaycan — 2 aprel 2023; Talış, Tərtər rayonu, Azərbaycan) — Azərbaycan Silahlı Qüvvələrinin əsgəri. 2 aprel 2023-cü ildə Tərtər rayonunun Talış kəndində ermənilərin basdırdığı minanın partlaması nəticəsində şəhid olmuşdur.
| Novruz Niftalıyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Nohurqışlaq, Qəbələ rayonu, Azərbaycan |
| Vəfat tarixi | (19 yaşında) |
| Vəfat yeri | Talış, Tərtər rayonu, Azərbaycan |
| Dəfn yeri | Nohurqışlaq, Qəbələ rayonu, Azərbaycan |
| Vətəndaşlığı |
 Azərbaycan |
| Atası | Eldəniz Niftalıyev |
| Təhsili | orta |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Xidmət illəri | 2022—2023 |
| Rütbə | Əsgər |
Həyatı[redaktə | mənbəni redaktə et]
Novruz Niftalıyev 25 mart 2004-cü ildə Qəbələ rayonunun Nohurqışlaq kəndində Eldəniz Niftalıyevin ailəsində anadan olmuşdur.[1] 2010-2021-ci illərdə Qəbələ rayon Nohurqışlaq kənd tam orta məktəbində orta təhsil almışdır. Orta təhsil aldığı zaman 2013-cü ildə "Qəbələ" İdman Klubunun cüdo bölməsinin üzvü olaraq fəaliyyət göstərməyə başlamışdır. 2018-ci ilə qədər üzvü olduğu klubun tərkibində dəfələrlə müxtəlif turnirlərin qalibi və mükafatçısı olmuşdur.[2] Subay idi.
Hərbi xidməti[redaktə | mənbəni redaktə et]
Novruz Niftalıyev 2022-ci ilin aprel ayında Səfərbərlik və Hərbi Xidmətə Çağırış üzrə Dövlət Xidmətinin Qəbələ rayon şöbəsi tərəfindən hərbi xidmətə çağırılmışdır.[3] Çağırışa əsasən Azərbaycan Silahlı Qüvvələrinin sıralarında, Tərtər rayonunun Talış kəndində yerləşən "N" saylı hərbi hissələrdən birində müddətli həqiqi hərbi xidmətə başlamışdır.
Novruz Niftalıyev 2 aprel 2023-cü ildə Tərtər rayonunun Talış kəndində hərbi xidmət edərkən erməni hərbi birləşmələrinin basdırdığı minaya düşmüşdür.[4] Ağır vəziyyətdə Tərtər Rayon Mərkəzi Xəstəxanasına yerləşdirilən Novruz Niftalıyev bir müddət sonra aldığı yaralardan şəhid olmuşdur.[5] Həmin gün nəşi evinə gətirilərək doğulduğu Qəbələ rayonunun Nohurqışlaq kəndində dəfn edilmişdir.[6]
İstinadlar[redaktə | mənbəni redaktə et]
- ↑ "Azərbaycan Ordusunun hərbçisi minaya düşərək həlak olub - YENİLƏNİB". www.report.az (az.). 02.04.2023. 2023-04-03 tarixində arxivləşdirilib. İstifadə tarixi: 03.04.2023.
- ↑ ""Qəbələ" İdman Klubundan ötən gün şəhid olan Novruzla bağlı AÇIQLAMA - FOTO". www.oxu.az (az.). 03.04.2023. 2023-04-04 tarixində arxivləşdirilib. İstifadə tarixi: 03.04.2023.
- ↑ "Minaya düşən əsgərin atası: "Oğlum idmançı olub, 9 medalı var"". www.modern.az (az.). 03.04.2023. 2023-04-04 tarixində arxivləşdirilib. İstifadə tarixi: 03.04.2023.
- ↑ "Minaya düşərək həlak olan hərbi qulluqçu Qəbələdə dəfn olunub - YENİLƏNİB + FOTO/VİDEO". www.oxu.az (az.). 02.04.2023. 2023-04-04 tarixində arxivləşdirilib. İstifadə tarixi: 03.04.2023.
- ↑ "MN: Azərbaycan ordusunun hərbi qulluqçusu minaya düşərək həlak olub". www.azertag.az (az.). 02.04.2023. 2023-08-05 tarixində arxivləşdirilib. İstifadə tarixi: 03.04.2023.
- ↑ "Minaya düşərək həlak olan hərbi qulluqçu Qəbələdə dəfn olunub". www.ordu.az (az.). 02.04.2023. 2023-04-03 tarixində arxivləşdirilib. İstifadə tarixi: 03.04.2023.