Nurəddin Ağahüseynov
Nurəddin Ağahüseynov (tam adı; Nurəddin Aslan oğlu Ağahüseynov; 15 dekabr 1951, Həsənabad, Neftçala rayonu, Azərbaycan SSR, SSRİ – 25 yanvar 1990, Neftçala, Neftçala rayonu, Azərbaycan SSR, SSRİ) — Qanlı Yanvar şəhidi.[1]
| Nurəddin Ağahüseynov | |
|---|---|
| Nurəddin Aslan oğlu Ağahüseynov | |
 | |
| Doğum tarixi | |
| Doğum yeri | Sovetabad, Neftçala rayonu, Azərbaycan SSR, SSRİ |
| Vəfat tarixi | (38 yaşında) |
| Vəfat yeri | Neftçala, Azərbaycan SSR, SSRİ |
| Vəfat səbəbi | 20 Yanvar faciəsi |
| Dəfn yeri | Həsənabad, Neftçala rayonu |
| Vətəndaşlığı |
 SSRİ |
| Atası | Aslan |
| Milliyyəti | azərbaycanlı |
Həyatı[redaktə | mənbəni redaktə et]
1951-ci ildə Neftçala rayonun Sovetabad kəndində (indiki Həsənabad qəsəbəsi) anadan olmuşdur. 8 illik məktəbi bitirmiş, Leninqrad (indiki Sankt-Peterburq) şəhərində hərbi qulluqda olmuşdur. 1972-ci ildə Azərbaycan Yüngül Sənaye Texnikumunu bitirib və müxtəlif sahələrdə işləmişdir. Son işi Neftçala rayonunun 26-lar qəsəbə yeməkxanasında aşpaz olmuşdur. Doğulduğu kənddə yaşamışdır.
Ailəli olmuş, iki qızı (İlahə, Xəyalə) və bir oğlu (Tərlan) yadigar qalmışdır.[2]
Qanlı Yanvar faciəsi[redaktə | mənbəni redaktə et]
1990-cı il yanvarın 25-də axşam təxminən saat 19-da yoldaşı ilə sükanında oturduğu «Zaporojets»də işdən evə gələrkən Neftçala mərkəzi univermağının qarşısında tankları görmüş, geri dönməyə çalışarkən ona güllə dəymişdir. Güllə boynundan dəyib alnından çıxmış, aldığı xəsarətdən həmin gün xəstəxanada vəfat etmişdir.[3]
Nurəddinin ölümü haqqında iki şəhadətnamə çıxarılıb. Birinci şəhadətnamədə göstərilir ki, o öz əcəli ilə ölüb. Qaynatası Əliağa kişinin dediyinə görə Nurəddinin öldürülməsi haqqındakı şəhadətnaməni çox çətinliklə almış, böyük çək-çevirdən sonra kiminsə "saqqalı" altından keçmişdir.
Neftçala rayonundakı Həsənabad qəsəbəsində, dədə-baba yurdunda dəfn edilmişdir.[4]
Həmçinin bax[redaktə | mənbəni redaktə et]
- "20 Yanvar Şəhidi" fəxri adı alanların siyahısı
- Azərbaycan Respublikasının Azadlıq uğrunda mübarizlərinin siyahısı
İstinadlar[redaktə | mənbəni redaktə et]
- ↑ ""20 Yanvar Şəhidi" fəxri adının verilməsi haqqında Azərbaycan Respublikasının Prezidentinin 17 yanvar 2000-ci il tarixli 259 saylı Fərmanı". 2022-08-18 tarixində arxivləşdirilib. İstifadə tarixi: 2015-07-17.
- ↑ "20 Yanvar şəhidləri". 2011-07-09 tarixində orijinalından arxivləşdirilib. İstifadə tarixi: 2011-05-25.
- ↑ "Şəhidlər" (PDF). 2022-10-05 tarixində arxivləşdirilib (PDF). İstifadə tarixi: 2022-10-05.
- ↑ "Qara Yanvar şəhidləri" (PDF). 2015-07-17 tarixində arxivləşdirilib (PDF). İstifadə tarixi: 2015-07-17.