Pomidor üsulu

Pomidor üsulu, 1990-ci illərin əvvəlində, Françesko Kirillo tərəfindən təklif olunan zamanın idarəolunması üsuludur[1]. Bu üsul, tapşırığın, "pomidor" adlanan, qısa fasilərlə müşahidə olunan, 25 dəqiqəlik aralıqlara bolünməsini təklif edir. Hər intervalın və umümiyyətlə üsulun "pomidor" adlandırılması, Kirillonun tələbə olduğu vaxtlarda işlətdiyi pomidor formasında taymerin şərəfinə idi [2].[3]

Pomidor formasında taymer

Əsas prinsiplər[redaktə | mənbəni redaktə et]

Pomidor üsulü növbəti mərhələrdən ibarətdir:

  1. İcra edəcəyiniz tapşırığı müəyyən edin və alt tapşırıqlara bölün. Hər bir alt tapşırığa 25 dəqiqəlik ara (pomidor) ayrılır[4]
  2. Taymeri 25 dəqiqəyə qoyun.
  3. Taymer zəng çalana qədər fikrinizi yayındırmadan işləyin. Fikrinizi yayındıran amilləri vərəqdə qeyd edin və işləməyə davam edin.
  4. Hər 25 dəqiqəlik ara sonlananda, pomidoru bitirdiyiniz haqqda qeyd aparın və qısa fasilə verin (3-5 dəqiqə),
  5. Hər 4-cü pomidordan sonra uzun fasilə verin (15-30 dəqiqə).

Planlaşdırma, izləmə, qeyd etmə, emal etmə və görüntüləmə üsulun əsaslarını təşkil edir [1]. Planlaşdırma mərhələsində tapşırıqlar, onları tapşırıq siyahısında qeyd etməklə prioritetləşdirilir. Bu, şəxsin tapşırıqları yerinə yetirmək üçün qoyduğu səyləri müəyyən etməyə kömək edir. Hər tapşırığa ayrılan pomidorlar yerinə yetdikcə, qeydlər aparılır, hansı ki insanda tamamlama hissi yaradır və sonrakı özünüanaliz və özünüqiymətləndirmə üçün xam məlumat verir. Bir pomidor daxilində tapşırığı vaxtından əvvəl yerinə yetirdikdə, geri qalan vaxt ərzində tapşırığı edərkən qabağınıza çıxan maraqlı detalları dərindən öyrənmək imkanı yaranır.

Pomidor üsulunun əsas məqsədi diqqəti yayındıran daxili və xarici amilləri aradan götürməkdir [1]. Pomidor bölünməzdir; əgər pomidoru yerinə yetirdiyiniz vaxtı sizin fikriniz digər bir şəxs tərəfindən yayındırılırsa, "məlumat ver - danışıq apar - planlaşdır - geri qayıt" taktikasından istifadə edin:

  1. Fikrinizi yayındıran şəxsə hal-hazırda əlinizdə işinizin olduğunu bildirin
  2. Ona kömək edə biləcəyiniz vaxtı müəyyənləşdirin
  3. Bu fəaliyyəti planlarınıza daxil edin
  4. Pomidoru bitirdikdən sonra bu fəaliyyətə geri qayıdın

Bu taktikanı müəyyən bir səbəblərdən yerinə yetirmək mümkün deyilsə, pomidoru dayandırmaq və daha sonra davam etmək məsləhət görülür.

Münasibət[redaktə | mənbəni redaktə et]

Metodun yaradıcısı və başqaları Pomidor üsulunun sadələyini, onu tətbiq etmək üçün bir mexaniki taymer, kağız və qələmin kifayət olmasını vurğulayır[5]. Bundan əlavə, taymeri qoşmaq insanda bir işə başlama hissini yaradır. Taymerdə axan saniyələrin səsi insanın tapşırığı yerinə yetirmək əzmini artırır. Hər "pomidorun" sonunda zəng fasilə vaxtını bildirir. Bununla birlikdə, Pomidor üsulu ilə işləmək üçün bir sıra tətbiqi proqramlar da mövcuddur.[6]

İstinadlar[redaktə | mənbəni redaktə et]

  1. ↑ 1 2 3 Productivity 101: An Introduction to The Pomodoro Technique Arxivləşdirilib 2021-01-05 at the Wayback Machine İstifadə tarixi: 14 Oktyabr 2019
  2. ↑ The Pomodoro Technique Arxivləşdirilib 2020-11-11 at the Wayback Machine. İstifadə tarixi: 14 Oktyabr 2019
  3. ↑ "Pomodoro texnikası nədir?". 2022-01-23 tarixində arxivləşdirilib. İstifadə tarixi: 2021-02-18.
  4. ↑ Do more and have fun with time management Arxivləşdirilib 2021-01-07 at the Wayback Machine. İstifadə tarixi: 14 Oktyabr 2019
  5. ↑ Help!: How to Be Slightly Happier, Slightly More Successful and Get a Bit More Done Arxivləşdirilib 2021-04-23 at the Wayback Machine. İstifadə tarixi: 14 Oktyabr 2019
  6. ↑ "Pomodoro texnikası üçün onlayn tətbiq". 2015-11-03 tarixində arxivləşdirilib. İstifadə tarixi: 2021-01-06.