Qağayı abidəsi

"Qağayı" abidəsi və ya "Qağayı" heykəli^[1] — Sumqayıt şəhərinin girəcəyində Bakı-Quba yolunun üzərində ucaldılmış abidə. Abidə 24 ədəd üst-üstə spiral şəklində qoyulan daş və onların üzərində olan qağayı qanadlarından ibarətdir.

Qağayı abidəsi
Ölkə	Azərbaycan
Yerləşir	Sumqayıt
Heykəltaraş	Süleyman Hacıyev
Hündürlüyü	13 m
Vikianbarda əlaqəli mediafayllar

Abidə 1964-cü ildə Süleyman Hacıyev tərəfindən hazırlanmışdır. İlk əvvəllər abidə 15 daş blokdan ibarət idi. Bu isə memarın şəhərin 15 illiyi münasibətilə sumqayıtlılara ərmağanı olmuşdur. Abidənin üzərində əvvəllər Sumqayıt yazısı olmuşdur. Sonrakı illərdə aparılan dəyişikliklər zamanı isə 15 daş blok prinsipinə əməl edilməmişdir. Üstəlik abidə alüminium konstruksiyalı bloklarla əvəzlənmişdir. Hazırda abidənin hündürlüyü 13 metr təşkil edir. Blokların sayı isə 24 ədədə çatdırılmışdır^[2].

Qağayı abidəsi məna etibarı ilə müxtəlif cür ifadə edilir. İlk öncə abidənin bloklardan ibarət olması şəhərin daim inkişafda olmasını ehtiva edir. İlk əvvəllər abidənin 15 blokdan ibarət olması onun şəhərin 15 illiyi və Sovetlərin 15 müttəfiq respublikadan ibarət olmasına işarə edilir (beynəlmiləl şəhər). Üst-üstə spiral şəklində qoyulan daş blokların üzərində yerləşən qağayı işarəsi isə şəhərin dəniz sahilində yerləşməsini nümayiş etdirir.

• Sumqayıtdakı şəhər heykəllərinin siyahısı