Qlaukonit

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Qlaukonit - mineral, (K,Ca,Na)_<1 (Al, Fe³⁺, Fe²⁺, Mg)₂ [(OH)₂ |Al_0,35Si_3,65O₁₀]. K→H₃O ilə, Si→Al-la əvəz olunur. Vərəqvari silikat. Monoklinik, psevdoheksaqonal. Ayrılma {001} üzrə mükəmməl. Aqreqat: incədənəvər, xırda pulcuqvari. Yaşıl, sarımtıl-yaşıldan rəngsizədək. Sərtliyi 2. Xüsusi çəki 2,4-2,95. Kəskin paramaqnitlidir. Heterogendir - montmorillonit qrupu və hidromika arasında keçid birləşmələrlə təmsil olunub. Bu komponentlərin nisbətindən asılı olaraq kimyəvi və fiziki xassələri dəyişir. Başlıca olaraq dəniz çökmələrində tapılır. Əhəng­­daşları, qumdaşları və alevrolitlərdə Fe³⁺və Fe²⁺ mineralları ilə assosiasiyada olur; allüvial və elüvial çökmələrdə çöl şpatı və başqa mineralları əvəz edir. Kation mübadiləsi qabiliyyətinə görə suyun duzsuzlaşdırılmasında və bəzi maddələrin rəngsizləşdirilməsində, habelə kalium - arqon üsulu ilə çökmələrin mütləq yaşını təyinində istifadə edilir. Növ müxtəlifliyi: seladonit, manqan-qlaukonit, marsyanskit, natrium-qlaukonit (3% Na₂O).

Qlaukonit
Ümumi məlumatlar
Kateqoriya	Mineral
Strunz təsnifatı	VIII/E.05a[1]
Vikianbarda əlaqəli mediafayllar

Geologiya terminlərinin izahlı lüğəti. — Bakı: Nafta-Press, 2006. — Səhifələrin sayı: 679.

1. ↑ Strunz K. H., Tennyson C. Mineralogische Tabellen : Eine Klassifizierung der Mineralien auf kristallchemischer Grundlage, mit einer Einfuhrung in die Kristallchemie. 8 Leypsiq: Akademische Verlagsgesellschaft, 1982.