Ramiz Sultanov

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Ramiz Abbas oğlu Sultanov (9 may 1934 – 18 fevral 2004) — azərbaycanlı alim, kimya üzrə elmlər doktoru, professor.

Ramiz Sultanov
Ramiz Abbas oğlu Sultanov
Doğum tarixi	9 may 1934
Doğum yeri	Bakı, Azərbaycan SSR, ZSFSR, SSRİ
Vəfat tarixi	18 fevral 2004 (69 yaşında)
Vətəndaşlığı	SSRİ→ Azərbaycan
Milliyyəti	azərbaycanlı
Elm sahəsi	kimya
Elmi dərəcəsi	kimya üzrə elmlər doktoru
Elmi adları	böyük elmi işçi[d], professor
Təhsili	Moskva Kimya Texnologiya İnstitutu

Ramiz Abbas oğlu Sultanov 1934-cü il mayın 9-da Bakı şəhərində ziyalı ailəsində anadan olmuşdur. 1953-cü ildə Bakı şəhəri 171 saylı orta məktəbi gümüş medalla bitirmişdir. Həmin ildə D. İ. Mendeleyev adına Moskva Kimya Texnologiya İnstitutunun kimya-texnologiyası fakültəsinə qəbul olunmuş və 1959-cu ildə oranı bitirmişdir.

1959-cu ildən Azərbaycan Elmlər Akademiyası Neft-Kimya Prosesləri İnstitutunda kiçik elmi işçi vəzifəsində işləmişdir. 1960–1962-ci illərdə Moskvada SSRİ EA N. Zelinski adına Ümumi Kimya İnstitutunun aspiranturasında oxumuşdur. 1962–1966-cı illərdə Azərbaycan EA Y. Məmmədəliyev adına NKPİ-də böyük mühəndis, kiçik və böyük elmi işçi vəzfələrində işləmidir. 1966-cı ildə Azərbaycan EA NKPİ-nin Sumqayıt Filialına böyük elmi işçi vəzifəsinə keçirilmişdir. 1967–1979-cu illərdə NKPİ-nin Sumqayıt Filialında, sonralar onun əsasında yaradılmış Azərbaycan EA Xlor-üzvi Sintez İnstitutunda "Silisium-üzvi birləşmələr" laboratoriyasına rəhbərlik etmişdir. 1979-cu ildən indiki Azərbaycan Sənaye İnstitutunda (Sumqayıt) əvvəlcə (1979–1986-cı illərdə) "Əsas üzvi sintezin texnologiyası" kafedrasında, 1986-cı ildən ömrünün sonuna kimi "Ümumi kimya" kafedrasında müdir vəzifəsində işləmişdir.

1963-cü ildə SSRİ EA N. Zelinski adına ÜKİ-nin Elmi Şurasında "Silisium hidridlərin sian tərkibli olefinlərə katalitik birləşdirilməsi və alınan birləşmələrin bəzi çevilmələri" mövzusunda namizədlik, 1971-ci ildə isə "Üzvi və silisiumüzvi epoksibirləşmələrin tədqiqi" mövzusunda doktorluq dissertasiyasını müdafiə etmişdir. 1980-ci ildə "Üzvi kimya" ixtisası üzrə professor adını almışdır.

Professor R. A. Sultanovun elmi-tədqiqat işləri karbofunksional silisiumüzvi birləşmələrin sintezi, xassələri və tətbiq sahələrini əhatə edir. Onun apardığı sistematik tədqiqatlar nəticəsində müəyyən edilmişdir ki, sintez edilmiş birləşmələr sənaye qətranlarına modifikator və tibb sənayesində istifadə edilə bilər. Onun apardığı elmi-tədqiqatların nəticəsi 330 elmi əsərdə, o cümlədən 26 müəlliflik şəhadətnaməsində öz əksini tapmışdır. O, 27 elmlər namizədi hazırlamışdır.

Professor R. A. Sultanov 1968-ci ildə London Elm və Texnologiya Kollecində elmi-tədqiqat işi aparmışdır.

Professor R. A. Sultanov 18 fevral 2004-cü ildə vəfat etmişdir.