Rezin ördək (heykəl)

Rezin ördək – holland sənətçi Florentin Hofman tərəfindən hazırlanmış nəhəng üzən heykəllər seriyası. Honkonq, Bakı, Pittsburq, Toronto, Sidney və s. kimi şəhərlərdə peyda olmuşdur. Hər bir Rezin ördək heykəli hər şəhər üçün yenidən yaradılmış və müvəqqəti nümayiş etdirilmişdir.^[1]

Rezin ördək heykəllləri holland sənətçi Florentin Hofman tərəfindən yaradılmışdır. 2013-cü ildə verdiyi müsahibədə Hofman bildirmişdi ki, bu ideya 2000 və ya 2001-ci ildə Niderlandda yogurt reklamları ilə dolu muzeyi ziyarət edəndə ağlına gəlib. O, bu reklamlar üçün rezin ördəyi münasib saymış və Tolo Toys adlı Honkonq şirkəti ilə dizayn barədə razılığa gəlmişdir.^[2] Yogho!Yogho! yogurt şirkəti işi maliyyələşdirmişdir.^[3]

Rezin ördəklərin ölçüləri fərqlidir. Ən böyüyü Fransanın Sen-Nazer şəhərində yerləşir və ölçüləri 26×20×32 metrdir. Pekindəki rezin ördəyin ölçüləri 4x15x18 metr, Seokçon gölündəki rezin ördəyin ölçüləri isə 16.5x19.8x16.5 metr, kütləsi isə 1000 kiloqramdır. Rezin ördək 200 polivinil xlorid parçası ilə tikilmişdir. Bütün PVX parçaları tikiş maşını vasitəsilə əllə birləşdirilib.

Rezin ördəyin dözümlülüyünü artırmaq üçün bir qatın üzərinə başqa parça əlavə edilmişdir.^[4] Gövdənin arxa hissəsində giriş hissə var və sənətçilər ördəyin gövdəsini yoxlaya bilərlər. Bundan əlavə, istər pis, istər yaxşı havadan yenidən şişirdilməsi üçün gövdəsində elektrik ventilyatoru yerləşir.^[5] Rezin ördəyin suda sərbəst üzməsinin qarşısını almaq üçün 16 kəndirlə sahilə bərkidilib. Rezin ördəyin ən yuxarısında sukeçirməz kabel var, sahildə yerləşən elektrik paylayıcısından gələn elektrik bu kabel vasitəsilə ötürülür və ventilyatorun işləməsini təmin edir.^[6] Ventilyator həmçinin rezin ördəyin içərisindəki hava sirkulyasiyası tənzim edərək rezin ördəyin formasının saxlanmasını təmin edir.

2007-ci ildən bəri ördəklər Amsterdam, Bakı, Lommel, Osaka, Sidney, San-Paulu, Honkonq kimi şəhərlərdə nümayiş etdirilmişdir.^[7] 17 sentyabr-20 oktyabr 2013-cü ildə ilk dəfə ABŞ-da (Pittsburq) nümayiş etdirilmişdir.^[8] Pittburqdakı ördəyi 1 milyondan çox insan ziyarət etmişdir.^[9][10] 17-26 may 2014-cü ildə Virciniya ştatının Norfolk şəhərində, daha sonra Haaqa şəhərində Krisler İncəsənət Muzeyinin qarşısında üzmüşdür.

2014-cü ilin oktyabrında Cənubi Koreyanın Lotte konqlomeratı 2014-cü ilin oktyabrında ölkənin ən böyük ticarət mərkəzi olan Lotte World Mall-un (Lotte World Tower də burada yerləşir) açılışı üçün nəhəng rezin ördək istəmişdilər.^[11] Qüllə Han və Seokçon çayları arasında yerləşir və nəhəng rezin ördək burada quraşdırılmışdır.^[12][13] Lakin sərgi zamanı sökülmüşdür.^[14]

Rezin ördək 2009-cu ildə Belçikada nümayiş etdirilərkən 42 dəfə vandallar tərəfindən deşilmişdir.^[15] 2013-cü ildə Honkonqda nümayiş etdirilərkən 15 mayda sökülmüşdür.^[16] Lakin 20 mayda yenidən nümayiş olunmağa başlamışdır.^[15] 2 noyabr 2013-cü ildə Tayvanda baş vermiş zəlzələ nəticəsində heykəl xəsarət almışdır.^[17][18] Çində baş vermiş daşqınlar zamanı isə onu axın aparmışdır.^[19] 30 sentyabr 2017-ci ildə Santyaqoda nümayiş etdirilərkən deşilmiş və sökülmüşdür.^[20]

4 iyun 2013-cü ildə Çinin ən populyar mikrobloqu olan Sina Weibo "Bugün", "Bu gecə", "4 iyun", "Böyük sarı ördək" sözlərini blok etmişdir. Çünki çinli aktivistlər məşhur "Naməlum üsyançı" şəklini fotoşop edərək tankların əvəzinə böyük sarı ördəkləri qoyurdular. Əgər "Böyük sarı ördək" sözü axtarılsa, nəticələr göstərilməyəcəkdir.^[21]

Rezin ördək aşağıdakı məkanlarda görünmüşdür:

• Sen-Nazer, Fransa, 2007 (26×20×32 metr or 85×66×105 fut)^[22]
• San-Paulu, Braziliya, 2008 (12×14×16 metr or 39×46×52 fut)
• Osaka, Yaponiya, dekabr 2010 (10×11×13 metr or 33×36×43 fut)
• Oklend, Yeni Zelandiya, fevral 2011 (12×14×16 metr or 39×46×52 fut)
• Onomiçi, Yaponiya, 2012 (10×11×13 metr or 33×36×43 fut)
• Hasselt, Belçika, iyul 2012 (12×14×16 metr or 39×46×52 fut)^[23]
• Sidney, Yeni Cənubi Uels, Avstraliya, yanvar 2013 (13×14×15 metr or 43×46×49 fut)^[24]
• Çimsaçöy, Koulun, Honkonq, may 2013 (14×15×16.5 metr or 46×49×54 fut)^[25]
• Pittsburq, Pennsilvaniya, ABŞ, sentyabr 2013 (14×15×16.5 metr or 46×49×54 fut)^[9]
• Pekin, Çin, sentyabr 2013 (14×15×18 metr or 46×49×59 fut)^[26]
• Bakı, Azərbaycan, sentyabr 2013 (12×14×16 metr or 39×46×52 fut)^[27]
• Qaosyun, Tayvan, sentyabr 2013 (25×18×18 metr or 82×59×59 fut)^[28][29]
• Taoyan, Tayvan, 26 oktyabr 2013 (25×18×18 metr or 82×59×59 fut)
• Kiilunq, Tayvan, 20 dekabr 2013 (25×18×18 metr or 82×59×59 fut)
• Parramatta, Avstraliya, 10–19 yanvar 2014 (13×14×15 metr or 43×46×49 fut)
• Hoşimin, Vyetnam, 27 aprel – 31 may 2014 (22×20×16 metr or 72×66×52 fut)
• Norfolk, Virciniya, ABŞ, 17–26 may 2014 (14×15×16.5 metr or 46×49×54 fut)
• Hanzou, Çin, 30 may – 15 iyul 2014 (25×18×18 metr or 82×59×59 fut)^[30]
• Los-Anceles, Kaliforniya, ABŞ, avqust 2014 (33×18×26 metr or 108×59×85 fut)^[31]
• Vankuver, Britaniya Kolumbiyası, Kanada, avqust 2014 (13×14×15 metr or 43×46×49 fut)
• Seul, Cənubi Koreya, 14 oktyabr 2014 – 14 noyabr 2014 (16.5×19.8×16.5 metr or 54×65×54 fut)^[32]
• Şanxay, Çin, 23 oktyabr 2014 – 23 noyabr 2014^[33]
• Makao, 29 aprel 2016 – 27 may 2016^[34]
• Harbin, Çin, iyul–avqust 2016^[35]
• Buffalo, Nyu-York, ABŞ, 26–28 avqust 2016^[36]
• Ontario, Kanada, iyul – avqust 2017]]^[37][38]
• Santyaqo və Valparayso, Çili, 28 sentyabr 2017 – 8 oktyabr 2017^[39]
• Meykarta, Lippo Cikaranq, Cikaranq, İndoneziya, 5 noyabr 2017 – hazırda

• 
  Bakı, 2013
• 
  Santyaqo, 2017

Vikianbarda Rezin ördək ilə əlaqəli mediafayllar var.

• Rezin ördək Osaka 2009 Arxivləşdirilib 2013-09-06 at the Wayback Machine
• Rezin ördək Honkonq 2013 Arxivləşdirilib 2013-08-20 at the Wayback Machine