Səidə Sultan
Səidə Sultan (doğum adıyla: Səidə Əli qızı Sultanova; d. 9 mart 1983, Bakı) — Azərbaycan estrada müğənnisi
| Səidə Sultan | |
|---|---|
| Səidə Əli qızı Sultanova | |
| Ümumi məlumatlar | |
| Doğum adı | Səidə Sultanova |
| Ləqəbi | Səidə Sultan |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ Azərbaycan |
| Milliyyəti | azərbaycanlı |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2001—h.h |
| Janr | pop |
| Əlaqələri | Vaqif Gərayzadə, W-Trio qrupu |
| Təhsili | ADMİU |
| Mükafatları | Pöhrə, Bakı payızı |
Həyatı
[redaktə | mənbəni redaktə et]Səidə Sultan 1983-ci il mart ayının 9-da Bakı şəhəri Nizami rayonunda anadan olmuşdur.[1] 272 saylı orta məktəbdə 1989-2000-ci illər orta təhsilini almışdır. 2001-ci ildə Azərbaycan Dövlət Mədəniyyət və İncəsənət Universitetinin Vokal fakültəsinə daxil olub və 2006-cı ildə bakalavr dərəcəsi ilə təhsili bitirmişdir.
Ailəsi
[redaktə | mənbəni redaktə et]- Anası Svetlana Sultanova pedaqoqdur, uşaq bağçası müdiri vəzifəsində çalışır.
- Atası Əli Sultanov isə fərdi sahibkar olmuşdur.
Karyerası
[redaktə | mənbəni redaktə et]İlk dəfə 2000-ci ildə Pöhrə müsabiqəsində, 2001-ci ildə isə Bakı Payızı[2] müsabiqəsində iştirak etmişdir və hər iki müsabiqənin laureatıdır. İlk ifa etdiyi mahnısı Popuri və bəstəsi Vasif Adıgözəlovun olan Naz-Naz ifası olmuşdur. 2001-ci ildə "İkisi bir boyda" xalq mahnısı, 2008-ci ildə "Sən idin", 2012-ci ildə "Hərdən arada", 2013-cü ildə "Gecələr" mahnılarını ifa edərək populyarlıq qazanmışdır. 2008-ci ildə ilk "Bir inci" adlı solo albomunu buraxmışdır. 2001-2003 illər solo karyerasına başlamış, 2002-ci ildən 2006-ci ilədək bəstəkar Vaqif Gərayzadənin yaratdığı və bədii rəhbərlik etdiyi W-Trio pop qrupunun vokal solisti olmuşdur. 2007-ci ildən hazırkı günədək solo fəaliyyət göstərməkdədir.
2015-ci ildə Space TV-də Əsl Şou verilişinin aparacısı olmuşdur.[3]
Şəxsi həyatı
[redaktə | mənbəni redaktə et]2023-cü ilin sentyabr ayında ailə qurmuşdur.Toy yalnız xanımların iştirakı ilə keçirilmişdir. Övladı yoxdur.
Diskoqrafiya
[redaktə | mənbəni redaktə et]- Bir insan (2023)
- 4 Fəsil (2022)
- Ağlasın (2021)
- Ayrı ayrı
- O məni (2020)
- Qala bilmirəm (2019)
- Apar məni (2019)
- İnsanam (2019)
- Apar məni (2018)
- Dur gəl (2018)
- Ürəyimcə (2018)
- Bağışla (2017)
- Garip dünya(2017)
- Gecələr 2 (2016)
- Bir şans ver (2016)
- Affet (2016)
- Canıma yazıq (2015)
- Gecələr (2013)
- Hərdən arada (2012)
- İkisi bir boyda(2002)
- Naz-naz (2001)
- Popuri (2001)
Videoqrafiya
[redaktə | mənbəni redaktə et]| Say | Klip | Tarix |
|---|---|---|
| 01 | Sən İdin | 2006 |
| 02 | Tənha İdim | 2009 |
| 03 | Gecələr | 2011 |
| 04 | Hərdən Arada | 2013 |
| 05 | Bir Şans Ver ft. Niyam Salami | 2016 |
| 06 | Qarip Dünya | 2018 |
| 07 | Bağışla | 2018 |
| 08 | İki-İki ft. Jayhun | 2018 |
| 09 | Kin | 2019 |
| 10 | Apar Məni | 2019 |
| 11 | O Məni | 2019 |
| 12 | Ayrı-Ayrı | 2021 |
| 13 | Ağlasın | 2021 |
| 14 | 4 Fəsil | 2021 |
| 15 | Kaş Ki | 2022 |
| 16 | Ahuzar İçində | 2023 |
| 17 | Nə İdi Günahım | 2024 |
İstinadlar
[redaktə | mənbəni redaktə et]- ↑ "Səidə Sultan heç kəsə demədiyi yaşını bildirdi". 2021-11-28 tarixində arxivləşdirilib. İstifadə tarixi: 2021-11-28.
- ↑ "Bakı Payızı müsabiqəsi qaliblərinin siyahısı". 2021-11-28 tarixində arxivləşdirilib. İstifadə tarixi: 2021-11-28.
- ↑ "Səidə Sultan işdən çıxarıldı". 2021-11-28 tarixində arxivləşdirilib. İstifadə tarixi: 2021-11-28.