Səttar Quliyev

Səttar Quliyev Sahib oğlu (2 aprel 1969, Anzov, Yardımlı rayonu – 3 iyul 1993, Cəbrayıl rayonu) — 1-ci Qarabağ müharibəsi şəhidi.

Səttar Quliyev
Şəxsi məlumatlar
Digər adı	Nazim
Doğum tarixi	2 aprel 1969
Doğum yeri	Anzov, Yardımlı rayonu, Azərbaycan SSR, SSRİ
Vəfat tarixi	3 iyul 1993 (24 yaşında)
Vəfat yeri	Cəbrayıl rayonu, Azərbaycan
Dəfn yeri	Anzov
Vətəndaşlığı	Azərbaycan
Atası	Sahib Quliyev
Hərbi fəaliyyəti
Mənsubiyyəti	Azərbaycan Ordusu
Rütbəsi	Əsgər
Döyüşlər	Qarabağ müharibəsi

1969-cu il aprelin 2-də Anzov kəndində anadan olmuşdur.1976-cı ildə Anzov kənd ibtidai məktəbinin 1-ci sinfinə daxil olmuş, burada ibtidai təhsilini başa vurduqdan sonra Hamarkənd orta məktəbində 1986-cı ildə orta təhsilini başa vurmuşdur.

1987-ci ilin 18 iyununda hərbi xidmətə çağırılır. İki illik hərbi xidməti Ukraynadakı daxili qoşunlarda başa vurur: 1989-cu il iyulun 6-da hərbi xidməti başa vurub boya-başa çatdığı Anzov kəndinə qayıdır.1992-ci il dekabrın 17-də könüllü cəbhəyə gedir. Düşmən Cəbrayıl rayonuna hücum edərkən Səttargilin hissəsini də bu rayona gətirirlər.3 iyul 1993-cü ildə Cəbrayıl uğrunda gedən döyüşlərdə qəhrəmancasına şəhid olur.^[1]