Sabrina Veqa (isp. Sabrina Vega Gutiérrez; doğ. 28 fevral 1987) — ispaniyalı şahmatçı, qadınlar arasında beynəlxalq qrosmeyster (2007).
Sabrina Veqa | |
---|---|
isp. Sabrina Vega Gutiérrez | |
Ölkə | İspaniya |
Doğum adı | Sabrina Vega Gutiérrez |
Doğum tarixi | |
Doğum yeri | Las-Palmas-de-Qran-Kanariya, İspaniya |
Titulu | qadınlar arasında beynəlxalq qrosmeyster (2007) |
Son reytinqi | 2413 (aprel 2017) |
Maksimal reytinqi | 2414 (oktyabr 2016) |
FİDE nömrəsi | 2219026 |
Vikianbarda əlaqəli mediafayllar |
1996-cı ildən 2007-ci ilədək müxtəlif yaş kateqoriyalarında İspaniyanı gənclər arasında şahmat üzrə dünya və Avropa çempionatlarında təmsil etmişdir. Mondaris (2005–06), Lork (2007) və La-Masana (2007) şəhərlərində keçirilmiş beynəlxalq turnirlərdə qadınlar arasında beynəlxalq qrosmeyster normasını yerinə yetirib.[1] Ardıcıl iki dəfə Belqradda keçirilmiş beynəlxalq turnirlərdə qalib olub (2013, 2014).[2][3]
İspaniyanın qadınlardan ibarət milli komandasının tərkibində yeddi dəfə Ümumdünya Şahmat Olimpiadalarında (2004, 2008–2016),[4] altı dəfə isə Avropa çempionatlarında (2005–2015) çıxış etmişdir.[5]
Üç dəfə qadın şahmatçılar arasında İspaniya çempionu olub (2008, 2012, 2015).[6] 2016-cı ildə Rumıniyanın Mamaya şəhərində keçirilmiş şahmat üzrə qadınlar arasında XVII şəxsi Avropa çempionatında gümüş medal qazanıb.