Saleh Bağırov

Saleh Ramiz oğlu Bağırov (10 mart 1981, Bakı) — teleaparıcı.[1]

Saleh Bağırov
Doğum tarixi 10 mart 1981(1981-03-10) (42 yaş)
Doğum yeri
Vətəndaşlığı
Atası Ramiz Bağırov
Fəaliyyəti aparıcı

Həyatı[redaktə | mənbəni redaktə et]

Saleh Bağırov 10 mart 1981-ci ildə Bakıda ziyalı ailəsində dünyaya göz açmışdır. Atası Ramiz Sadıq Saleh oğlu Bağırov uzun illər Azərbaycan Dövlət Televiziyasında ali dərəcəli səs rejissoru olmuşdur. Anası Nərgiz xanım Nəsirova ingilis dili müəllimidir. Saleh Bağırovun babası Sadıq Saleh Bağırov[2] tanınmış teatr aktyoru Azərbaycan Respublikasının əməkdar artisi, həmçinin əmisi Pərviz Bağırov da aktyordur.

Saleh uşaq yaşlarından etibarən teatra səhnəyə maraq göstərirdi. Hələ orta məktəbə getməmişdən öncə evlərinin həyətində uşaqları ətrafına toplayar, improvizə edilmiş səhnə qurar onlar üçün tamaşalar oynayardı. 1987-ci ildə evlərinin üzbəüz səkisində yerləşən 132 saylı məktəbə qədəm qoydu. Elə ilk gündən səliqəsi, dərsə davamiyyəti ilə ibtidai sinif müəllimi Cəmilə müəllimənin sevimlisinə çevrilən Saleh məzəli əhvalatları, zarafatları ilə bir müddət sonra sinif yoldaşlarının da rəğbətini qazanır. Məktəb illərindən etibarən Gənc Tamaşaçılar teatrında səhnələşdirilən tamaşalarda iştirak edir. Ara bir dərs boş keçəndə də lövhədə səhnə qurar sinif yoldaşları ilə birlikdə əyləncə təşkil edərdi. Uşaq yaşlarından səhnəyə olan bu həvəs onu Azərbaycan Dövlət Mədəniyyət və İncəsənət Universitetinə gətirir. Universiteti bakalavr və magistr təhsil dərəcəsi ilə bitirir. Tələbə ikən də, sonralar da müxtəlif teatrlarda tamaşalarda müxtəlif rollarda iştirak edir. 2004-cü ildə İctimai Televiziyanın ilk yarandığı gündən etibarən Saleh Bağırov bu televiziya ailəsinin sadiq üzvü kimi bütün yaradıcı enerjisi ilə teleaparıcı kimi çalışmağa başlayır. Özünəməxsus yaradıcılıq qabiliyyəti, zəkası və novatorluğu ilə İTV-də bu günə qədər bir çox proqram və verilişlərin hazırlanmasında yaxından iştirak edir.[3]

Ailəsi[redaktə | mənbəni redaktə et]

Saleh Bağırov ailəlidir, qız və oğul övladları var.[4][5]

İstinadlar[redaktə | mənbəni redaktə et]

  1. ↑ https://yenicag.az/azerbaycan-efirinde-ag-elcek-atislari-eger-bu-hal-kimdese-qiciq-yaradirsa-taninmis-teleaparici/?fbclid=IwAR0Vpply7aaVNAzFwZIGPwbTqmVPEmiAaLNfP4wJBOpEbjtOU__sRTpnDM8
  2. ↑ "Arxivlənmiş surət". 2023-11-01 tarixində arxivləşdirilib. İstifadə tarixi: 2023-11-01.
  3. ↑ "Arxivlənmiş surət". 2023-11-01 tarixində arxivləşdirilib. İstifadə tarixi: 2023-11-01.
  4. ↑ "Arxivlənmiş surət". 2023-11-01 tarixində arxivləşdirilib. İstifadə tarixi: 2023-11-01.
  5. ↑ "Arxivlənmiş surət". 2023-11-01 tarixində arxivləşdirilib. İstifadə tarixi: 2023-11-01.

Xarici keçidlər[redaktə | mənbəni redaktə et]