Sarımsaqyarpaqlı pişikotu

Valeriana alliariifolia Adams

Qısa morfoloji xüsusiyyətləri[redaktə | mənbəni redaktə et]

Hündürlüyü 7-100 (200) sm, gövdəsi düz, möhkəm, çox şırımlı, içi boş, 5-7 ədəd düyünaraları vardır, lap aşağıdakılar qısalmış olan, hündür, çoxillik çılpaq bitkidir. Kökümsovu

qalın və qısadır, qeyri-bərabər budaqlanmışdır.

Yarpaq[redaktə | mənbəni redaktə et]

Yarpaqları gövdə üzərində (3) 5-7 (8) cüt olmaqla düzülmüş, kökətrafı və aşağı yarpaqları uzun saplaq üzərindədir, iridir, dəyirmi ürəkşəkillidir, qaidə hissəsi dərinürəkşəkillii

və ya böyrəkşəkillidir, kənarları sivri dişcikləri olan oyuqlu-dişlidir və sivri və yaxud uc hissəsi sivriləşmişdir, sonrakılar daha qısa saplaq üzərində olub, tədricən azalandır, enli ürəkşəkilliyumurtaşəkillidir, daha sivriləşmişdir, yuxarıdakı yarpaq cütləri demək olar ki, oturaqdır.

Çiçək[redaktə | mənbəni redaktə et]

Çiçək qrupu iridir, qalxanvari olub, dixotomik budaqlanmış, bar verən zaman şaxələnəndir. Tac konusvari-qıfşəkillidir, ağ və ya çəhrayı rəngdədir.

Meyvə[redaktə | mənbəni redaktə et]

Meyvələrinin uzunluğu (3) 4-5 mm-dir, yastıdır, azacıq ürəkşəkilli əsası tədricən yuxarıya doğru daralmışdır, uzunsov və ya xətvariuzunsovdur, çılpaqdır; uçağanı 10-15 ədəd cod

tüklərdən ibarətdir, meyvənin ölçüsünə bərabərdir.

Çiçəkləməsi[redaktə | mənbəni redaktə et]

İyul-Avqust

Meyvə verməsi[redaktə | mənbəni redaktə et]

(İyul) Avqust-Sentyabr

Azərbaycanda yayılması[redaktə | mənbəni redaktə et]

BQ qərb Şəki və Zaqatala r-n). Yuxarı meşə və subalp qurşaqlarında.

Yaşayış mühiti[redaktə | mənbəni redaktə et]

Meşə talalarında və çəmənlərdə, rütubətli yerlərdə, çay sahilində, bulaqların yaxınlığında, qayalarda və tökməyerlərdə rast gəlinir.

Mənbə[redaktə | mənbəni redaktə et]

^[1]

İstinadlar[redaktə | mənbəni redaktə et]