Seyid Abdullah Fatiminiya

Seyid Abdullah Fatiminiya (fars. سید عبدالله فاطمی‌نیا‎; 1946, Təbriz – 16 may 2022, Tehran)^[1] — İslam alimi, irfan ustadı, müctəhid.

Seyid Abdullah Fatiminiya
سید عبدالله فاطمی‌نیا
Doğum tarixi	1946
Doğum yeri	Təbriz, Təbriz şəhristanı, Şərqi Azərbaycan ostanı, İran
Vəfat tarixi	16 may 2022(2022-05-16)
Vəfat yeri	Tehran, Tehran şəhristanı, Tehran ostanı, İran
Vəfat səbəbi	xərçəng xəstəliyi
Vətəndaşlığı	İranlı
Milliyyəti	Türk
Uşaqları	Seyid Həsən, Seyid Hüseyn
Elm sahələri	Fiqh, rical, hədis, əxlaq və irfan
Elmi dərəcəsi	Müctehid
Vikianbarda əlaqəli mediafayllar

Ayətullah Abdullah Fatiminiya din xadimi, natiq, əxlaq alimi, İslam tarixçisi və biblioqrafıdır. O, əxlaq və irfan, hədis, ərəb ədəbiyyatı poeziyasını araşdırır.

Seyid Abdullah Fatiminiya 1946-ci ildə İranın Təbriz şəhərində anadan olur. O, gənc yaşlarından irfan alimlərindən olan atası Mir İsmayıl tərəfindən ibtidai dini və elmi təhsilə yiyələnir.

Sonrakı 30 ilə yaxın müddətdə Fatiminiya Seyid Əli Qazinin tələbələrindən olan Həsən Müstəfəvidən təhsil alır və eyni zamanda hövzə təhsilini də bu müddətdə davam etdirir.

Müstəfəvidən sonra o, Əllamə Təbatəbai, Seyid Məhəmməd Həsən İlahi Təbatəbai (Əllamə Təbatəbainin kiçik qardaşı), Məhəmməd Təqi Amuli, Seyid Rza Bəhauddin, Məhəmməd Təqi Behcət, Əllamə Cəfəri kimi alimlərdən istifadə edir.

Bütün bu sadalanan fəqihlərin əksəriyyəti böyük düha Seyid Əli Qazinin tələbələridir. Elə buna görə də ustadı dolayısı ilə Qazinin tələbəsi hesab etmək olar.^[2]

Seyid Abdullah Fatiminiya İslam elmləri üzrə mütəxəssisdir və bu sahədə tədqiqatlarla məşğuldur. Onun digər fəaliyyətlərinə hövzədə tədris, ekspert kimi radio və televiziyada dini proqramlara qatılmaq, hövzə və universitetlərdə mühazirələr oxumaq daxildir.

Onun dini moizələri tez-tez İran televiziyasında yayımlanır və bu səbəbdən İranda tanınmış din xadimləri sırasında yer alır. Onun böyük oğlu Həsən Fatiminiya Şəhid Behiştinin kürəkənidir.

Ustad ictimai minbərlərdə təbliğatçı, eyni halda Səhifəyi Səccadiyə və Nəhcül-Bəlağənin məşhur, parlaq təfsirçilərindən sayılır. O, müxtəlif məclislərdə bir neçə dəfə bu dəyərli əsərlərdən silsiləvi məruzələrlə çıxış etmişdir.

Seyid Abdullah Fatiminiya bütün bu fəaliyyəti daxilində çox qiymətli əsərlər də qələmə almışdır. Onun kitabları çox vaxt İslam şüuru və əhlibeyt anlayışlarının izahını özündə ehtiva edir.

Bunlardan bəzilərini qeyd edirik: “Parçalardan nöqtələr” (mühazirələrindən parçalar, üç cilddə), “İntizar mədəniyyəti”, “Eşqin sonu”, “Minlərdən bir nöqtə” (Seyid Fatiminiyanın mühazirələrinin yenidən nəşri, iki cilddə), “Ərməğani Qədir” (Qədir-Xum hadisəsi haqqında şiə və sünni mənbələrindən qırx hədis), “Camieyi Kəbir ziyarətinin şərhi və təfsiri” (Fatiminiyanın on məruzəsinin mətni), “Ziyarətlər”.

Seyid Abdullah Fatiminiyanın müxtəlif jurnallarda dərc olunan çoxsaylı məqalələri də var.

1997-ci ilin fevralında ustad Fatiminiyanın xəstəlik səbəbindən xəstəxanaya yerləşdirilməsi çox acı bir hadisəni üzə çıxardı. Ustad xərçəng xəstəliyindən əziyyət çəkirmiş. Zamanla xərçəngin acı təsirindən müalicə alan ustadın bəzən vəziyyəti yetərincə ağırlaşırdı. Onun kimyaterapiya seanslarından istifadə edildiyi də bildirilir. Bu səbəblə o 16 may 2022-ci ildə vəfat etdi.^[3]

İslam