Sodar İsmayılova (tam adı: Sodar Məbud qızı İsmayılova; d. 15 mart 1930, Nuxa rayonu, Azərbaycan SSR) — Sovet dövrü Azərbaycan tütünçüsü, Sosialist Əməyi Qəhrəmanı (1949).
| Sodar İsmayılova | |
|---|---|
| Doğum tarixi | |
| Doğum yeri | Nuxa rayonu Baş Zəyzid kəndi, Azərbaycan SSR |
| İxtisası | tütünçü |
| Fəaliyyəti | tütünçü |
| Partiyası | |
| Tanınır | Sosialist Əməyi Qəhrəmanı (1949) |
15 mart 1930-cu ildə Azərbaycan SSR-in Nuxa (Şəki) rayonunun Baş Zəyzid kəndində anadan olub.
1946-cı ildən kolxozçu, 1953-cü ildən Şəki rayonunun "Şəfəq" kolxozunda (keçmiş adı ilə Səfərova) tütünçü olmuşdur. 1948-ci ildə "Trabzon" tütün sortu üzrə 3 hektarlıq sahədən hər hektarına 25.1 sentner olmaqla məhsul almışdır.
SSRİ Ali Sovetinin Prezidiumunun qərarı ilə 1 iyul 1949-cu ildən etibarən 1948-ci ildəki yüksək tütün məhsulu əldə edilməsi göstəricisinə görə Sodar Məbud qızı İsmayılova Lenin ordeni və "Çəkic və Oraq" qızıl medalı ilə təltif olunmaqla yanaşı Sosialist Əməyi Qəhrəmanı adına layiq görülmüşdür.[1] Azərbaycanın ictimai həyatında fəal iştirak etmişdir. 1957-ci ildən Sovet İttifaqının Kommunist Partiyasının üzvü olmuşdur.[2]
2002-ci ildən etibarən prezident təqaüdçüsüdür.