Tasi mədəniyyəti

Tasi mədəniyyəti - Yuxarı Misirdə aşkarlanmış ən qədim arxeoloji mədəniyyət olub, təxminən e.ə. 4500-cü ildə yaranmışdır[1].

Tasi mədəniyyəti
Coğrafi region Misir
Lokallaşdırılması Yuxarı Misir
Təmsil edən qədim misirlilər
Vikianbarın loqosu Vikianbarda əlaqəli mediafayllar

Ümumi məlumat

[redaktə | mənbəni redaktə et]

Mədəniyyət öz adını dəfn artefaktlarının tapıldığı Nilin şərq sahilində, Asut və Axmim şəhərləri arasındakı Deir-Tasa ərazisindən götürmüşdür.

Tasi mədəniyyətinin əsas xarakterik göstəricisi yuxarı hissəsi və içi qara rəngdə olan ketamik qablardır. Ümumiyyətlə bu cür keramik qablar Qədim Misirdə sülalədən əvvəlki dövrün periodizasiyasını verməyə imkan verir.

Misiroloq Flinders Pitrinin yaratdığı xüsusi sistemlə sülalədən əvvəlki dövr aid istənilən keramikin təxmini tarixini vermək olar. Bu zaman artefaktın tutacaqlarına istinad edilir.

Arxeoloji qazıntılar nəticəsində bu mədəniyyətə aid məzarlıqlar tapılmışdır. Əldə edilən daşlaşmış skeletlər Merimde mədəniyyətinə aid skeletlərə oxşayır. Araşdırmalar göstərir ki, bu dövrün insanları dolixosefal, yəni uzunsov başlı, iri gövdəli olurlar. Badari, Amrat və Natufi insanları daha cılız formalı idilər[2].

Tasi və Badari mədəniyyətlərinin keramikaları arasında nəzərə çarpan fərqlərin olmaması səbəbindən Tasi mədəniyyəti Flinders Pitrinin sistemində 21-29 aralığında Badari mədəniyyəti ilə üst-üstə düşür[3].

İstinadlar

[redaktə | mənbəni redaktə et]
  1. ↑ Encyclopædia Britannica
  2. ↑ Forde-Johnston, James L. Neolithic cultures of North Africa: aspects of one phase in the development of the African stone age cultures. University of California. 1959. səh. 58. İstifadə tarixi: 16 June 2016.
  3. ↑ Grimal, Nicolas. A History of Ancient Egypt. Librairie Arthéme Fayard. 1988.