Tulpar piyadanın döyüş maşını.
Tulpar PDM — Türkiyə istehsalı olan piyadanın döyüş maşınıdır. Döyüş maşını adını Manas dastanındakı döyüşçüləri qoruyan əfsanəvi atdan almışdır. Şirkət bildirir ki, “Tulpar” XXI əsrin tələbləri çərçivəsində tanklar ilə birlikdə tapşırıqları icra edə biləcək.
| Tulpar | |
|---|---|
 TULPAR, DSEI-2019 | |
| Tipi | Piyadanın döyüş maşını |
| Ölkə | |
| İstismar tarixçəsi | |
| İstismar illəri | 2012-indiyə qədər |
| İstismara başlanması | 2013 |
| İstehsal tarixçəsi | |
| Konstruktor | Otokar |
| Xüsusiyyətləri | |
| Ağırlığı |
16 ton (boş) 32 ton (maksimum) |
| Sürət | 70 km/saat (yolda) |
| Əsas silah | 30 mm-lik cüt doldurucu top, L-UMTAS tankəleyhinə raket atıcı |
| Köməkçi silah | 7.62 mm-lik “Browning” pulemyotu |
| Uzunluğu | 7230 mm |
| Eni | 3400 mm |
| Hündürlüyü | 2676 mm |
| Ekipaj |
3 (komandir, atıcı, sürücü) 9 piyada |
 Vikianbarda əlaqəli mediafayllar | |
Etimologiyası[redaktə | mənbəni redaktə et]
"Tulpar" qədim türk mifologiyasında döyüşçüləri qoruyan "uçan at" mənasını daşıyır. Sonradan yunanlar da bu addan bənzər əfsanələrində istifadə ediblər. Bu adın seçilməsində məqsədin zirehli birliklərin "qoruyucu uçan ata" sahib olmasının vacibliyini vurğulamaqdan ibarət olduğu ehtimal edilir. Qırğızıstan da bu adda minik avtomobili istehsal edir.
Taktiki texniki xüsusiyyətləri[redaktə | mənbəni redaktə et]
"Tulpar" çoxməqsədli zirehli döyüş maşını kateqoriyasına aiddir. Onun yüngül tank, piyada döyüş maşını, personal daşıyıcısı, idarəetmə, kəşfiyyat, axtarış-xilasetmə, raket atıcı qurğusu, sanitar maşını, HHM və ya tank əleyhinə vasitə kimi hazırlanması mümkündür. Zirehli vasitə üzmə xüsusiyyətlərinə də malikdir. Yük götürmə qabiliyyəti: 5 ton (6x6), 8,3 ton ( 8x8). Maya dəyəri 1.2 milyon ABŞ dollarıdır. Eyni zamanda bir neçə hədəf aşkarlaya bilir.
İstifadə olunan CMI "Cockerill" 3105 qülləsində komandir və tuşlayıcı olmaqla 2 ekipaj üzvü yerləşir. Universal qüllə 25-105 mm-lik topların inteqrasiyasına imkan verir. PDM versiyasında 105 mm-lik topun 30 mm-lik topla əvəz edilməsi desant bölməsində əlavə iki nəfər desant üçün oturacaqların yerləşdirilməsinə şərait yaradır. ZPD versiyası isə 11 nəfərdən ibarət şəxsi heyətin komfort şəraitdə daşınmasına imkan verir. 6 saniyədə 32 km/saat sürət toplayan vasitə maksimum 70 km/saat sürətlə hərəkət edə bilir. Ehtiyat gediş məsafəsi 600 km-dir. Amortizator və balansirdən ibarət asqı 45 ton yükü daşımaq imkanına sahibdir.[1]
İstinadlar[redaktə | mənbəni redaktə et]
- ↑ "Türkiyənin milli ixracatında "Tulpar" çoxməqsədli tank modeli – HƏRBİ EKSPERT (ARAŞDIRMA)". 2019-04-02 tarixində orijinalından arxivləşdirilib. İstifadə tarixi: 2019-04-02.