Tuzla Beynəlxalq Hava Limanı

Tuzla Beynəlxalq Hava Limanı (bosn. Međunarodni Aerodrom Tuzla) (IATA: TZL, ICAO: LQTZ) — Bosniya və Herseqovinaya aid olan Tuzla şəhəri yaxınlığında yerləşən hava limanı. Bu birgə bazanın bir aerodromudur. Mülki kommersiya təyyarələrini saat 06: 00-dan 20: 00-dək, ümumi aviasiya və korporativ aviasiya təyyarələri isə saat 06: 00-dan 17: 00-dək qəbul edə bilər.

Tuzla Beynəlxalq Hava Limanı
44°27′31″ şm. e. 18°43′29″ ş. u.
IATA: TZL – ICAO: LQTZ
Məlumat
Hava limanı tipi	Hərbi/mülki
Ölkə	Bosniya və Herseqovina
Açılış tarixi	10 oktyabr 1998
Rəsmi saytı
Vikianbarda əlaqəli mediafayllar

TZL

Bosniya və Herseqovina xəritəsində yeri

Tuzla Beynəlxalq Hava Limanı Yuqoslaviya Sosialist Federativ Respublikasında ən iri hərbi aerodromlardan biri olmuşdur. 1992-ci ildə onun üzərində nəzarəti BMT sülhməramlıları ələ keçirmişdir. 1996-cı ildən isə SFOR qüvvələrinin ən əsas hava limanı funbksiyası yerinə yetirirdi. 1998-cı ildə Tuzla kantoonu burada Tuzla mülki hava limanını açmışdır. Tuzla Beynəlxalq Hava Limanı 10 oktyabr 1998-cı ildə rəsmən mülki hava limanı olaraq aşılmışdır. Bununla belə burada hələdə hərbi baza yerləşir.

1998-ci ildə açılan sərnişin terminal binası, pik saatlarda 350 sərnişinə xidmət edə bilir. Terminal, gəliş və gediş üçün bir qapısı, sərnişinlərin qeydiyyatı üçün iki check-in sayğacı, əlilliyi olan sərnişinlərə xidmət, bilet satışı, sərnişinlərin rahatlığı və sərhəd mühafizəsi nəzarəti (24 saat) ilə təchiz olunmuşdur. 2015-ci ildə sərnişin terminalının maksimal qabiliyyətinə çatdıqdan sonra Bosniya və Herseqovina Federasiyası Hökuməti yeni terminal binası üçün 2016-cı il büdcəsində 2 milyon BAM (təxminən 1 milyon avro) ayırmağı qərara almışdır. Tuzla Kanton yeni və təkmilləşdirilmiş işıqlandırma sisteminin quraşdırılması üçün 500.000 BAM təmin edəcək. Bir çox avtomobil agentliyi hava limanında ofislərə sahibdir.

Sərnişin daşıma^[1]

• Rəsmi sayt