Vaqif Mirzəyev (şəhid)

Vaqif Mirzəyev (azərb. Mirzəyev Vaqif Səməd oğlu‎) - 20 yanvar şəhidi. Azərbaycan Respublikasının Prezidentinin 31 mart 1998-ci il tarixdə fərmanı ilə ölümündən sonra 20 Yanvar Şəhidi fəxri adı verilmişdir.

Vaqif Mirzəyev
azərb. Mirzəyev Vaqif Səməd oğlu‎
Doğum tarixi	12 noyabr 1959
Doğum yeri	Bakı, Azərbaycan SSR
Vəfat tarixi	20 yanvar 1990 (30 yaşında)
Vəfat yeri	Bakı, Azərbaycan SSR
Milliyyəti	Azərbaycanlı
Fəaliyyəti	Qara Yanvar şəhidi.

Həyatı[redaktə | mənbəni redaktə et]

Vaqif Mirzəyev 1959-cu ilin 12 noyabr tarixində Bakı şəhərinin Binə qəsəbəsində anadan olmuşdur. Binə qəsəbəsindəki elektrik qovşağında montyor işləyirdi. İki il idi ki, evlənmişdi.

Qanlı Yanvar faciəsi[redaktə | mənbəni redaktə et]

O Hadisə günü qəsəbənin yaxınlığında — Binə-Mərdəkan yolunda təxminən saat 22.00 radələrində əvvəl süngü ilə, sonra isə avtomatla vurulmuş, saat 23.05 dəqiqədə Mərdəkandakı 26 nömrəli xəstəxanaya gətirilmişdir. Vaqifin həmkəndlisi Qərib Qədirli hadisə vaxtı orada olmuşdur. Qərib hadisəni belə danışır:

Hadisələr gərginləşəndə biz qəsəbənin yaxınlığındakı kanalın üstündə idik. Kimi görürdülərsə, xəbərdarlıq etmədən vurub yıxırdılar. Bir hərbçi isə mənim gözlərim qarşısında kəndlim Vaqif Səmədoğlunun süngü ilə düz ürəyinin başından vurdu. Bu bəs deyilmiş elə bil, sonra da avtomatla vurdular. Bu hadisə məni dəhşətə gətirdi.

Vaqif Mirzəyev həmin gecə 26 nömrəli xəstəxanada vəfat etmişdir.

Binə qəsəbə qəbiristanlığında dəfn edilib.

Ünvan[redaktə | mənbəni redaktə et]

Binə qəsəbəsi, Rəhmanov küçəsi 1a.

Həmçinin bax[redaktə | mənbəni redaktə et]

• "20 Yanvar Şəhidi" fəxri adı alanların siyahısı
• Azərbaycan Respublikasının Azadlıq uğrunda mübarizlərinin siyahısı
• Şəhidlər Xiyabanında dəfn olunanlar

İstinadlar[redaktə | mənbəni redaktə et]

• Qulu Kəngərli. 20 Yanvar şəhidləri (PDF). Bakı: Gənclik. 1992. 312 səh. ISBN 4702060204. 2015-07-17 tarixində orijinalından (PDF) arxivləşdirilib. İstifadə tarixi: 2017-01-18.