Vladimir Danilov

Vladimir Nikolayeviç Danilov (rus. Владимир Николаевич Данилов; 27 dekabr 1852 – 14 noyabr 1914) – Rusiya İmperator Ordusunun zabiti. Rus-yapon müharibəsində briqada komandiri olmuşdur. Birinci dünya müharibəsində iştirak etmişdir.

Vladimir Danilov
Şəxsi məlumatlar
Doğum tarixi	27 dekabr 1852(1852-12-27)
Vəfat tarixi	14 noyabr 1914(1914-11-14) (61 yaşında)
Hərbi fəaliyyəti
Mənsubiyyəti	Rusiya imperiyası
Rütbəsi	infanteriya generalı[d]
Təltifləri

Vladimir Danilov Konstantinovski Hərbi Kollecini bitirmiş, 1876-cı ildə Serbiya–Osmanlı müharibəsində və 1877–1878-ci illərdə Rusiya–Osmanlı müharibəsində iştirak etmişdir. 1903-cü ildə general-mayor rütbəsinə yüksəlmişdir.^[1]

Rus-yapon müharibəsi zamanı 6-cı Şərqi Sibir diviziyasında briqada komandiri olmuş, Lyaoyan və Şahe döyüşlərində iştirak etmişdir. Mukden döyüşündə yaponların hücumlarını 9 gün boyunca dəf edə bilmiş və liderlik bacarıqlarına görə əsgərlər arasında sevilən şəxsə çevrilmişdir. Müharibədən sonra rus müharibə əsirlərinin Yaponiyadan təxliyə edilməsinə başçılıq etmişdir.^[1]

1906–1912-ci illərdə 2-ci Mühafizə Piyada Diviziyasının, daha sonra Mühafizə Korpusunun komandanı olmuşdur. 1913-cü ildə Sankt-Peterburq rayonunun baş komandanı təyin olunmuşdur. Birinci dünya müharibəsi başlayanda 23-cü Ordu Korpusunun komandanı olmuşdur.^[1]

• Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 99. ISBN 978-0-8108-4927-3. İstifadə tarixi: 12 may 2023.

• Vladimir Nikolayeviç Danilov "Rusiya ordusu Böyük müharibədə" layihəsində.