Vyetnam Dövlət Bankı
Vyetnam Dövlət Bankı (vyet. Ngân hàng Nhà nước Việt Nam) — Vyetnam Sosialist Respublikasının mərkəzi bankı, hökumət yanında dövlət orqanı. Bu, Vyetnam bank sisteminin dövlət tənzimlənməsini həyata keçirir.
| Vyetnam Dövlət Bankı | |
|---|---|
 | |
| Yerləşməsi | |
| Ölkə | |
| Ümumi məlumatlar | |
| Yaranma tarixi | 6 may 1951 |
| Digər məlumatlar | |
| Saytı | sbv.gov.vn |
 Vikianbarda əlaqəli mediafayllar | |
Tarixi
[redaktə | mənbəni redaktə et]Bank 1951-ci ilin may ayında Vyetnam Demokratik Respublikasın Dövlət Bankı kimi yaradılmışdır. İstehsal krediti idarəsi və xəzinədarlıq idarəsi əsasında Mərkəzi Bank yaradılmışdır.[1] 1976-cı ildə Şimali və Cənubi Vyetnam birləşdirildikdən sonra Dövlət Bankı Cənubi Vyetnam Respublikasının Milli Bankı ilə birləşdirilmişdir. Sonra ona nazirlik hüququ verilmişdir.[2]
Bank aşağıdakı funksiyaları yerinə yetirirdi: pul emissiyası və pul dövriyyəsinin tənzimlənməsi, iqtisadiyyatın bütün sahələrinə qısamüddətli kreditlərin verilməsi, kənd təsərrüfatı və digər kooperativlərin uzunmüddətli kreditləşdirilməsi, dövlət büdcəsinin kassa icrası, iqtisadiyyat, xarici valyuta və qiymətli metallarla əməliyyatlar, beynəlxalq hesablaşmalar, əmanət kassalarının və kənd kredit kooperativlərinin idarə edilməsi.[1]
Müəyyən bir dövrdə uzunmüddətli kreditlərin böyük əksəriyyəti kənd təsərrüfatına, əsasən, cari heyvanların, kənd təsərrüfatı alətlərinin və gübrələrin alınması üçün verilirdi. Balıqçılıq və duzçıxarma kooperativlərinə, anbar və dükanların tikintisi üçün marketinq və təchizat kooperativlərinə, nəqliyyat vasitələrinin əsaslı təmiri və avadanlıqların alınması üçün nəqliyyat kooperativlərinə də uzunmüddətli kreditlər verilirdi.[1]
Vyetnam Dövlət Bankı 1988-ci ilə qədər mərkəzi və kommersiya bankının funksiyalarını birləşdirmişdir. 1988-ci ildə Vyetnam maliyyə sistemində islahatlara başlamışdır. 4 dövlət kommersiya bankı (o cümlədən Vietinbank) yaradılmış, onlara iqtisadiyyatın sahələrinin kreditləşdirilməsi funksiyaları verilmişdir. Həmin andan etibarən Dövlət Bankı yalnız mərkəzi bank funksiyalarını yerinə yetirməyə başlamışdır.[3]
İstinadlar
[redaktə | mənbəni redaktə et]- ↑ 1 2 3 Государственный банк Демократической Республики Вьетнам // Финансово-кредитный словарь. I. М.: Госфиниздат. Гл. ред. В. П. Дьяченко. 1961. 313.
- ↑ Государственный банк Социалистической Республики Вьетнам // Финансово-кредитный словарь. I. М.: Финансы и статистика. Гл. ред. В. Ф. Гарбузов. 1984. 305.
- ↑ "Viet Nam Financial Sector Review" (PDF) (ingilis). World Bank. 1995-03-01. S. 8. 2016-03-04 tarixində arxivləşdirilib (PDF). İstifadə tarixi: 2014-08-30.