Xəqani Həbiboğlu

Xəqani Həbiboğlu (Verdiyev Xəqanı Həbib oğlu; d. 18 aprel 1966, Şaplar, Kəlbəcər rayonu, Azərbaycan SSR, SSRİ) — Azərbaycan şairi.

Xəqani Həbiboğlu
Verdiyev Xəqanı Həbib oğlu
Xəqani Həbiboğlu
Doğum adı	Xəqani
Təxəllüsü	Həbiboğlu
Doğum tarixi	18 aprel 1966 (58 yaş)
Doğum yeri	Şaplar, Kəlbəcər rayonu, Azərbaycan SSR, SSRİ
Vətəndaşlığı	SSRİ Azərbaycan
Milliyyəti	Azərbaycanlı
Atası	Həbib
Təhsili	Azərbaycan Dövlət Pedaqoji Universiteti
İxtisası	riyaziyyat-fizika müəllimi
Fəaliyyət illəri	1979-indi
Əsərlərinin dili	Azərbaycanca

Xəqani Həbiboğlu 1966-cı il aprel ayının 18-də Kəlbəcər rayonunun Şaplar kəndində müəllim ailəsində anadan olub. 1973-cü ildə Şaplar kənd orta məktəbinin 1-ci sinifinə daxil olub. Sonra təhsilini Kəlbəcər şəhər 1 saylı orta məktəbində davam etdirib. 1981-ci ildə həmin məktəbin tam kursunu bitirib.^[1]

1983-cü ildə indiki Azərbaycan Dövlət Pedaqoji Universitetinin riyaziyyat fakültəsnin riyaziyyat-fizika şöbəsinə daxil olub. Birinci kursu başa vurduqdan sonra, 1984-1986-cı illərdə Ukraynada ordu sıralarında xidmət edib. Hərbi xidmətini başa vurduqdan sonra universitetdə təhsilini davam etdirib və 1990-cı ildə riyaziyyat-fizika müəllimi ixtisasına yiyələnib.

Hal–hazırda öz ixtisası üzrə müəllim işləyir.

Ailəlidir üç övladı var.

Şairin əmiləri Qəmkeş Allahverdi və İdris Verdiyev Azərbaycanın tanınmış şairləridir.^[2]

1979-cu ildən dövri mətbuatda şeirləri, hekayələri və publisistik yazıları ilə müntəzəm çıxış edir.^[1]

1998-ci ildə “Arxamca arana gəlibdi Tərtər”, 2006-cı ildə “Allah, məni özün dindir”, 2016-cı ildə “Dünya eşqin salamını almadı” şeirlər kitabı çap olunub.

Şeirləri müxtəlif dillərə tərcümə edilib.

1. Arxamca arana gəlibdi Tərtər, Bakı: 1998.
2. Allah, məni özün dindir, Bakı: 2006.
3. Dünya eşqin salamını almadı, Bakı: 2016.