Zenisa Universiteti (bosn. Univerzitet u Zenici) — Bosniya və Herseqovinanın Zenisa şəhəri ərazisində yerləşən dövlət universiteti. Universitet 18 oktyabr 2000-ci ildə Sarayevo Universitetinin bəzi fakultələrinin onun tərkibindən çıxarılıb Zenisaya köçürülməsindən sonra təşkil olunmuşdur. Universitetdə 6000 tələbə təhsil alır. Təhsil ocağı 135 professor və 210 müllimlə fəaliyyət göstərir. 2013-cü ildə universitetdə birinci dövr ərzində 26 tədris proqramı və ikinci tədris dövründə 39 tədris proqramı təşkil edilmişdir. Universitetin rektoru Damir Kuçiçdir.
Zenisa Universiteti | |
---|---|
Univerzitet u Zenici / Универзитет у Зеници | |
44°11′57″ şm. e. 17°54′07″ ş. u. | |
Əsası qoyulub | 2000 |
Tip | Dövlət |
Rektor | Damir Kuçiç |
Tələbə sayı | 6000 |
Şəhər | Zenisa |
Ölkə | |
Vikianbarda əlaqəli mediafayllar |
Zenisa Universitetinin sələfi 1950-ci ildə qurulan Metallurgiya kollecidir. Təhsil ocağı 1961-ci ildə Sarayevo Universitetinin Metallurgiya fakültəsinə çevrilmişdir. Sonradan Zenisada Universitetin bir çox fakültələri meydana gəlmişdir. 2000-ci ildə isə Zenisa-Doboy kantonunun qərarı ilə yeni müstəqil universitet təşkil edilmişdir. O Balkan universitetləri sisteminə daxildir. Universitet Boloniya qaydalarına əsasən bakalavr və magistr proqramları ilə təmin edilmişdir. Universitetdə 8 fakültə fəaliyyət göstərir.
Hər il oktyabr ayında Zenisa Arena stadionunda bakalavrlar və magistrlara diplomların verilməsi mərasimi keçirilir.