Arif Qədimov

Arif Qədimov
Fayl:Arif Qədimov.jpg
Doğum tarixi	1 avqust 1940 (1940-08-01)
Vətəndaşlığı	Azərbaycan
Fəaliyyəti	rəssam
Təhsili	Moskva Hərbi Xarici Dillər İnstitutu, Cəlil Məmmədquluzadə adına Naxçıvan Muxtar Respublikasının Ədəbiyyat Muzeyində tərtibatçı rəssam, Naxçıvan Dövlət Tarixi Muzeyinin baş rəssamı
Tanınmış işləri	"Ağ yolun yolçusu", "Müqəddəs qəbirlər sorağında", "Sirli xalçalar", "Bir ömür boyu yaşadım Adəmli, Nuhlu", "Qədim diyar", "Mənim Naxçıvanım", "Köhnə qala haqqında ballada"

Arif Firudin oğlu Qədimov (d.01.08.1940, Naxçıvan şəhəri) — Modelyer-konstruktor. 1989-cu ildə Naxçıvan Muxtar Respublikası və 1999-cı ildə Azərbaycan Respublikası əmakdar mədəniyyət işçisi fəxri adına layiq görülmüşdür. Təqaüddədir. Bu müddətdə "Naxçıvan Nuhun yurdudur", "Bir ömür yaşadım, Adəmli, Nuhlu", "Bir ömrün xatirələri", "Ağ atlının qisası", "Nuh dastanı", "Əshabu-Kəhf dastanı, "Əcəmi dastanı" kimi tarixi -tədqiqat əsərlərini yazmış və oxucuların ixtiyarına vermişdir. Bu günlərdə təkrar nəşr kimi və geniş elmi əlavələrlə "Naxçıvan Nuhun yurdudur" adlı əsəri çapa gedəcək.

Həyatı

• 1965-ci ilin iyul ayinda, hərbi qulluqda olduğu Batumidən "Zaqafqaziya Hərbi Dairəsi"nin xüsusi göndərişi ilə "Böyük hərbi kəşfiyyatçi" kimi, Moskva Hərbi Xarici Dillər İnstitutuna daxil olmuşdur. ( Tank keçidi - 4 ünvanında.)
• 1969-cu ildə Bakı Yüngül Sənaye Texnikumununun "Modelyer-Konstruktor" fakultəsini fərqlənmə diplomu ilə bitirmişdir;
• 1960- cü ildə Bakı və 1974- cü il Azərbaycan Yüngül Sənaye nazırliyinin müqaviləsinə əsasən, göndərişlə Xankəndi ayaqqabı fabrikinə baş modelyer-konstruktoru olmuş;
• 1975-1985-ci ildə Cəlil Məmmədquluzadə adına Naxçıvan Muxtar Respublikasının Ədəbiyyat Muzeyində tərtibatçı rəssam kimi fəaliyyət göstərmiş;
• 1985-1997-ci illərdə Naxçıvan Dövlət Tarixi Muzeyinin baş rəssamı olmuşdur.
• 1997 -2008-ci illərdə Naxçıvan Dövlət Xalça muzeyinin və Əcəmi seyrəngahı mədəniyyət kompleksinin baş direktoru olmuşdur.
• 2008- cı ilin may ayından əlli illik iş stajı ilə təqaüddədir.

Arif Qədimov, Moskvada Hərbi Xarici Dillər İnstitutuna daxil olmuş, lakin obyektiv səbəbdən öz ərizəsinə əsasən təhsilini davam etdirməmişdir.

Rəssamlıq fəaliyyəti

1995-ci ildə Naxçıvan Dövlət Tarixi Muzeyinin baş rəssamı olarkən "Qanlı Yanvar", "30-cu illərin maarif xadimləri", "Bəhruz Kəngərli", "Heydər Əliyev" və s. guşələr yaratmışdır.Tarixi-sənədli filmlərin ("Qədim diyar", "Mənim Naxçıvanım", "Köhnə qala haqqında ballada" XX əsr Türk aşıq ədəbiyyatının görkəmli nümayəndəsi Aşıq Veysəl haqqında sənədli-bədii "Qaranlıq dünya" filmi. Bu film Türkiyənin Sivas vilayətinin televiziya kanallarında nümayiş etdirilib və lent yazısı aşıq Veyslin Sivrialandakı ev muzeyində saxlanılır. ) və s müəllifidir. 1984-1987 - ci illərdə çəkdiyi 30 dəqiqəlik sənədli -rəngli "Gəmiqaya" filmi ABŞ, Kanada, Argentina və Avstriyada nümayiş etdirilmiş, beynəlxalq kataloqa düşmüşdür. Bu haqda bütün arxiv sənədləri müəllifin şəxsi arxivində saxlanılır. Arif Qədimov 1998-ci ildən "Azərbaycan xalçası" Naxçıvan Muxtar Respublikasının Dövlət Muzeyinin direktoru, Əcəmi seyrəngahı mədəniyyət kompleksinin (Bura Naxçıvan Dəvlət Xalça muzeyi, Möminə Xatın türbə muzeyi, Açıq səma altında muzeyi və Mrəli -Miryaqub piri daxildir.) baş direktoru, özünün yaratdığı "Möminə Xatun" türbə-muzey kompleksinin də rəhbərn olmuşdur.. "Ağ yolun yolçusu", "Müqəddəs qəbirlər sorağında", "Sirli xalçalar", "Bir ömür yaşadım Adəmli, Nuhlu" tarixi tədqiqat əsərlərinin müəllifidir.

Həmçinin bax

• Gəmiqaya (film, 1981)
• Bəhruz Kəngərli
• Qədim diyarın gəncliyi (film, 1974)

Xarici keçidlər

• Naxçıvan Muxtar Respublika Dövlət Tarix Muzeyi
• C.Məmmədquluzadə adına Naxçıvan Muxtar Respublika Ədəbiyyat Muzeyi
• "Naxçıvan ensiklopediyası: I cild" ( (az.)).
• "Naxçıvan ensiklopediyası: II cild" ( (az.)).