Borsunlu (Goranboy)

BORSUNLU
40°39′06″ şm. e. 46°39′44″ ş. u.
Ölkə	Azərbaycan
Rayon	Goranboy rayonu
Tarixi və coğrafiyası
Mərkəzin hündürlüyü	199 m
Saat qurşağı	UTC+04:00
Əhalisi
Əhalisi	3.352 nəf. (2009)

Borsunlu — Azərbaycan Respublikasının Goranboy rayonunun inzibati ərazi vahidində kənd.

Tarixi

Borsunlu, regionun qədim yaşayış məskənlərindən biridir. Borsunlu Bələdiyyəsinə, Borsunlu və Qazaxlar kəndləri daxildir.Bu mahalda erkəm orta əsrlərdə hun tatfalarından bir hissə də yaşamışdır.Borsunlu "Boris hunlu",yəni "Boris mahalında yaşayan hunlar"mənasındadır.Əslində Borsunlu coğrafi adı Azərbaycanda indiyədək hun etnonimini saxlamış yeganə toponimdir.1804-cü il tarixli Gəncəbasarın kameral təsvirində 18 ev olmaqla Borsunlu kimi qeydə alınmışdır.Bəziləri kəndin əsasının Gürcüstanın Bolnis rayonundan,digərləri Tərtər rayonunun Borsunlu kəndindən,bir qismi isə XVIII əsrdə qazax zonasından gələnlər tərəfindən qoyulduğunu göstərir.Ola bilsin ki,kəndin adı xəzərlərin borsula tayfasının adı ilə bağlıdır.IV-V əsrlərdə Xəzər dənizinin şimal-qərb sahilində yaşayan türkdilli tayfa olan barsillər(bersillər,basillər,barseltlər)etnik və dil cəhətdən bulqarlar,savirlər və avarlarla yaxın olmuşdur.Borsunlu kəndinin adını həm həmin tayfa ilə,həm də"bol sulu","boru ilə su gətirilən yer" sözləri ilə bağlayırlar.Borsunlu kəndində aşağıdakı nəsillər var:Boyaqçılar,Hümmətlər,Göygəzalılar,Oruclar,Cırdaxanlılar(Tikqaşlılar),Aslanlar,Məşədi Qurbanlar(ilkin),Rəfililər,Məşədi Bayramlar,Rüstəmli,Bəylik Çopurlu,Hacıməmmədlilər,Nağdalılar,Nağılar,Ayağıyalınlılar.Hacı Həsən,Mikayıl Rəfili Həsən oğlu,Məşədi Saleh,Məşədi Həbibə Qurban qızı Borsunludandır.

Mədəniyyəti

Kənddə 2 orta məktəb, 2 uşaq bağçası və musiqi məktəbi,rabitə şöbəsi,avtomat telefon stansiyası fəaliyyət göstərir.Orta əsr yaşayış yeri olan Kərpicli yaşayış yeri,məscid,Rəfiyevlərin evi,türbələr,kəndin şərqində kilsə dərəsində küp qəbirlər var.Kənddə Rəfiyevlərin pambıqtəmizləmə zavodu olmuşdur.

Coğrafiyası və iqlimi

Bakı-Qazax avtomobil yolunun üstündə yerləşir..Bakıdan 343 km,rayon mərkəzindən 16 km qərbdə,Bakı-Tbilisi dəmir yolundan 3 km aralı,Gəncə-Qazax düzənliyindədir.Yevlax-Qazax şose yolunun iki hissəyə böldüyü kənd, şimal-şərqdən rayonun Qazaxlar,cənubdan Qazanbulaq,şimal-qərbdən Nadirkənd kənd ilə həmsərhəddir.Sahəsi 2781 ha-dır

Əhalisi

Əhalisi 3.429 nəfərdir.

İqtisadiyyatı

Kənd əhalisinin əsas məşğuliyyəti bitkiçilik və heyvandarlıqdır. Taxıl,tərəvəz və bostan bitkiləri,yem bitkiləri və meyvəçilik bitkiçilikdə əsas sahələri təşkil etməkdədir.

Xarici keçidlər

http://travelingluck.com/Asia/Azerbaijan/Goranboy/_586955_Borsunlu.html http://www.worldplaces.net/aze/21/borsunlu/