Bu məqalə Goranboy rayonu haqqındadır. Goranboy şəhəri üçün Goranboy səhifəsinə baxın.

Bu məqaləni vikiləşdirmək lazımdır. Lütfən, məqaləni ümumvikipediya və redaktə qaydalarına uyğun şəkildə tərtib edin.

Goranboy rayonu (əvvəlki adı: Qasım İsmayılov rayonu) — Azərbaycan Respublikasında İnzibati-ərazi vahidi. Mərkəzi Goranboy şəhəridir. Goranboy rayonu ilə Bakı arasında məsafə 317 km-dir.^[1]

Rayon
Goranboy rayonu
40°36′27″ şm. e. 46°47′33″ ş. u.HGYO
Ölkə	Azərbaycan
Daxildir	Gəncə-Daşkəsən
İnzibati mərkəz	Goranboy
İcra başçısı	Məhərrəm Quliyev
Tarixi və coğrafiyası
Yaradılıb	8 avqust 1930
Sahəsi	1.790 km²
Hündürlük	339 m
Əhalisi
Əhalisi	103.300 nəf. (1 yanvar 2018)
Rəqəmsal identifikatorlar
ISO kodu	AZ-GOR
Telefon kodu	994 22
Poçt indeksi	2200
Avtomobil nömrəsi	22
Rəsmi sayt
Vikianbarda əlaqəli mediafayllar

Fayl:Goranboy.jpg

Azərbaycan Respublikası Milli Məclisinin 14 aprel 2009-cu il tarixli, 793-IIIQ saylı Qərarı ilə Goranboy rayonunun inzibati ərazisindən 574,82 ha (o cümlədən, Qaşaltı Qaraqoyunlu kənd inzibati ərazi dairəsi tərkibindəki Qaşaltı Qaraqoyunlu kəndinin ərazisindən bələdiyyə mülkiyyətində olan 26,4 ha və Qasımbəyli kəndinin ərazisindən bələdiyyə mülkiyyətində olan 11,9 ha, Tatarlı kənd inzibati ərazi dairəsi tərkibindəki Tatarlı kəndinin ərazisindən bələdiyyə mülkiyyətində olan 2,5 ha, habelə meşə fonduna aid 534,02 ha) torpaq sahəsi Naftalan şəhərinin inzibati ərazisinə verilmişdir.^[2]

Azərbaycan Respublikası Milli Məclisinin 31 may 2010-cu il tarixli, 1018-IIIQ saylı Qərarı ilə Goranboy rayonunun inzibati ərazisindən 489,0 ha (o cümlədən Tap Qaraqoyunlu kənd inzibati ərazi dairəsi tərkibindəki Tap Qaraqoyunlu kəndinin ərazisindən bələdiyyə mülkiyyətində olan 133,84 ha, Tatarlı kənd inzibati ərazi dairəsi tərkibindəki Tatarlı kəndinin ərazisindən bələdiyyə mülkiyyətində olan 229,68 ha və xüsusi mülkiyyətdə olan 125,48 ha (cəmi — 355,16 ha) torpaq sahəsi Naftalan şəhərinin inzibati ərazisinə verilmiş, Goranboy rayonunun Qaşaltı Qaraqoyunlu kənd inzibati ərazi dairəsi əhatə etdiyi ərazi vahidləri (ərazisi müvafiq olaraq 1321,1 ha və 882,7 ha təşkil edən Qaşaltı Qaraqoyunlu və Qasımbəyli kəndləri) ilə birlikdə Naftalan şəhər inzibati ərazi vahidinin tərkibinə daxil edilmişdir.^[3]

Sahəsi 1790 km², əhalisi 107,900 nəfərdir.(01.01.2024). Mərkəzi Goranboy şəhəridir.

Rayonda 2 şəhər, 6 qəsəbə, 79 kənd var. (ümumilikdə, 87 yaşayış məntəqəsindən 85-də yaşayış var, 2 məntəqədə Gülüstan və Baş Qışlaq kəndlərində yaşayış yoxdur.)

Şəhərlərin sayı	2
Kəndlərin sayı	79
Qəsəbələrin sayı	6
İri və orta müəssisələrin sayı	~
Məktəbəqədər uşaq müəssisələrinin sayı	32
Ümumtəhsil məktəblərinin sayı	80
Texniki, orta ixtisas və peşə məktəblərinin sayı	1
Xəstəxanalar və tibb müəssisələrinin sayı	66
Mədəniyyət ocaqlarının sayı	113

Goranboy rayonunda 2 şəhər (Naftalan istisna), 7 şəhər tipli qəsəbə var.

1.Goranboy şəhəri

2.Dəliməmmədli şəhəri

3.Aşağı Ağcakənd qəsəbəsi

4.Goran qəsəbəsi

5.Kürəkçay qəsəbəsi

6.Qazanbulaq qəsəbəsi

7.Qızılhacılı qəsəbəsi

8.Yeni Veysli qəsəbəsi

9.Yuxarı Ağcakənd qəsəbəsi

Goranboy rayonunda 79 kənd var.

Göygöl, Samux, Yevlax, Tərtər, Ağdərə, Kəlbəcər rayonları ilə həmsərhəddir.

Rayonun şimal sərhədləri Mingəçevir su anbarına birləşir.

Bir ehtimala görə goran atəşpərəstlər məskəni, boy sözü isə qəbilə, tayfa, oba anlamında başa düşülür. Bəzi tədqiqatçılar Goranboy sözünü Starbonun 17 kitabdan ibarət "Coğrafiya" əsərində göstərilən müxtəlif dilli 26 tayfadan biri olan "gel-ger" tayfasının adı ilə bağlayır. Goranın (gelan) gel–ger tayfasının yaşadığı ərazi kimi işləndiyini söyləyirlər. Başqa mənbələrdə Goranboy sözünü "Kitabi – Dədə Qorqud"da işlədilən "gor" sözü ilə bağlayır, "çoxlu ölünün dəfn olunduğu yer – məzar yeri, insanın son məskəni" anlamında başa düşüldüyünü göstərirlər. Digər qrup alimlər isə "goran" sözünü türk – monqol dillərində işlənən "güryan" sözündən yarandığını, düşərgə, ordugah, müharibə edən tərəf, nahiyə mənasını verdiyini göstərirlər. XIV əsr tarixçisi Rəşidəddinə görə, səhrada 1000 ədəd alaçığın dairəvi şəkildə düzülməsi koran adlanıb, mərkəzində isə tayfa başçısının alaçığı yerləşib. Hər hansı tayfanın koran şəklində düzülməsi müdafiə məqsədilə olub. Və nəhayət, başqa bir mənbəyə görə "Goran" sözünü Qarabağın Kolanı tayfasının Goran qolunun adı ilə bağlayırlar.

Arxeoloji tədiqiqatlar zamanı Goranboy şəhəri yaxınlığında Qədim Şətəl şəhərinin xarabalıqları aşkarlanmışdır.

Rayonun əhalisi — 107,900^[4]nəfərdir. Bundan başqa rayon ərazisində 11847^[5]nəfər məcburi köçkün müvəqqəti məskunlaşmışdır.

Əhali sayı
1939	1959	1970	1977	1979	1989	1991	1999	2009	2013	2014	2018	2024
↗36 838	↗44 825	↗55 655	↗59 600	↗61 113	↗70 303	↗72 900	↗86 645	↗94 244	↗98 100	↗99 100	↗103 300	↗ 107 900

1978-ci ildə əhalinin sıxlığı hər km²-ə 48,4 nəfər olmuşdur. 2018-ci ildə bu rəqəm hər km²-ə 61 nəfər olub. Goranboy rayonunun qeydiyyatda olan əhalisi −107,9 min nəfər, həmçinin 11,9 min nəfər qaçqın və məcburi köçkün əhali müvəqqəti məskunlaşmışdır. Ümumilikdə, rayon ərazisində 120 min nəfərə yaxın əhali yaşayır. Bunlardan 51,1 faizi kişi, 48,9 faizi qadınlardır. Əhalinin 75 faizi kəndlərdə və qəsəbələrdə, 25 faizi isə şəhər yaşayış məntəqələrində yaşayır. Milli tərkibi əsasən azərbaycanlılar olmaqla, az sayda ruslar və ukraynlar da yaşayır. Əhalinin orta sıxlığı 1 kv.km-də 63.47 nəfərdir. Əhalinin sayının artması həm təbii artım, həm də miqrasiya hesabına olur.

Azərbaycanın qərb bölgəsində yerləşməklə şimal şərqdən Yevlax, cənubi şərqdən Tərtər, cənubi qərbdən Kəlbəcər, qərbdən Göygöl, şimal qərbdən Samux rayonları ilə həmsərhəddir. Səthi şimal-şərqdə düzənlik, cənub-qərbdə isə dağlıqdır, ayrı-ayrı yerlərdə qobu və dərələrlə kəsilmişdir. Dağlıq sahədə Paleogen və Neogen, düzənlikdə isə Antropogen çöküntüləri yayılmışdır. Dünyada yeganə müalicəvi neft yatağı (Naftalan) buradadır.^[1] Uzunluqları 10–12 km-ə çatan yarğan-qolu şəbəkəsi Qurudərə, Gürzalılar, Aşağı Ağcakənd zonlarında yerləşir. Rayonun cənubunu əhatə edən Murovdağda Kiçik Qafqazın ən yüksək zirvələri-Gamışdağ (3724 m), Murovdağ (3340 m), Keçəldağ (2225 m) yerləşir. Goranboy rayonun təbii şəraitindəki müxtəliflik özünü iqlim dəyişkənliyində də büruzə verir: yüksək dağlıq tundra iqlimi, qışı quraq keçən soyuq iqlim, qışı quraq keçən mülayim-isti iqlim, yayı isti keçən yarımsəhra və quru çöl iqlimi. Dağətəyi və dağlıq zonada qışı nisbətən sərt, yayı isə sərin keçir. İqlimi mülayim isti və quru subtropikdir. Orta temperatur yanvarda – 1,5 °C-dən – 1 °C-yədək, iyulda 22 °C-dən 26,5 °C-yədəkdir. İllik yağıntı 300–600 mm-dir. Çayları (Kürəkçay, Gorançay, Korçay) Kür hövzəsinə aiddir. Şabalıdı, dağ boz-qəhvəyi torpaqları var. Əsas bitki örtüyü yovşanlı və yovşanlı-şoranotulu yarımsəhra tiplidir. Meşəliklər var. Korçay Dövlət Təbiət Qoruğu rayonun ərazisindədir.^[1][6]

Goranboy rayonun təbii şəraitindəki müxtəliflik özünü iqlim dəyişkənliyində də büruzə verir: yüksək dağlıq tundra iqlimi, qışı quraq keçən soyuq iqlim, qışı quraq keçən mülayim-isti iqlim, yayı isti keçən yarımsəhra və quru çöl iqlimi. Dağətəyi və dağlıq zonada qışı nisbətən sərt, yayı isə sərin keçir. İqlimi mülayim isti və quru subtropikdir. Orta temperatur yanvarda – 1,5 °C-dən – 1 °C-yədək, iyulda 22 °C-dən 26,5 °C-yədəkdir. İllik yağıntı 300–600 mm-dir. Goranboy rayonunun iqlimi mülayim kontinental iqlim tipinə aiddir. Bu iqlim xüsusiyyətləri, bölgənin coğrafi mövqeyi, yüksəklikləri və təbii şəraiti ilə əlaqədardır. Aşağıda Goranboyun iqlimi haqqında ətraflı məlumat verilmişdir:

Fəsillərə görə iqlim şəraiti

Yaz

Goranboyda yaz fəsli adətən mülayim və yağışlı olur. Temperatur dərəcələri 15-25 °C arasında dəyişir.

Yay

Yay fəsli quru və isti olur. İyul və avqust aylarında temperatur 30 °C-yə qədər yüksələ bilər. Bu dövrdə yağışlar nadir olur.

Payız

Payız fəsli mülayim və soyuqdur. Sentyabrda temperatur tədricən azalır və noyabrda 5-15 °C arasında dəyişir. Yağışlar artmağa başlayır.

Qış

Qış fəslində temperatur 0 °C-dən aşağı düşə bilər. Yanvar ayı adətən ən soyuq ay olur və qar yağışı ilə müşayiət oluna bilər. Qışda iqlim sərt ola bilər, lakin qar örtüyü uzun müddət davam etmir.

Yağıntılar

Goranboyda yağıntılar əsasən yaz və payız aylarında baş verir. Yayıcı yağışlar qışda da ola bilər. İllik yağıntı miqdarı orta hesabla 300-500 mm arasında dəyişir.

Hava Şəraiti

Goranboyun hava şəraiti, dağlıq və düzənlik ərazilərdə fərqlənir. Dağlıq ərazilərdə temperatur daha aşağıdır, hava daha küləkli və dəyişkəndir. Düzənlik ərazilərdə isə hava daha sabit və isti olur.

Klimatik Xüsusiyyətlər

Goranboyun iqlimi, kənd təsərrüfatı üçün əlverişli şərait yaradır. Müxtəlif bitki növləri, xüsusilə taxıl, meyvə və tərəvəz yetişdirmək üçün uygundur.

Nəticə:

Goranboy rayonunun mülayim kontinental iqlimi, yerli əhalinin kənd təsərrüfatı fəaliyyəti və gündəlik həyatında mühüm rol oynayır. İqlim şəraiti, bitki örtüyü və su resurslarının mövcudluğu ilə birlikdə Goranboyun iqtisadi inkişafına və ətraf mühitin qorunmasına kömək edir.

Çayları (Kürəkçay, Gorançay, Korçay) Kür hövzəsinə aiddir. Şabalıdı, dağ boz-qəhvəyi torpaqları var. Əsas bitki örtüyü yovşanlı və yovşanlı-şoranotulu yarımsəhra tiplidir. Meşəliklər var. Korçay Dövlət Təbiət Qoruğu rayonun ərazisindədir.^[1][7]

Azərbaycan Respublikası Prezidentinin 2008-ci il 01 aprel tarixli 2745 nömrəli Sərəncamı ilə Goranboy rayonunun inzibati ərazinin 4833,6 hektar sahəsində Korçay Dövlət Təbiət Qoruğu yaradılmışdır.

Yaradılmasının əsas məqsədi Bozdağın təbii landşaftının, nadir və nəsli kəsilmək təhlükəsi qarşısında olan heyvan növlərinin qorunub saxlanılmasıdır.

Torpaq örtüyü əsasən müxtəlif dərəcədə şorlaşmış adi və açıq şabalıdı, qismən də allüvial-çəmən torpaqlardan ibarətdir.

Ərazinin relyefi düzənlik, təpəlik və alçaq daglıq (Bozdağ) sahələrindən ibarətdir.

Ərazidə qışı quraq keçən yarımsəhra və quru bozqır iqlim tipii hakimdir.

Bitkti örtüyü yovşanlı-şoranlı, şoranlı-yovşanlı bitki qruplarından, çay yataqlarının bitki kompleksindən ibarətdir. Ərazidə efemerlər də yaxşı inkişaf edir.

Buranın təbii landşaft sahələri heyvan və quşlar üçün mühüm əhəmiyyətə malikdir.

Azərbaycanın "Qırmızı Kitab"ına daxil olmuş heyvanlardan əsasən ceyranı və turacı qeyd etmək olar.

Burada məməlilərdən ceyran, dovşan, tülkü, çaqqal, canavar; quşlardan kəklik, turac və s. vardır.

Qazanbulaq-Naftalan düzənliyi rayonun böyük hissəsini əhatə edir. Mütləq hündürlüyü 300–800 m arasında dəyişir. İncəçayın və Kürəkçayın gətirmə konusları ilə mürəkkəbləşmiş qırıntılı çay daşlarından, qum və gillərdən təşkil olunmuşdur.^[1]

Goranboy rayonu əhalisi Qarabağ müharibəsində qəhrəmanlıqla döyüşmüş, 288 şəhid vermiş, 9 nəfər goranboylu Azərbaycanın Milli Qəhrəmanı fəxri adına layiq görülmüşdür. Goranboy batalyonunun sarsılmaz qəhrəmanlığı nəticəsində azad olunan Şaumyan rayonu ermənilərdən təmizlənmiş və Goranboy rayonunun inzibati ərazisinə qatılmışdır. 2016-cı il aprelin 4-də axşam saatlarında və aprelin 5-nə keçən gecə ərzində Gülüstan kəndi Azərbaycan Ordusu tərəfindən erməni işğalçıları ilə Dağlıq Qarabağda baş verən toqquşma zamanı ermənilərdən tam geri alınıb. 1991-ci ildə Şaumyan rayonu ləğv edilərək Goranboy rayonuna birləşdirildi və beləcə Goranboyun ərazisi təxminən 2 dəfə böyüdü.

Goranboy batalyonu, 1990-cı illərdə Ermənistan-Azərbaycan Qarabağ müharibəsi zamanı yaradılmış və Azərbaycanın ərazi bütövlüyünü qorumaq məqsədilə fəaliyyət göstərmiş könüllü hərbi birləşmədir. Batalyon, xüsusilə 1991-1994-cü illər arasında Goranboy rayonu və ətraf bölgələrdə erməni silahlı qüvvələrinə qarşı döyüşlərdə iştirak edib.

Goranboy batalyonunun əsas xüsusiyyətləri:

Yaranma məqsədi:

Qarabağ münaqişəsi zamanı Goranboy rayonu Ermənistan silahlı qüvvələrinin hücumlarına məruz qaldı. Bu səbəbdən yerli əhali və könüllülər tərəfindən Goranboy batalyonu yaradıldı. Batalyonun məqsədi Goranboy və ətraf kəndlərin müdafiəsini təmin etmək, ərazi bütövlüyünü qorumaq idi.

Döyüş bölgələri:

Goranboy batalyonu, əsasən Goranboyun cəbhə xəttinə yaxın olan ərazilərində fəaliyyət göstərib. Bu bölgə strateji baxımdan mühüm olduğuna görə döyüşlərin mərkəzi idi. Goranboy batalyonu həmçinin Ağdərə və ətraf bölgələrdə, xüsusilə strateji yüksəkliklərin müdafiəsində mühüm rol oynayıb. Ağdərə rayonu Qarabağ müharibəsində əsas döyüş meydanlarından biri idi və bu əraziyə nəzarət etmək hər iki tərəf üçün vacib idi. Goranboy batalyonu bu bölgədə cəsurcasına döyüşərək Azərbaycan ordusunun ərazi bütövlüyünü qorumaq üçün mühüm işlər görüb.

Batalyonun xüsusiyyətləri:

Könüllü əsaslarla formalaşma:

Batalyon əsasən yerli əhalidən, kəndlilərdən, gənclərdən və Qarabağ münaqişəsində ölkəsini qorumaq istəyən könüllülərdən ibarət idi. Onların bəziləri hərbi təcrübəyə malik deyildilər, lakin vətənpərvərlik ruhu ilə döyüşlərə qatılmışdılar.

Əsas döyüşlər:

Goranboy batalyonu Ermənistan silahlı qüvvələrinin Goranboy və qonşu bölgələrdə yerləşən Azərbaycan kəndlərinə etdiyi hücumların qarşısını almaqda mühüm rol oynamışdır. Döyüşlər Goranboy rayonu və Ağdərə bölgəsi ətrafında intensiv şəkildə keçib.

Milli qəhrəmanlar:

Goranboy batalyonu sıralarından bir çox qəhrəmanlar çıxmışdır. Onların arasında Azərbaycanın Milli Qəhrəmanları olan Tofiq Hüseynov və Valeh Bərşadlı kimi şəxslər var. Bu qəhrəmanlar Qarabağ müharibəsində göstərdikləri şücaət və fədakarlıqla yadda qalıblar.

Batalyonun əhəmiyyəti:

Goranboy batalyonu Qarabağ müharibəsi zamanı Azərbaycanın milli müdafiəsinə böyük töhfə verib. O, bir tərəfdən yerli əhalinin təhlükəsizliyini təmin edib, digər tərəfdən isə Azərbaycan ordusunun ərazi müdafiəsini gücləndirib. Batalyonun fəaliyyəti, Qarabağın azadlığı uğrunda göstərilən mübarizənin və vətənpərvərliyin simvolu hesab olunur.

Müharibədən sonra Goranboy batalyonu və onun üzvləri Azərbaycanın hərbi tarixində dərin iz buraxmış, ölkə xalqı üçün qəhrəmanlıq nümunəsi olmuşdur.

Goranboy rayonu Azərbaycanın bir çox tanınmış və görkəmli şəxslərini yetişdirib. Bu şəxslər müxtəlif sahələrdə — siyasət, elm, idman, hərb və incəsənət sahələrində nailiyyətlər qazanmışlar. Aşağıda Goranboydan olan bəzi tanınmış şəxslərin adları verilmişdir:

• Aslan bəy Səfikürdski — Azərbaycan Milli Şurasının üzvü, Azərbaycan Xalq Cümhuriyyətinin üçüncü hökumət kabinetinin (26 dekabr 1918 – 14 mart 1919) poçt-teleqraf və əmək naziri, dördüncü hökumət kabinetinin ədliyyə və əmək naziri (14 aprel 1919 – 22 dekabr 1919).
• İrşad Əliyev — Azərbaycanın keçmiş Kənd təsərrüfatı naziri.
• Dadaş Rzayev — Azərbaycanın keçmiş Müdafiə naziri. Azərbaycan Respublikası Veteranlar Şurasının sədri.

.

• Telman Əliyev — Texnika elmləri doktoru, professor, akademik, AMEA Kibernetika İnstitutunun direktoru.
• Surxay İsmayılov — Azərbaycanlı, Balakən rayonunda "Filizçay" polimetal yatağını kəşf edən geoloq.
• Arif Məmmədov — AMEA-nın müxbir üzvü (2017).
• Aydın Məmmədov — Azərbaycan iqtisadçısı, AMEA-nın müxbir üzvü.
• Elmar Abdullayev — Texnika elmləri doktoru, AMEA Neft Kimya Prosesləri İnstitutunun baş mühəndisi.
• Zöhhak Abbasov — Azərbaycan alimi, texnika elmləri doktoru (1989), professor (2012), AMEA-nın müxbir üzvü (2001).
• Cəlal Mahmudov — texnika elmləri doktoru, professor.
• Elmira Kərimova — fizikaçı-alim.
• Asif Həsənov — texnika elmləri doktoru, professor.
• Mikayıl Rəfili — (1905–1958), Ədəbiyyatçı alim və tərcüməçi, tənqidçi, 1935-ci ildən Azərbaycan Yazıçılar Birliyinin üzvü, filologiya elmləri doktoru (1944), professor (1945).
• Bayram Apoyev — tanınmış alim-şair; Azərbaycan Yazıçılar Birliyinin üzvü; "Azərbaycan Respublikasının Qabaqcıl Təhsil İşçisi".
• Əlövsət Sadıqov — Tanınmış tutçu, genetik, seleksiyaçı, biologiya elmləri üzrə fəlsəfə doktoru.
• Zakir Əliyev — Azərbaycan tibb alimi, nevropatoloq. Tibb elmləri doktoru (1987), professor (1989).
• Cəmaləddin Mehdiyev — Tibb elmləri doktoru, professor. Başqırdıstan Dövlət Tibb İnstitutunun professoru. Başqırdıstan Respublikasının Əməkdar həkimidir. Rusiya Cərrahlar Cəmiyyətinin həqiqi üzvü.
• Nazim İbrahimov — Azərbaycanın əməkdar mühəndisi.

.

• Həsrət Cəfərov — Azərbaycanı təmsil edən yunan-roma güləşçisi. "Paris 2024" — XXXIII Yay Olimpiya Oyunlarının bürünc medalçısı.
• Taleh Məmmədov — Azərbaycanı təmsil edən yunan-roma güləşçisi.
• Elman Muxtarov — Azərbaycanı təmsil edən güləşçi.
• Mərziyyə Məhərrəmova — Azərbaycanlı ağır atlet. "İslam Həmrəyliyi Oyunları" qalibi.
• Firidun Quliyev — Azərbaycanlı ağır atlet. Avropa çempionu, Dünya ikincisi.
• İlham Allahverdiyev — Futbolçu, mövqeyi hüçumçudur. Hal hazırda Bakının "MOİK" klubunda oynayır.

.

• Aşıq Kazım Rəhimli — Aşıq, şair.
• İsgəndər Səklikov (İsgəndər Fərhadoğlu) — Azərbaycan şairi, yazıçı-publisist, Azərbaycan Jurnalistlər Birliyinin üzvü (2021), Azərbaycan Yazıçılar Birliyinin üzvü (2022), Azərbaycan Aşıqlar Birliyinin üzvü (2020), Azərbaycan Respublikasının əməkdar müəllimi (2006), "Ən yaxşı müəllim" müsabiqəsinin qalibi (2011).
• Səlahəddin Quliyev — 1994–2004-cü illərdə Azərbaycan Prezidentinin mətbuat katibi və mətbuat katibinin müavini, Azərbaycan Respublikasının Əməkdar jurnalisti.
• Əli Nəzmi — Satirik şair, ədəbiyyatşünas, tərcüməçi, 1934-cü ildən Azərbaycan Yazıçılar Birliyinin üzvü.
• Firdovsi Məmmədov (Firdovsi Fahralı) — həkim-nevropotoloq, şair-publisist, Azərbaycan Yazıçılar Birliyinin üzvü, "Qızıl Qələm" mükafatı laureatı.
• İsmayıl Qarayev — Azərbaycan yazıçısı, nasir, şair, publisist, SSRİ Yazıçılar İttifaqının üzvü (1973), Azərbaycan Yazıçılar Birliyinin üzvü (1991).
• Maral Poladova — (18 sentyabr 1949, Qasım İsmayılov) — "Elm və həyat" jurnalının məsul katibi.
• Xanım İsmayılqızı — Şair, bəstəkar. Azərbaycan Yazıçılar Birliyinin üzvü.
• Rafil İmanov — Riyaziyyatçı, əməkdar müəllim və pedaqoq.
• Səfər Boluslu — El şairi.
• Vəsimə İsmayılqızı – yazıçı, publisist, Azərbaycan Jurnalistlər Birliyinin üzvü.
• Vüqar Dəmirbəyli — Yazıçı, jurnalist. Hazırda Almaniyada yaşayır.
• Yaqub Əfəndiyev — Fəxralı kəndində ilk yeni tipli məktəbin yaradıcısı. "Lenin" ordeni mükafatçısı.
• Bisavad Teymur və ya Aşıq Teymur Əhmədov — el şairi.
• Elvin Adıgözəl — kinorejissor.

.

• Saleh Həsənov — Azərbaycan Silahlı Qüvvələrinin mayoru. Vətən müharibəsi Qəhrəmanı.
• Vüsal Nağıyev — 30 oktyabr 2020; Murovdağ, Azərbaycan) — Azərbaycan Silahlı Qüvvələrinin giziri, İkinci Qarabağ müharibəsi şəhidi.
• Niyaz Kərimov — Azərbaycan dövlət və partiya xadimi, Azərbaycan Kommunist Partiyasının Qutqaşen (1978–1981) və İmişli (1968–1978) rayon komitələrinin birinci katibi, Azərbaycan SSR Ali Sovetinin VIII, IX və X çağırış deputatı.
• Bədəl Bədəlov — Azərbaycan RespublikasıDövlət Neft Şirkətinin Sosial məsələlər üzrə vitse-prezidenti (2011–2023).
• Rza Aslanov — Kirovabad (Gəncə) şəhər Partiya Komitəsinin birinci katibi.
• Bəşir Musazadə— Azərbaycanda qabaqcıl kənd təsərrüfatı mütəxəssisi. İttifaq əhəmiyyətli fərdi pensiyaçı (1968). Sosialist Əməyi Qəhrəmanı (1948).
• Bəsti Bağırova — Azərbaycanda məşhur pambıq ustası. Azərbaycanda iki əl ilə pambıq yığımı hərəkatının təşəbbüsçüsü. İki dəfə Sosialist Əməyi Qəhrəmanı (1947, 1950).
• Xaləddin İsgəndərov — Binəqədi Rayonunun sabiq İcra Hakimiyyətinin başçısı.
• Nizaməddin Quliyev — Ağstafa Rayon İcra Hakimiyyətinin və Goranboy Rayon İcra Hakimiyyətinin keçmiş başçısı, iqtisad elmləri namizədi.
• Ağa Əkbərov — 1993–2000-ci illərdə Goranboy Rayon İcra Hakimiyyətinin başçısı. Bakı Dövlət Universitetinin professoru.
• Rasim Əkbərov — Goranboy rayonundakı "N" saylı hərbi hissənin sabiq komandiri, keçmiş siyasi məhbus, sabiq Azərbaycanın Milli Qəhrəmanı (1992–2001).
• Şükür Mehdiyev — polis polkovniki.
• Məmməd Məhərrəmov — Sovet İttifaqı Qəhrəmanı.
• İdris Süleymanov — Sovet İttifaqı Qəhrəmanı.
• Vüsal Miriyev — II dərəcəli kapitan, "Dağıstan" raket gəmisinin komandiri.

.

• Qatır Məmməd — Gəncə bölgəsində məşhur qaçaq dəstəsinin başçısı. 1918–1919-cu illərdə Yelizavetpol quberniyasında kəndli qiyamının lideri.
• Qaçaq Camal — Tanınmış bəy və qaçaq.

.

• Maşallah Babakişi oğlu Abdullayev (1950–2022)
• Məhəmməd Ələsgər oğlu Həsənov (1959–2020)
• Yunis Əsgər oğlu Əliyev (1958–1992)
• Fikrət Əli oğlu Hacıyev (1964–1992)
• Ənvər Səyyad oğlu Faracov (1952–1991)
• Sərxan Surxay oğlu Ocaqverdiyev (1967–1992)
• Kazımağa Möhsün oğlu Kərimov (1951–1992)
• Niyazi Şərəfxan oğlu Aslanov (1960–1992)
• Yunis İsa oğlu Nəcəfov (1967–1992)

Georgi Vanyan — erməni sülh aktivisti və Qafqaz Sülh Təşəbbüsləri Mərkəzinin sədri.

Rayon ərazisində aşağıda adları çəkilən tarix və memarlıq abidələri var:^[1]

• Goran stansiyasından 2,5 km şimalda bizim eradan əvvəl I minilliyə aid insan məskənlərinin qalıqları;
• Goranboy şəhərində Qatır Məmməd abidəsi;
• Goranboy şəhərindən 2 km şimal-şərqdə tunc dövrünə aid Qoçtəpə yaşayış yeri;
• Qızılhacılı qəsəbəsi yaxınlığında orta əsrlərə aid Təpəyazılan məskəni, Balakürd kəndi yaxınlığında VII–VIII əsrlərə aid "Tosal ocağı" adlı abidə;
• XVIII-XIX əsrlərə aid Qızılhacılı məscidi;
• XVIII-XIX əsrlərə aid Borsunlu məscidi; Borsunlu yeraltı hamamı;
• XIII-XIV əsrlərə aid Borsunlu türbəsi;
• VII-XIII əsrlərə aid Mollavələdli türbəsi
• İlk orta əsrlərə aid 1-ci Kürəkçay qalası (Hazırəhmədli);
• Orta əsrlərdə inşa edilmiş 2-ci Kürəkçay qalası (Qaradağlı);
• Xan Qərvənd kəndi yaxınlığında XVIII əsrə aid abidə;
• Səfikürd kəndində XX əsrin əvvəllərində tikilmiş türbə, qala (XIII əsr) və XIX əsrdə tikilmiş məscid;
• Rəhimli kəndində XVIII–XIX əsrlərə aid türbə kompleksı, XIX əsrdə ucaldılmış Şatal qalası, XIX əsrə əid Mirzə Adıgözəl bəy türbəsi;
• Qazanbulaq kəndində orta əsrlərə aid türbələr;
• Kürəkçay kəndində XIX əsrə aid qala, Gülüstan kəndində XII–XVII əsrlərə aid Gülüstan qalası.

Qədim mənbələrdən məlum olur ki, Şatal V–VI əsrlərdə şəhər kimi mövcud olmuş və müxtəlif vaxtlarda Şatar, Şatal, Şətəl, Şutur kimi adlanmışdır. 1231-ci ildə monqollar Gəncəyə, Beyləqana və Şəmkirə basqın edərkən, Şatal şəhərini yerlə yeksan etmişlər. Şatal şəhərinin əsrlər boyu mövcud olduğu ərazi indi "qala yeri", yaxınlıqdakı kənd isə "sevinc, şənlik, səadət" mənasında Şadlı adlanır.^[1]

Bu gün Goranboy Gəncə-Daşkəsən iqtisadi rayonuna aiddir və burada əsas sahə kənd təsərrüfatıdır. Yerli əhali pambıqçılıq, tərəvəzçilik, taxılçılıq və üzümçülüklə məşğuldur. 2017-ci il vəziyyətinə təsərrüfatlarda 40 909 baş iribuynuzlu mal-qara, 202 469 baş xırdabuynuzlu heyvan, 363 196 baş quş var. Bundan əlavə, bu ərazidə heyvandarlıq da kifayət qədər inkişaf etmişdir. Sovet İttifaqı dövründə bu rayonda 21 kolxoz və 4 sovxoz yerləşirdi.

Goranboy rayonunun iqtisadiyyatı əsasən kənd təsərrüfatı və təbii resurslardan asılıdır. Rayonda kənd təsərrüfatı məhsulları istehsalı, heyvandarlıq və aqrar sektor iqtisadiyyatın əsas sahələrini təşkil edir. Goranboyun təbii resursları və torpaq ehtiyatları onun iqtisadiyyatının güclü olmasına töhfə verir.

1. Kənd təsərrüfatı:

Goranboyun iqtisadiyyatı əsasən kənd təsərrüfatına əsaslanır. Burada müxtəlif kənd təsərrüfatı məhsulları yetişdirilir:

Taxılçılıq: Goranboyda taxıl istehsalı əhəmiyyətli dərəcədə geniş yayılıb. Rayonun münbit torpaqları taxıl, arpa və digər dənli bitkilərin becərilməsi üçün əlverişlidir.

Bağçılıq və tərəvəzçilik: Rayonda meyvə bağları və tərəvəz plantasiyaları da geniş yayılıb. Xüsusilə alma, armud, üzüm və müxtəlif tərəvəz növləri yetişdirilir.

Pambıqçılıq: Goranboy pambıqçılıq üzrə də tanınır. Pambıq istehsalı yerli əhali üçün iş imkanları yaradır və iqtisadiyyatın mühüm hissəsini təşkil edir.

Heyvandarlıq:

Rayonun kənd təsərrüfatının digər mühüm sahəsi heyvandarlıqdır. Burada qoyunçuluq, maldarlıq və toyuqçuluq geniş yayılıb. Heyvandarlıq məhsulları — ət, süd, yun və yumurta — yerli bazarlarda və qonşu rayonlarda satılır.

2. Təbii resurslar:

Müalicəvi Naftalan nefti: Goranboy rayonu Naftalan şəhərinə yaxın yerləşir, və Naftalanın müalicəvi nefti bu bölgənin iqtisadiyyatına böyük təsir göstərir. Naftalan nefti, sağlamlıq və turizm sektorunun inkişafında mühüm rol oynayır və rayon ərazisində kurort və müalicə mərkəzlərinə turist axını təmin edir.

3. Ticarət və xidmətlər sektoru:

Rayonda kiçik və orta sahibkarlıq fəaliyyəti də mövcuddur. Xidmət sektoru əsasən ticarət, nəqliyyat və ictimai iaşə sahələrini əhatə edir. Gəncə və digər qonşu şəhərlərlə olan yaxınlıq ticarət fəaliyyətini genişləndirir və əhalinin istehlak bazarlarına çıxışını asanlaşdırır.

4. Sənaye:

Rayonda sənaye sektoru kənd təsərrüfatı və təbii ehtiyatların emalı ilə məhdudlaşır. Əsas sənaye sahələrinə qida emalı müəssisələri, yüngül sənaye və tikinti materiallarının istehsalı daxildir.

5. Turizm:

Goranboy rayonunun turizm potensialı, xüsusilə Naftalan yaxınlığı ilə əlaqədardır. Rayonda təbiət gözəllikləri və Naftalanın müalicəvi mərkəzlərinə yaxınlıq turizm sektorunun inkişafına töhfə verir. Lakin bu sahədə genişmiqyaslı infrastrukturun inkişaf etdirilməsi potensial olaraq iqtisadiyyata əlavə gəlir gətirə bilər.

Rayonda vaxtilə inkubasiya və quşçuluq zavodu, Dəliməmmədli pambıqtəmizləmə zavodu, Qazanbulaq teatr avadanlığı zavodu, "Azselxoztexnika" trestinin rayon şöbəsi, kurort təsərrüfatı fəaliyyət göstərirdi.

Rayonda ərazisində fəaliyyət göstərən "Goran Pambıq" ASC pambıq emalı müəssisəsi, "Goranboy-Şərab" şərab istehsalı müəssisəsi, "Türk Yapı Sənaye" tikinti şirkəti, "Gilan holdinq" tikinti şirkəti, Qurbanov adına üzüm istehsalı və emalı müəssisələri, "Elmir" MMC-nin gips zavodu və s. regionun və ölkənin iqtisadiyyatına fayda verir.

1977-ci ildə ərazidə 75 min hektar yararlı torpaq sahəsi var idi. Bunlardan: 32,2 min hektar əkin sahəsi, 1,1 min hektar çoxillik bitkilər üçün ayrılmış torpaq, 100 hektar rekreasiya, 1,7 min hektar biçənək, 40 min hektar otlaq sahələridir.

Əkin sahələrinin həcmi 42,1 min hektardır. 18,9 min hektar taxıl və paxlalı bitkilər, 7,7 min hektar texniki bitkilər, 1,5 min hektar kartof, tərəvəz və bostan bitkiləri, 13,9 min hektar yem bitkiləri üçün ayrılıb. 2,8 min hektar sahədə meyvə və giləmeyvə, 89 hektarda üzüm yetişdirilir.

26,9 min hektar sahənin 42,2 faizi dənli və paxlalı bitkilərin, 26,5 faizi texniki bitkilərin, 0,6 faizi tərəvəz və kartofun, 30,7 faizi yem bitkilərinə ayrılıb[4]. 1,3 min hektar sahədə üzüm yetişdirilib. 1977-ci ildə rayonun təsərrüfatları dövlətə 22,1 min ton pambıq satmışlar. Rayonun kolxoz və sovxozlarında 18 min baş iribuynuzlu, 48 min baş xırdabuynuzlu mal-qara saxlanılırdı.

Goranboy kənd təsərrüfatı rayonudur. Rayonda 40 min 509 baş iri buynuzlu, o cümlədən 26 min 789 baş ana mal, 221 min 187 baş xırda buynuzlu mal-qara vardır. İl ərzində 42 min 862 ton süd istehsal olunur (2009-cu il). Rayonda südün emalı müəssisəsi olmadığından istehsal olunan süd qəbul məntəqələrinə verilə bilmir, təsərrüfatlarda qalaraq xarab olur. Rayon ərazisində süd məmulatları istehsalı zavodu yaradılarsa, bu böyük səmərə verər. İl ərzində rayonda 2 min tondan artıq kəsilmiş çəkidə mal-qara və quş əti istehsal olunur. Ərazidə bir dənə də olsun ət və quş əti məhsullarının emalı və konservləşdirilməsi müəssisəsi yoxdur. Bu cür müəssisə yaradılarsa, yüksək səmərə verər, eyni zamanda heyvandarlıq sahəsinin daha da inkişaf etidrilməsinə müsbət təsir göstərər. İldə rayonda təxminən 5 min başdan artıq iri və xırda buynuzlu mal-qara kəsilir. Kəsilmiş heyvanların dərisi istifadəsiz qalır. Rayonda gön və dərilərin emalı və gön-dəri məmulatlarının istehsalı müəssisəsi yaradılmasına ciddi ehtiyac vardır.^[1]

Goranboy rayonu mürəkkəb geoloji quruluşa malik olaraq əhəngdaşı, gips, gil, barıt, tikinti daşı, dolomit, qırmızı qum, narın qum, yodlu yeraltı suları kimi faydalı qazıntılar və sərvətlərlə zəngindir.^[1]

Ümumiyyətlə, Goranboyun iqtisadiyyatı aqrar sektorun güclü təsiri altında olsa da, təbii resursların və turizmin inkişafı ilə gələcəkdə daha da genişlənə bilər.

Goranboy rayonu idman sahəsində ölkə üzrə xüsusi çəkiyə malikdir.

Goranboy rayonu Azərbaycanın güləş ənənəsinə malik bölgələrindən biridir. Güləş, xüsusilə sərbəst güləş, rayonda ən populyar idman növlərindən biridir. Yerli səviyyədə də güləş üzrə yarışlar təşkil olunur və gənclər bu idman növünə böyük maraq göstərirlər.

Qaradağlı kənd orta məktəbində güləş zalı fəaliyyət göstərir. Federasiya tərəfindən inventarla təmin edilmiş güləş zalında 80-dən çox yeniyetmə və gənc yunan-Roma güləşinin sirrlərinə yiyələnir. Olimpiya mükafatçısı, 2 qat Avropa çempionu və dünya ikincisi Həsrət Cəfərov, dünya və Avropa mükafatçısı Taleh Məmmədov, gənclər arasında dünya və Avropa mükafatçısı Əsgər Əlizadə, yeniyetmələr arasında olimpiya çempionu Elman Muxtarovun yetişdiyi bu məktəb Azərbaycan güləşində xüsusi çəkiyə malikdir.

Prezident İlham Əliyev 2012-ci il Goranboya səfəri çərçivəsində şahmat məktəbinin açılışında iştirak etmişdir.

Məlumat verildi ki, məktəbin tikintisinə 2011-ci ilin əvvəlində başlanmışdır. Yüksək səviyyədə aparılmış inşaat işləri 2012-ci ilin sonlarında başa çatdırılmışdır. İkimərtəbəli məktəb Goranboyda uşaqların şahmatın sirlərinə dərindən yiyələnmələri üçün lazımi avadanlıqla təchiz olunmuşdur. Məktəbin ətrafında müasir işıqlandırma sistemi quraşdırılmış, yaşıllıqlar salınmışdır.

Məlumat verildi ki, şahmat məktəbi əvvəllər məşğələlərin keçirilməsi üçün lazımi şəraiti olmayan binada yerləşirdi. Məktəb üçün şəhərin Heydər Əliyev prospektində ümumi sahəsi 300 kvadratmetr olan yeni bina inşa edilmişdir. Müasir memarlıq üslubunda tikilmiş məktəbin həyətində uşaqların açıq havada şahmat oynamaları üçün də geniş sahə yaradılmışdır.

Məktəblə tanışlıq zamanı Azərbaycan Prezidentinin diqqətinə çatdırıldı ki, binanın hər iki mərtəbəsində oyun zalları yaradılmışdır. Zallarda eyni vaxtda 50-dək şahmatçı görüş keçirə bilər. Buradakı tədris otaqları lazımi avadanlıqla təchiz olunmuşdur. Elektron biliklərin əldə olunması və müasir yeniliklərin qavranılması üçün ayrıca kompüter otağı da yaradılmışdır. Bu da dərslərin kompüter vasitəsilə keçirilməsinə, ən son yeniliklərin qısa müddətdə öyrənilməsinə şərait yaradır. Məktəbdə Prezident İlham Əliyevin və Heydər Əliyev Fondunun prezidenti Mehriban xanım Əliyevanın təhsilin inkişafına göstərdikləri diqqət və qayğını əks etdirən fotogüşlər yaradılmışdır. Ümumilikdə, məktəbdə 494 uşağa şahmat dərsləri keçilir.

Qeyd edildi ki, şahmat məktəbi respublika səviyyəli yarışlara da ev sahibliyi etməyə hazırdır. Təsadüfi deyildir ki, Goranboy şahmatçıları son illərdə beynəlxalq və respublika şahmat turnirlərində medal, diplom və kuboklara layiq görülmüşlər.

Rayonu AFFA Region liqasında "Qala Goranboy FK" təmsil edir.

Rayonun ən məşhur turizm zonalarına, Kiçik Qafqazın Şimal-Şərq yamaclarında yerləşən meşə landşaftı ilə zəngin Aşağı Ağcakənd, Yuxarı Ağcakənd qəsəbələrini, Ballıqaya, Buzluq kəndlərini və Naftalan şəhərinin adını qeyd etmək olar.

Aşağıda Goranboy rayonunun bəzi tanınmış turizm zonaları verilmişdir:

1. Naftalan şəhəri – Goranboy rayonuna yaxın olan bu şəhər, xüsusilə müalicəvi nefti ilə məşhurdur. Naftalan neftindən istifadə edilən sağlamlıq və istirahət mərkəzləri çox sayda turisti cəlb edir. ^[8]

2. Korçay Dövlət Təbiət Qoruğu – Goranboyun şimal ərazisində yerləşən bu qoruq Azərbaycanın zəngin təbiətini qorumaq üçün yaradılıb. Burada müxtəlif növ bitki və heyvan aləmi mövcuddur və təbiət sevərlərin diqqətini çəkə bilər. ^[9]

Bu yerlər Goranboy rayonunda turizmin inkişaf etdiyi bəzi məkanlardır. Ancaq rayonda turizm potensialının tam istifadəsi üçün daha genişmiqyaslı infrastruktur layihələrinə ehtiyac vardır.

Rayon ərazisindən Bakı-Qazax magistral yolunun 43 km-lik hissəsi, Bakı-Tbilisi dəmiryolunun 42 km-lik hissəsi və Qaradağ-Ağstafa-Tbilisi qaz kəməri keçir.

Goranboy rayonu Azərbaycanın qərbində yerləşdiyi üçün regionun əsas nəqliyyat yollarına sahiblik edir. Rayondan keçən avtomobil və dəmir yolları bölgənin iqtisadi inkişafında və gediş-gəlişində mühüm rol oynayır.

Goranboyun avtomobil yolları, rayondaxili əlaqəni təmin etməklə bərabər, rayonu digər bölgələrlə və paytaxt Bakı ilə əlaqələndirir. Əsas avtomobil yolları aşağıdakılardır:

Bakı-Qazax-Gürcüstan avtomobil yolu (M-2)

Goranboyun əsas yollarından biridir və bu yol ölkənin şərqini qərb ilə birləşdirir. Bakıdan başlayaraq, Qazax, Gürcüstan sərhədinə qədər uzanır. Bu yol vasitəsilə Goranboyun digər rayonlar və şəhərlərlə əlaqəsi təmin olunur.^[10]

Goranboy-Yuxarı Ağcakənd yolu

Yol Goranboy şəhəri ilə Yuxarı Ağcakənd qəsəbələrini birləşdirir. Yolun uzunluğu 37,1 km olub, 18 yaşayış məntəqəsini birləşdirir.^[11][12]

Goranboy-Qızılhacılı-Tərtər yolu

Goranboy şəhəri ilə Tərtər şəhəri arasında əlaqəni təmin edir. Yolun uzunluğu 35 km dir.^[13]

Gəncə-Borsunlu-Goranboy yolu

Goranboy şəhərini Azərbaycanın ikinci böyük şəhəri Gəncə ilə birləşdirir və iqtisadi-ticarət baxımından mühüm əhəmiyyət daşıyır. Yolun uzunluğu 34 km dir.

Talış-Tap Qaraqoyunlu-Qaşaltı-Naftalan yolu

Naftalan şəhəri ilə Talış kəndi arasında əlaqəni təmin edir. Yolun uzunluğu 22 km dir.^[14]

Goran-Naftalan yolu

Goran qəsəbəsi ilə Naftalan şəhəri arasında əlaqəni təmin edir. Yolun uzunluğu 18 km dir.^[15]

Bakı-Tbilisi dəmir yolu

Bu beynəlxalq dəmir yolu marşrutu Goranboy ərazisindən də keçir. Bu yol Azərbaycanın paytaxtı Bakı ilə Gürcüstanın paytaxtı Tbilisi arasında hərəkəti təmin edir. Eyni zamanda yük və sərnişin daşımalarında mühüm rol oynayır. Dəmir yolunun rayondan keçən hissəsində “Goran” və “Dəliməmmədli” Stansiyaları faəliyyət göstərir.

Goranboyun avtomobil və dəmir yolları əhəmiyyətli nəqliyyat şəbəkəsinin bir hissəsidir və bölgənin ticarət, logistika və turizm baxımından inkişafına kömək edir.

1994-cü ilə qədər Naftalan Hava Limanı fəaliyyət göstərib. Hazırda yenidənqurma işləri aparılır, bundan sonra hava limanı fəaliyyətini bərpa edəcək.^[16]

Rayonun ictimai-siyasi qəzeti olan "Mübariz" ayda 3 dəfə çap olunur. "Gülüstan" ədəbi məclisinin nəşri olan "Gülüstan" toplusu ayda bir dəfə nəşr olunur.^[1]

Nisbətən yaxın vaxtlarda Naftalan adlı kəndin yerində yaranmış Naftalan şəhəri bu rayonun məşhurlaşmasında mühüm rol oynamışdır. Kurort şəhəri olan Naftalanda bir neçə sanatoriya və pansionat var. Naftalanın əsas sərvəti – Naftalan neftidir. Naftalan adının etimologiyası "süzülən" və ya "axıb gedən" mənasını verən "nafta" sözündəndir. Midiyalılar yağı bu cür adlandırırdılar. Müalicəvi xassələrə malik olan Naftalan nefti əsəb, genikoloji, uroloji və dəri xəstəliklərinin, eləcə də qara ciyər xəstəliklərinin, oynaqların və dayaq-hərəkət aparatına aid oynaqdan kənar yumşaq toxumaların müalicəsi üçün müstəsna vasitə kimi bütün dünyada məşhurdur.^[1]

Dəliməmmədli şəhəri Goranboy rayonunun iqtisadiyyatında mühüm rola sahibdir. Şəhərdə sənaye əhəmiyyətli pambıq təmizləmə və süd zavodları, maşınqayırma avadanlıqları fabriki, gübrə zavodu, gips zavodu və taxıl qəbulu məntəqəsi, Goranboy rayonu üzrə aqroservis və aqrolizinq xidməti, uşaq musiqi məktəbi, peşə məktəbi, elektronlaşdırılmış kitabxana, uşaq bağçası, xəstəxana, dəmiryolu stansiyası, bank, mikrokredit xidmətləri var. Dəliməmmədli Bakı-Tbilisi dəmiryolunun 349-cu kilometrliyində Goranboy şəhərindən 26 kilometr şimal-qərbdə yerləşir. Bakı-Qazax magistral yolu üzərində yerləşir. Gəncə-Qazax düzənliyindədir.

“Goranboylular” mahnısı, Goranboy rayonunun insanları və onların qəhrəmanlığını əks etdirən bir əsərdir. Bu mahnı, Goranboyun yenilməzliyini və insanlarının birliyini vurğulayır. Mahnının sözləri adətən Goranboyun insanları və yenilməz batalyonu ilə bağlıdır. Mahnının sözləri 1992-ci ildə rayonun dahi sənətkarlarından olan Aşıq Kazım Rəhimli tərəfindən bəstələnmiş, mahnı kimi isə həmin dövrdən başlayaraq ifa olunmuşdur.

Mahnı, Goranboyluların gündəlik həyatında əhəmiyyətli bir yer tutur və bu bölgənin mədəni irsini yaşatmağa kömək edir. Mahnının ifası, rayonun insanları arasında bir həmrəylik hissi yaradır. Mahnının sözləri aşağıdakı kimidir:

“Goranboylular”

1-ci bənd

Yenə qəlbim coşub deyim ay ellər,

Düşmənə bir dərddi Goranboylular,

Bir qarış torpağın yada vermədi,

Höcətdi, çox mərddi Goranboylular,

Düşmənə çox sərtdi Goranboylular!,

2-ci bənd

Adı gəldi düşmən olur pər-pərən,

Halal olsun sizə ana süd verən,

Heyran qalır şücaətin hər görən,

Xalqına öyrətdi Goranboylular,

Düşmənə çox sərtdi Goranboylular!,

3-cü bənd

Səngərlərdə ağartsada qar qaşın,

Darda qoymaz, arxasıdır yoldaşın,

Çantalarda dığaların çal başın,

Goranboya gətirdi Goranboylular,

Düşmənə çox sərtdi Goranboylular!,

4-cü bənd

Bu dağların cığırında axıb qan,

İllər ötər yaddan çıxmaz heç zaman,

Yetiribdi neçə Milli Qəhrəman,

Dillərdə söhbətdi Goranboylular,

Düşmənə çox sərtdi Goranboylular!,

5-ci bənd

Rəhimliyəm yaxşı-yaman seçərəm,

Doldurub an badələri içərəm,

Zəhəri şərbətdi Goranboylular,

Düşmənə çox sərtdi Goranboylular!.., ^[17]

Aşıq Kazım Rəhimli. 1992-ci il

Həmçinin, Goranboy rayonunun özünəməxsus musiqi üslubları və folklor nümunələri də vardır. Bu cür mahnılar, yerli icmanın mədəniyyətini və adət-ənənələrini yaşatmağa kömək edir.

• Azərbaycanın inzibati bölgüsü
• Naftalan
• Dəliməmmədli
• Gülüstan qalası (Goranboy)
• Gülüstan kəndi
• Şətəl qalası
• Goranboy əməliyyatı