Arif Qədimov

Arif Qədimov Firudin oğlu(1940-cı il avqustun 1-i Naxçıvan şəhərində anadan olmuşdur.) — tərtibatçı rəssam. 1989-cu ildə Naxçıvan Muxtar Respublikası və 1999-cı ildə Azərbaycan Respublikası əmakdar mədəniyyət işçi vəzifəsində çalışmışdır.

Həyatı

• 1965-ci ildə Moskvada Hərbi Xarici Dillər İnstituna daxil olmuş;
• 1969-cu ildə Bakı Yüngül Sənaye Texnikumunu bitirmiş;
• 1960- 1974-cü ildə Bakı və Xankəndi ayaqqabı fabriklərində modelyer, baş modelyer-konstruktoru olmuş;
• 1975-1985-ci ildə Cəlil Məmmədquluzadə adına Naxçıvav Muxtar Respublikasının Ədəbiyyat Muzeyində tərtibatçı rəssam kimi fəaliyyət göstərmiş;
• 1985-1995-ci illərdə Naxçıvan Dövlət Tarixi Muzeyinin baş rəssamı olmuşdur.

Arif Qədimov, Moskvada Hərbi Xarici Dillər İnstituna daxil olmuş, lakin obyektiv səbəbdən təhsilini davam etdirə bilməmişdir.

Rəssamlıq fəaliyyəti

1995-ci ildə Naxçıvan Dövlət Tarixi Muzeyinin baş rəssamı olarkən "Qanlı Yanvar", "30-cu illərin maarif xadimləri", "Bəhruz Kəngərli", "Heydər Əliyev" və s. guşələr yaratmışdır.Tarixi-sənədli filmlərin ("Qədim diyar", "Mənim Naxçıvanım", "Köhnə qala haqqında ballada" və s.) müəllifidir. "Gəmiqaya" filmi ABŞ, Kanada, Argentina və Avstraliyada nümayiş etdirilmiş, beynəlxalq kataloqa düşmüşdür. Arif Qədimov 1998-ci ildən "Azərbaycan xalçası" Naxçıvan Muxtar Respublikasının Dövlət Muzeyinin direktorudur; özünün yaratdığı "Möminə Xatun" türbə-muzey kompleksinə də rəhbərlik edir. "Ağ yolun yolçusu", "Müqəddəs qəbirlər sorağında", "Sirli xalçalar", "Bir ömür boyu yaşadım Adəmli, Nuhlu" tarixi tədqiqat əsərlərinin müəllifidir.

Həmçinin bax

• Gəmiqaya (film, 1981)
• Bəhruz Kəngərli
• Qədim diyarın gəncliyi (film, 1974)

Xarici keçidlər

• Naxçıvan Muxtar Respublika Dövlət Tarix Muzeyi
• C.Məmmədquluzadə adına Naxçıvan Muxtar Respublika Ədəbiyyat Muzeyi
• "Naxçıvan ensiklopediyası: I cild" ( (az.)).
• "Naxçıvan ensiklopediyası: II cild" ( (az.)).