Arif Qədimov
Arif Qədimov | |
---|---|
Fayl:Arif Qədimov.jpg | |
Doğum tarixi | 1 avqust 1940 |
Vətəndaşlığı | Azərbaycan |
Fəaliyyəti | rəssam |
Təhsili | Moskva Hərbi Xarici Dillər İnstitutu, Cəlil Məmmədquluzadə adına Naxçıvan Muxtar Respublikasının Ədəbiyyat Muzeyində tərtibatçı rəssam, Naxçıvan Dövlət Tarixi Muzeyinin baş rəssamı |
Tanınmış işləri | "Ağ yolun yolçusu", "Müqəddəs qəbirlər sorağında", "Sirli xalçalar", "Bir ömür boyu yaşadım Adəmli, Nuhlu", "Qədim diyar", "Mənim Naxçıvanım", "Köhnə qala haqqında ballada" |
Arif Firudin oğlu Qədimov (d.01.08.1940, Naxçıvan şəhəri) — tərtibatçı rəssam. 1989-cu ildə Naxçıvan Muxtar Respublikası və 1999-cı ildə Azərbaycan Respublikası əmakdar mədəniyyət işçisi fəxri adına layiq görülmüşdür. Təqaüddədir. Bu müddətdə "Naxçıvan Nuhun yurdudur", "Bir ömür yaşadım, Adəmli, Nuhlu", "Bir ömrün xatirələri", "Ağ atlının qisası", "Nuh dastanı", "Əshabu-Kəhf dastanı, "Əcəmi dastanı" kimi tarixi -tədqiqat əsərlərini işləmiş və oxucuların ixtiyarına vermişdir. Bu günlərdə təkrar nəşr kimi və geniş elmi əlavələrlə "Naxçıvan Nuhun yurdudur" adlı əsəri çapa gedəcək.
Həyatı
- 1965-ci ildə Moskvada Hərbi Xarici Dillər İnstitutuna daxil olmuş;
- 1969-cu ildə Bakı Yüngül Sənaye Texnikumunu bitirmiş;
- 1960- 1974-cü ildə Bakı və Xankəndi ayaqqabı fabriklərində modelyer, baş modelyer-konstruktoru olmuş;
- 1975-1985-ci ildə Cəlil Məmmədquluzadə adına Naxçıvan Muxtar Respublikasının Ədəbiyyat Muzeyində tərtibatçı rəssam kimi fəaliyyət göstərmiş;
- 1985-1995-ci illərdə Naxçıvan Dövlət Tarixi Muzeyinin baş rəssamı olmuşdur.
Arif Qədimov, Moskvada Hərbi Xarici Dillər İnstitutuna daxil olmuş, lakin obyektiv səbəbdən təhsilini davam etdirə bilməmişdir.
Rəssamlıq fəaliyyəti
1995-ci ildə Naxçıvan Dövlət Tarixi Muzeyinin baş rəssamı olarkən "Qanlı Yanvar", "30-cu illərin maarif xadimləri", "Bəhruz Kəngərli", "Heydər Əliyev" və s. guşələr yaratmışdır.Tarixi-sənədli filmlərin ("Qədim diyar", "Mənim Naxçıvanım", "Köhnə qala haqqında ballada" və s.) müəllifidir. "Gəmiqaya" filmi ABŞ, Kanada, Argentina və Avstraliyada nümayiş etdirilmiş, beynəlxalq kataloqa düşmüşdür. Arif Qədimov 1998-ci ildən "Azərbaycan xalçası" Naxçıvan Muxtar Respublikasının Dövlət Muzeyinin direktorudur; özünün yaratdığı "Möminə Xatun" türbə-muzey kompleksinə də rəhbərlik edir. "Ağ yolun yolçusu", "Müqəddəs qəbirlər sorağında", "Sirli xalçalar", "Bir ömür boyu yaşadım Adəmli, Nuhlu" tarixi tədqiqat əsərlərinin müəllifidir. [1]
Həmçinin bax
Xarici keçidlər
- Naxçıvan Muxtar Respublika Dövlət Tarix Muzeyi
- C.Məmmədquluzadə adına Naxçıvan Muxtar Respublika Ədəbiyyat Muzeyi
- "Naxçıvan ensiklopediyası: I cild" ( (az.)).
- "Naxçıvan ensiklopediyası: II cild" ( (az.)).
İstinadlar
- ↑ NE, I cild,, 2005. səh. 335