Abazinlər

Abazinlər
Vikianbarda əlaqəli mediafayllar

Abazin, Abaza və ya Abaziniyalı(Abazin and Abxaz: Абаза; Çərkəz: Абазэхэр; rus. Абазины; türk. Abazalar; ərəb. أباظة‎) - Abxaz və çərkəz xalqları ilə sıx əlaqəli olan Şimal-Qərbi Qafqazın bir etnik qrupudur. Əsasən Türkiyə, Misir və Rusiyanın Şimali Qafqaz bölgəsindəki Qaraçay-Çerkesiya və Stavropol diyarlarında yaşayırlar. Abazinlərin bir qolu olan Tapantalar Kubanın yuxarı hissəsindəki Besleney və Kabardin knyazlıqları arasında yaşayırdı.

Abazinlər əvvəlcə Abxaziyanın qərb hissəsində Sadzen bölgəsində məskunlaşmış və 14-15 əsrlərdə Abxaziyadan Abaziniyaya köç etmişlər. Daha sonra 18-19-cu əsrlərdə keçmiş Osmanlı İmperiyasının müxtəlif bölgələrinə köç etdilər. 18-ci əsrin sonlarından etibarən onların hakim dini sünni İslamdır (Hənəfi).

Abaza xalqı Abxaz və Çərkəz ilə sıx əlaqəli olan bir Şimal-qərb Qafqaz dilində olan Abaza dilində danışır. Qaraçay-Çerkesiyada Abazanın iki ləhcəsi var: Ashkharua və Tapanta. Abazinin mədəniyyəti və adət-ənənələri çərkəzlərin mədəniyyətinə bənzəyir. Bir çox köhnə xəritələrdə Abazin ərazisi Çerkesiyanın (Adıgey) bir hissəsi olaraq qeyd edilmişdir.

2010-cu il Rusiya siyahıyaalınmasına əsasən, Rusiyada 43.341 abazin var idi.