Qoca qartalın ölümü (roman)

Qoca qartalın ölümü
Əsərin 2018-ci il nəşrinin üz tərəfi
Müəllif	Fərman Kərimzadə
Janr	Tarixi roman
Orijinalın dili	Azərbaycanca
Orijinalın nəşr ili	1991
Nəşriyyat	Bakı Kitab Klubu (2018)
Tiraj	100

Qoca qartalın ölümü — Fərman Kərimzadənin sonuncu tarixi romanı.

Fərman Kərimzadənin Qarabağ xanlığının tarixinə həsr etdiyi “Qoca qartalın ölümü” romanı uzun illər apardığı səmərəli axtarışların məhsuludur. Müəllif romanı 1988-ci ildə Yaltada yazmış, əsər 1991-ci ildə çap olunmuşdur.

Məzmun

F.Kərimzadənin bu sonuncu tarixi romanında XVIII əsrdə baş verən hadisələr öz əksini tapır. Bu romanda da tarixi mənbələrin təsiri hiss olunur (xüsusilə “Qarabağnamə”lər), ancaq burada da tarixi həqiqətlə bədii həqiqət bir-birini tamamlayır. Qoca qartal simvolik obrazdır – yazıçı rus imperiyasına işarə edir. O ölürsə də, yeni, cavan qartallar səmaya uçur və beləliklə, rus imperiyasının işğalçılıq siyasəti davam edir. İkiyə bölünmüş Azərbaycandan sonra yeni ölkələr, məmləkətlər fəth edilir, çarı Qırmızı imperiya əvəz edir.

Romandakı hadisələr Qarabağda cərəyan edir, əsərdə Qarabağ xanlığı haqqında tarixi mənbələr əsasında maraqlı məlumatlar verilir.

Nəşr

Roman ilk dəfə vəfatından sonra Bakıda Kiril qrafikalı Azərbaycan əlifbası 1991-ci ildə, latın qrafikası ilə isə 2018-ci ildə Bakı Kitab Klubunda nəşr edilib. Bu nəşrə romandan əlavə ədibin povest və hekayələri də daxil edilmişdir.

Xarici keçidlər

• Goodreads-də Qoca qartalın ölümü
• "Qoca qartalın ölümü" ( (az.)). bbclub.az. 2019-12-28 tarixində arxivləşdirilib. İstifadə tarixi: 2020-07-04.