69 (seks pozası)

Altmış doqquz, rəqəmlər ilə ifadə etdikdə 69, hər iki cinsi partnyorun cinsiyyət orqanlarını bir-birlərinin ağızlarına uyğunlaşdırdığı və eyni vaxtda oral sekslə məşğul olduğu bir seks pozası növüdür. Beləliklə, şəriklər, yaxud da partnyorlar 69 rəqəmindəki 6 və 9 rəqəmləri kimi bir-birinin əksinə dayanırlar. Bu poza istənilən seksual kombinasiya üçün tətbiq edilə bilər.

Metodu

69 pozasının variantlarına müştərək formada həyata keçirilən anilingus və barmaqlar vasitəsilə edilən anus və ya vaginanın penetrasiyası da daxildir. 69 pozası partnyorların yan tərəflərinin üstündə uzanması ilə nisbətən daha rahat şəkildə tətbiq oluna bilər.

Partnyorlar altmış doqquz pozasında eyni vaxtda cinsi oyanma yaşasalar da, bu poza özünü cinsi baxımdan rahatlamağa çalışan partnyor üçün diqqət yayındırıcı ola bilər. Bu poza boyları bir-birinə yaxın olmayan partnyorlar üçün əlverişsiz ola bilər.

Tarix

Qədim Çin simvolu Yin və Yang (kişi və qadın) ilə bu poza bir qədər oxşarlıq təşkil edə bilər. Fransız dilindəki “soixante-neuf” (69) termini ilk məlum formasında 1790-cı illərin Fransasında nəşr olunan və Böyük Fransa inqilabı dövründə fransızların ilk liderlərindən biri olan Mademoiselle Theroigne de Mericourta həsr olunmuş “Fahişənin katesizmi” əsərində xatırlanır.

Altmış doqquzun ilk dəfə olaraq aydın bir formada təsviri Münhen Muzeyində (Deutsches Museum) yerləşən qədim dövrə məxsus olan neft lampası üzərində kişinin üzərində uzanmış formada təsvir edilmiş qadın şəklində görünmüşdür, bu lampanın ilk təqlidi (imitasiyası, kopyası, surəti) Dr. Qaston Vorberqin Die Erotik der Antiken in Kleinkunst und Keramik portfelində istehsal edilmişdir (Münhen, 1921). Dr. Vorberq bu əsərin Roma dövrünə aid olduğunu bildirmişdir.

Həmçinin, Hindistanın Mumbay şəhəri yaxınlığındakı Elephanta adasındakı hindu məbədində altmış doqquzu təsvir edən başqa bir artefakt müəyyən edilmişdir. Bu əsər ayaq üstə duran bir kişi və ayaqları ilə onun çiyinlərindən asılmış qadının təsvir edildiyi heykəldir.