Kürəkvariyarpaqlı murdarça
Kürəkvariyarpaqlı murdarça | ||||||||
---|---|---|---|---|---|---|---|---|
Elmi təsnifat | ||||||||
Domen: Klad: Ranqsız: Aləm: Klad: Klad: Klad: Klad: Klad: Klad: Klad: Klad: Klad: Klad: Klad: Dəstə: Fəsilə: Triba: Cins: Növ: Kürəkvariyarpaqlı murdarça |
||||||||
Beynəlxalq elmi adı | ||||||||
|
Kürəkvariyarpaqlı murdarça (lat. Rhamnus spathulifolia) — bitkilər aləminin gülçiçəklilər dəstəsinin murdarçakimilər fəsiləsinin murdarça cinsinə aid bitki növü.
Təbii yayılması
Qafqazda, İranda, Kiçik Asiyada təbii halda yayılmışdır
Botaniki təsviri
Budaqları tikanlı ağac və ya kol bitkisidir. Bitkinin hündürlüyü 8 metrə çatır. Yarpaqları ellepsvari və ya lansetvaridir, uzunluğu 2,5-7 sm, eni 7-25 mm-dir. Çiçəkləri poliqam və ya ikievli sarı və ya ağ olub kiçik qruplarla, bəzən də tək yerləşir. May-iyun aylarında çiçəkləyir. Meyvəsi qara rəngli olub, yeməli deyil. Kökündə boyoq maddəsi, alkaloidlər vardır. Meyvəsində 2-4 möhkəm toxumları yerləşir. Müxtəlif mədəni formaları vardır.
Ekologiyası
Torpağa tələbkar deyildir. Vətənində işıqlı meşələrdə quraqlıq olan yerlərdə rast gəlinir. Əsasən dəniz səviyyəsindən 1500-1600m hündürlükdə bitir.
Azərbaycanda yayılması
Böyük və Kiçik Qafqazda, Talışda, Naxçıvanda dəniz səviyyəsindən 2000 m hündür ərazilərdə təbii halda rast gəlinir.
İstifadəsi
Yarpaqlarında B vitamini, meyvəsindən və qabığından likyor, müxtəlif ekstratlar, bal alınır. Yaxşı tikinti materialıdır.