Nazim Pənahov
| Nazim Pənahov | |
|---|---|
| Nazim Adil oğlu Pənahov | |
| Doğum tarixi | 6 dekabr 1971 (52 yaş) |
| Milliyyəti | azərbaycanlı |
| Elmi dərəcəsi | |
| Elmi adı | |
| Təhsili | |
| Tanınır | Professor, Tibb elmləri doktoru |
| Mükafatları |
 |
Nazim Adil oğlu Pənahov (6 dekabr 1971) — professor, tibb elmləri doktoru, əməkdar həkim.
Həyatı
Nazim Pənahov 6 dekabr 1971-ci ildə anadan olub. 1978–1988-ci illərdə Bakı şəhəri 31 saylı orta məktəbdə oxuyub və 1988-ci ildə oranı "Qızıl Medal" ilə bitirib.
Həmin ildə Azərbaycan Dövlət Tibb İnstitutunun Stomatologiya fakültəsinə daxil olub, oxuduğu müddətdə N. Nərimanov adına təqaüd alıb, 1993-cü ildə Azərbaycan Tibb Universitetini fərqlənmə diplomu ilə bitirmişdir.
Elmi fəaliyyəti
1993–1995-ci illərdə Azərbaycan Tibb Universitetinin ortepedik stomatologiya kafedrasında klinik ordinator, 1996–1999-cu illərdə həmin kafedrada aspirant, 2000–2008-ci illərdə assistent olub, 2008–2016-cı illər ərzində dosent vəzifəsində çalışıb. 2017-ci ildən isə ortopedik stomatologiya kafedrasının professoru vəzifəsində çalışır, eyni zamanda həmin ildən Ortopedik stomatologiya kafedrasının müdiridir.
2003-cü ildə tibb üzrə fəlsəfə doktoru elmi dərəcəsi almaq üçün dissertasiya müdafiə etmiş, 2009-cu ildə dosent elmi adına layiq görülüb.
2014-cü ildə tibb elmləri doktoru elmi dərəcəsi almaq üçün dissertasiya müdafiə etmiş, 2019-cu ildə professor elmi adına layiq görülüb.
N. Pənahov 100-dən çox elmi əsərin, o cümlədən dərslik, dərs vəsaiti, tədris-metodik tövsiyələrin, səmərələşdirici təkliflərin müəllifidir.
2016-cı il 7 noyabr tarixindən etribarən ATU-nun elmi katibidir.
2019-cu il 11 mart tarixindən etibarən Azərbaycan Respublikası Səhiyyə Nazirliyinin baş stomatoloqudur.
Azərbaycan Respublikası Prezidentinin 2021-ci il 09 aprel tarixli sərəncamı ilə, Azərbaycan Respublikasının əməkdar həkimi fəxri adına layiq görülüb.[1]
Məqalələri
- Parodont xəstəliklərinin ortopedik müalicəsi". Dərs vəsaiti. Z. İ. Qarayev, Bakı. "Nurlan" nəşriyyatı, 2001
- "Ortopedik stomatologiya". Dərslik. Z. İ. Qarayev, Bakı. "Oskar" nəşriyyatı. 2008.
- "Diş — çənə anomaliya və deformasiyalarının müalicə xüsusiyyətləri". Tədris-metodik vəsait. Bakı. "Təbib" nəşriyyatı. 2009.
- Кариес зубов у подростков с зубочелюстными аномалиями в Азербайджанской Республике. Российский стоматологический журнал. Москва, 2014, № 1, с. 52–53.[2]
İstinadlar
- ↑ olunmalıdır, «Tibb qəzeti» Azərbaycan Respublikası Səhiyyə Nazirliyinin orqanı. "Azərbaycan Tibb Universitetinin əməkdaşlarına fəxri adların verilməsi haqqında Azərbaycan Respublikası Prezidentinin Sərəncamı". Tibbqazeti.az (rus). 2022-08-26 tarixində arxivləşdirilib. İstifadə tarixi: 2022-08-26.
- ↑ Azərbaycan Tibb Universiteti [ölü keçid]