Nigar Əliyeva
 | Bu məqalədə daxili keçidlərin artırılmasına ehtiyac var. (fevral 2023) |
 | Bu məqalədəki məlumatların yoxlanılabilər olması üçün əlavə mənbələrə ehtiyac var. |
| Nigar Əliyeva | |
|---|---|
 Səhiyyə Nazirinin müavini  | |
| 12 fevral 2009 – 3 fevral 2022 | |
| Şəxsi məlumatlar | |
| Doğum tarixi | 1969 |
| Doğum yeri | |
| Partiya | |
Nigar Ramiz qızı Əliyeva (1969, Bakı) — Azərbaycan Respublikası səhiyyə nazirinin müavini.
Həyatı
1969-cu ildə Bakı şəhərində anadan olub. 1976–1986-cı illərdə Bakı şəhəri 46 nömrəli orta məktəbdə təhsil almışdır. 1986-cı ildə N. Nərimanov adına Azərbaycan Dövlət Tibb İnstitutunun "müalicə işi" fakültəsinə qəbul olunmuş və 1992-ci ildə bitirmişdir. 1992–1993-cü illərdə Bakı şəhəri 5 nömrəli Şəhər Klinik Xəstəxanasında "terapiya" ixtisası üzrə internatura keçmişdir. 1993-cü ildən Respublika Diaqnostika Mərkəzində həkim fəaliyyətinə başlamış və həmin müəssisədə 2006-cı ilədək həkim-terapevt vəzifəsində çalışmışdır.
2006-cı ildə Azərbaycan Respublikasının Prezidenti yanında Dövlət İdarəçilik Akademiyasında "Dövlət sosial siyasəti: mahiyyət, prioritetlər və həyata keçirilmə mexanizmləri" proqramı üzrə ixtisasartırma kursu keçmişdir.
2006-cı ildə Azərbaycan Respublikası Səhiyyə Nazirliyi Ümumi şöbənin müdiri vəzifəsinə təyin edilmişdir.
Siyasi fəaliyyəti
2009-cu ildə Azərbaycan Respublikasının səhiyyə nazirinin müavini vəzifəsinə təyin edilmişdir.[1]
Azərbaycan Prezidentinin 3 fevral 2022 tarixli sərəncamı ilə səhiyyə nazirinin müavini vəzifəsindən azad edilmişdir.[2]
Yeni Azərbaycan Partiyasının üzvüdür.
Mükafatları
- 2013-cü ildə "Səhiyyə əlaçısı" döş nişanı ilə təltif edilib.
- 2016-cı ildə Əməkdar həkim fəxri adı ilə təltif edilmişdir.
İstinadlar
- ↑ "N. R. Əliyevanın Azərbaycan Respublikası səhiyyə nazirinin müavini təyin edilməsi haqqında" Azərbaycan Respublikası Prezidentinin 12 fevral 2009-cu il tarixli, 147 nömrəli Sərəncamı [ölü keçid] (az.)
- ↑ "Arxivlənmiş surət". 2022-02-09 tarixində arxivləşdirilib. İstifadə tarixi: 2022-02-04.