Əminə Məlikova
 | Bu səhifədə iş davam etməkdədir. Müdaxilə etməyə tələsməyin!
|
| Əminə Məlikova | |
|---|---|
| Məlikova Əminə Zakir qızı | |
 | |
| Doğum tarixi | 23 noyabr 1977-ci il |
| Doğum yeri | Bakı |
| Milliyyəti | azərbaycanlı |
| Təhsili | Azərbaycan Dövlət İqtisad Universiteti |
| Elmi dərəcəsi | sənətşünaslıq üzrə fəlsəfə doktoru |
| Tanınır | Azərbaycan Milli Xalça Muzeyinin direktoru |
| Mükafatları |
  |
Əminə Məlikova (tam adı: Məlikova Əminə Zakir qızı; 23 noyabr 1977-ci il, Bakı) — Heydər Əliyev Mərkəzi Tədbirlərin və Sərgilərin Təşkili Departamentinin direktoru (2023-cü ildən), Azərbaycan Milli Xalça Muzeyinin direktoru, sənətşünaslıq üzrə fəlsəfə doktoru, Azərbaycan Respublikasının Əməkdar mədəniyyət işçisi (2017).
Həyatı
[redaktə | mənbəni redaktə et]Əminə Məlikova 23 noyabr 1977-ci ildə Bakıda anadan olmuşdur. İxtisasca iqtisadçı və sənətşünasdır. O, 2007-ci ildə Azərbaycan Dövlət İqtisad Universitetində magistratura təhsilini başa vurmuşdur. 2016-cı ildə Azərbaycan Dövlət Rəssamlıq Akademiyasında "Neft mövzusu dünya müasir incəsənətində" mövzusunda sənətşünaslıq üzrə dissertasiya müdafiə etmişdir.
Əmək fəaliyyəti
[redaktə | mənbəni redaktə et]Əminə Məlikova 1999-cu ildə əmək fəaliyyətinə başlamışdır. O, 1999–2009-cu illərdə Mədəniyyət Nazirliyinin Muzey Mərkəzinin beynəlxalq əlaqələr və mədəni inkişaf şöbəsinin müdiri vəzifəsində işləmişdir. 2018-ci ilin dekabrından "İçərişəhər" Muzey Mərkəzinin direktoru vəzifəsində çalışmışdır. O, həmin ilin mart–dekabr aylarında muzeyinin direktor müavini, 2009–2018-ci illərdə Azərbaycan Milli İncəsənət Muzeyinin beynəlxalq əlaqələr şöbəsinin müdiri vəzifələrini icra etmişdir. 2023-cü ildən Heydər Əliyev Mərkəzi Tədbirlərin və Sərgilərin Təşkili Departamentinin direktoru vəzifəsində çalışmışdır. 2024-cü ildən Azərbaycan Milli Xalça Muzeyinin direktoru vəzifəsində çalışır[1].
"Azərbaycan Kəlağayı" və "Butalı" milli brendlərinin təsisçisidir.
İctimai fəaliyyəti
[redaktə | mənbəni redaktə et]2011-ci ildən Azərbaycan Rəssamlar İttifaqının üzvüdür.
2016–2019-cu illərdə ICOM Azərbaycan Milli Komitəsinin katibi olmuş, 2019-cu ildən isə ICOM Azərbaycan Milli Komitəsinin idarə heyətinin üzvüdür [2] .
Müəllifi olduğu kitablar
[redaktə | mənbəni redaktə et]- * "Nobellər və Bakı Nefti", 2008
- *"Azərbaycan Nefti" kitabı, 2010
- *"Neft və İncəsənət" kitabı, 2012
- *"Şirvanşahlar İrsi Dünya Muzeylərində" kitabı, 2018
- *"Kəlağayı sənəti" (Kelaghayi Art) kitabı, 2018 [3]
- *"Qurama" kitabı, 2022
- *23 elmi məqalə
Təltif və mükafatları
[redaktə | mənbəni redaktə et]"Azərbaycan Respublikasının əməkdar mədəniyyət işçisi" fəxri adı — 27 sentyabr 2017 [4]
"Azərbaycan Sərhəd Mühafizəsinin 100 illiyi (1919-2019)" yubiley medalı — 31 oktyabr 2019
"Humay" milli mükafatı — 2020
İstinadlar
[redaktə | mənbəni redaktə et]- ↑ "Azərbaycan Milli Xalça Muzeyinə yeni direktor təyin olunub". İstifadə tarixi: 2018-05-30.
- ↑ "ICOM Azərbaycan Milli Komitəsinin yeni sədri seçilib". İstifadə tarixi: 2024-10-18.
- ↑ "Azərbaycanın kəlağayı sənətinə dair yeni çap olunan kitabın təqdimatı keçirilib". İstifadə tarixi: 2018-11-30.
- ↑ "Azərbaycan Milli İncəsənət Muzeyinin əməkdaşlarına "Əməkdar mədəniyyət işçisi" fəxri adının verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". İstifadə tarixi: 2018-09-27.