Əminə Məlikova

Əminə Zakir qızı Məlikova — Heydər Əliyev Mərkəzi Tədbirlərin və Sərgilərin Təşkili Departamentinin direktoru (2023-cü ildən), sənətşünaslıq üzrə fəlsəfə doktoru, Azərbaycan Respublikasının əməkdar mədəniyyət işçisi (2017).

Əminə Məlikova
Doğum tarixi (45 yaş)
Doğum yeri Bakı, Azərbaycan SSR
Vətəndaşlığı SSRİ SSRİ →
Azərbaycan Azərbaycan
Uşağı 1
Təhsili Azərbaycan Dövlət İqtisad Universiteti
Fəaliyyəti Heydər Əliyev Mərkəzi Tədbirlərin və Sərgilərin Təşkili Departamentinin direktoru
Mükafatları
"Azərbaycan Respublikasının əməkdar mədəniyyət işçisi" fəxri adı — 2017 "Humay" mükafatı — 2020
"Azərbaycan Sərhəd Mühafizəsinin 100 illiyi (1919-2019)" yubiley medalı — 2019
Üzvlüyü
az.wikipedia.org/wiki/He…
Vikianbarın loqosu Vikianbarda əlaqəli mediafayllar

Həyatı[redaktə | mənbəni redaktə et]

Əminə Məlikova 23 noyabr 1977-ci ildə Bakıda anadan olmuşdur. İxtisasca iqtisadçı və sənətşünasdır. O, 2007-ci ildə Azərbaycan Dövlət İqtisad Universitetində magistratura təhsilini başa vurmuşdur. 2016-cı ildə Azərbaycan Dövlət Rəssamlıq Akademiyasında "Neft mövzusu dünya müasir incəsənətində" mövzusunda sənətşünaslıq üzrə dissertasiya müdafiə etmişdir.[1]

Fəaliyyəti[redaktə | mənbəni redaktə et]

Əmək fəaliyyəti[redaktə | mənbəni redaktə et]

Əminə Məlikova 2018-ci ilin dekabrından "İçərişəhər" Muzey Mərkəzinin direktoru vəzifəsində çalışmışdır. O, həmin ilin mart–dekabr aylarında muzeyinin direktor müavini, 2009–2018-ci illərdə Azərbaycan Milli İncəsənət Muzeyinin beynəlxalq əlaqələr şöbəsinin müdiri vəzifələrini icra etmişdir. 2023-cü ildən Heydər Əliyev Mərkəzi Tədbirlərin və Sərgilərin Təşkili Departamentinin direktoru vəzifəsində çalışır.

"Azərbaycan Kəlağayı" və "Butalı" milli brendlərinin təsisçisidir.

1999-cu ildə əmək fəaliyyətinə başlamışdır. O, 1999–2009-cu illərdə Mədəniyyət Nazirliyinin Muzey Mərkəzinin beynəlxalq əlaqələr və mədəni inkişaf şöbəsinin müdiri vəzifəsində işləmişdir.

İctimai fəaliyyəti[redaktə | mənbəni redaktə et]

2011-ci ildən Azərbaycan Rəssamlar İttifaqının üzvüdür.

2016–2019-cu illərdə ICOM Azərbaycan Milli Komitəsinin katibi olmuş, 2019-cu ildən isə ICOM Azərbaycan Milli Komitəsinin idarə heyətinin üzvüdür.[2]

Elmi fəaliyyəti[redaktə | mənbəni redaktə et]

Müəllifi olduğu kitab və nəşrlər
  • "Nobellər və Bakı Nefti", 2008
  • "Azərbaycan Nefti" kitabı, 2010
  • "Neft və İncəsənət" kitabı, 2012
  • "Şirvanşahlar İrsi Dünya Muzeylərində" kitabı, 2018
  • "Kəlağayı sənəti" (Kelaghayi Art) kitabı, 2018[3]
  • "Qurama" kitabı, 2022
  • 23 elmi məqalə

Təltif və mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ "2016-cı il üçün fəlsəfə doktoru proqramı üzrə qeydiyyata alınmış dissertasiya mövzuları". shura.ict.az (az.). 18 oktyabr 2019. İstifadə tarixi: 21 yanvar 2020.
  2. ↑ "ICOM Azərbaycan Milli Komitəsinin yeni sədri seçilib". mct.gov.az (az.). Azərbaycan Respublikası Mədəniyyət Nazirliyi. 18 oktyabr 2019. 2021-07-31 tarixində arxivləşdirilib. İstifadə tarixi: 21 yanvar 2020.
  3. ↑ "Azərbaycanın kəlağayı sənətinə dair yeni çap olunan kitabın təqdimatı keçirilib". report.az (az.). 30 noyabr 2019. İstifadə tarixi: 21 yanvar 2020.
  4. ↑ "Azərbaycan Milli İncəsənət Muzeyinin əməkdaşlarına "Əməkdar mədəniyyət işçisi" fəxri adının verilməsi haqqında Azərbaycan Respublikası Prezidentinin Sərəncamı". e-qanun.az (az.). 27 sentyabr 2017. İstifadə tarixi: 21 yanvar 2020.
  5. ↑ ""Humay" Mi̇lli̇ Mükafatı Akademi̇yası 2020-ci̇ ili̇n qali̇bləri̇ni̇ elan etdi̇". medeniyyet.info. İstifadə tarixi: 7 dekabr 2020.[ölü keçid]

Xarici keçidlər[redaktə | mənbəni redaktə et]