Rafael Cəbrayılov

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Rafael Cəbrayılov
Cəbrayılov Rafael Kamil oğlu
Şəxsi məlumatlar
Doğum adı Cəbrayılov Rafael Kamil oğlu
Doğum tarixi 28 dekabr 1958(1958-12-28)
Doğum yeri
Vəfat tarixi 30 sentyabr 2021(2021-09-30)[1] (62 yaşında)
Vəfat yeri
Vəfat səbəbi COVID-19
Təhsili
Fəaliyyəti siyasətçi
Təltifləri "Azərbaycan Xalq Cümhuriyyətinin 100 illiyi (1918–2018)" yubiley medalı

Rafael Cəbrayılov (28 dekabr 1958, Qırmızıkənd, Neftçala rayonu – 30 sentyabr 2021[1], Bakı) — Azərbaycan Respublikası Milli Məclisinin III çağırış[2], IV çağırış və V çağırış deputatı.

Həyatı

1958-ci il dekabrın 28-də Neftçala rayonunun Qırmızıkənd kəndində anadan olmuşdur. Azərbaycan Dövlət Universitetinin Hüquq fakültəsini fərqlənmə diplomu ilə bitirmişdir. Hüquq üzrə fəlsəfə doktorudur. 10 kitabın və 100-dən çox elmi-publisistik məqalənin müəllifidir. Rus və ingilis dillərini bilirdi.

Evli idi, 2 övladı var.[3]

29 sentyabr 2021-ci ildə koronavirusdan ölmüşdür.[4]

Fəaliyyəti

1985-ci ildən Sabirabad Rayon Prokurorluğunun müstəntiqi, baş müstəntiqi, 1992-ci ildən Azərbaycan Respublikası Prokurorluğu Ümumi nəzarət idarəsinin prokuroru, rəis müavini, Sosial və iqtisadi sahələrdə qanunların icrasına nəzarət idarəsinin, Mülki sahədə qanunların icrasına nəzarət idarəsinin prokuroru vəzifələrində çalışmışdır. 2001–2002-ci illərdə Dəvəçi rayon prokurorunun, 2005-ci ildə Gədəbəy rayon prokurorunun köməkçisi olmuşdur.

Üçüncü, dördüncü və beşinci çağırış Azərbaycan Respublikası Milli Məclisinin bitərəf deputatı olmuşdur. Milli Məclisin Hüquq siyasəti və dövlət quruculuğu komitəsinin üzvü olmuşdur. Azərbaycan-İrlandiya parlamentlərarası əlaqələr üzrə işçi qrupunun rəhbəri, Rusiya, Türkiyə parlamentləri ilə əlaqələr üzrə işçi qruplarının üzvü olmuşdur. Parlamentlərarası İttifaqda Azərbaycan nümayəndə heyətinin üzvü olmuşdur.

50-dən artıq elmi-publisitik məqalənin müəllifidir.

İstinadlar

  1. ↑ 1 2 Rafael Cəbrayılov həbsdə vəfat etdi - Yenilənib.
  2. ↑ Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az Arxivləşdirilib 2017-08-09 at the Wayback Machine  (az.)
  3. ↑ Ən layiqli namizədə səs verin, parlamenti siz seçin: Rafael Cəbrayılov. "Rəsmi Bakı" qəzeti, № 10(107), 01–07 noyabr 2010-cu il.
  4. ↑ "Rafael Cəbrayılov həbsdə vəfat etdi - Yenilənib". qafqazinfo.az (az.). 30.09.2021. 2022-01-24 tarixində arxivləşdirilib. İstifadə tarixi: 30 sentyabr 2021.
 Şəxs haqqında olan bu məqalə qaralama halındadır. Məqaləni redaktə edərək Vikipediyanı zənginləşdirin.
Mənbə — "https://az.wikipedia.org/w/index.php?title=Rafael_Cəbrayılov&oldid=7532217"