"Atikva" ümid deməkdir (film, 1994)

"Atikva" ümid deməkdir — qısametrajlı sənədli televiziya film.

"Atikva" ümid deməkdir
Janr sənədli
qısametrajlı
Rejissor Rahim Sadıqbəyli
Ssenari müəllifləri Aydın Kazımzadə
Rahim Sadıqbəyli
Operator Adil Abbasov
İstehsalçı "Azərbaycantelefilm"
Filmin növü qısametrajlı sənədli televiziya filmi
Müddət 9 dəq.
Ölkələr Azərbaycan Azərbaycan
Dil azərbaycanca
İl 1994
Rəng rəngli

Rejissor Rahim Sadıqbəyli tərəfindən 1994-cü ildə çəkilmişdir. Azərbaycan Televiziyasında istehsal edilmişdir. Film Azərbaycanın Quba ərazisində yaşayan yəhudi əhalisindən bəhs edir.

Film Azərbaycanın Quba ərazisində yaşayan yəhudi əhalisindən bəhs edir. 1730-cu ildə Pirğat deyilən dağlıq hissədən bir qrup yəhudi əhalisi Quba xanı Fətəli xanın yanına gedərək, ona mürəciət edirlər ki, onlara Quba ərazisində məskunlaşmağa icazə versin. Elə o vaxtdan bu günlərə kimi yəhudilər Quba rayonunda kompakt şəklində yerləşiblər. Onlar Azərbaycanda öz icmasını qurub, Azərbaycan və İsrail dövlətlərində baş verən hadisələrdən məlumat verən "Aziz" qəzeti, yəhudi mədəniyyəti və dilini öyrədən gənclərdən ibarət təşkilat yaradıblar. Öz adət-ənənələrini öyrənməklə yanaşı, Azərbaycan yəhudiləri Azərbaycan dilini, mədəniyyətini, Azərbaycanda baş verən hadisələri böyük məmnuniyətlə öyrənirlər.

Azərbaycan torpağında dünyaya gəlib fəaliyyət göstərən akademik Landau, Fizika Institutunun direktoru Esmanov, Azərbaycan xalq artisti Rahilə Ginzburqun, Toksikologiya mərkəzinin direktoru professor Eldar Qorinin adları bir çox azərbaycanlı üçün tanış və doğmadır. Erməni təcavüzkarlara qarşı döyüşlərdə böyük şücaət göstərən Azərbaycanın Milli qəhrəmanı, tankçı Albert Aqarunov azərbaycanlıların qəlbinə əbədi həkk olunub.

Yəhudi icmasının dinə münasibəti, Azərbaycan Dövlətinin inkişafı naminə fəaliyyəti, yəhudilərin asudə günlərində məşğuliyyəti də filmdə öz əksini tapmışdır.[1]

Film üzərində işləyənlər

[redaktə | mənbəni redaktə et]
Ssenari müəllifi: Aydın Kazımzadə, Rahim Sadıqbəyli
Rejissor: Rahim Sadıqbəyli
Operator: Adil Abbasov
  1. "Bizim filmlərimiz". AzTv (az.). Aztv. Archived from the original on 2005-12-10. İstifadə tarixi: Arxivləşdirilib.