"Yeni fikir" qəzeti — Naxçıvan Dövlət Universitetində fəaliyyət göstərən ali məktəb qəzeti[1]. 1990-cı illərdə Naxçıvan Dövlət Universitetində nəşr olunmuş "Fikir" qəzetinin davamıdır, yəni yeni mərhələnin "Fikir" qəzetidir[2]. "Yeni fikir" qəzetinin baş redaktoru NDU-nin Jurnalistika və dünya ədəbiyyatı kafedrasının müdiri, filologiya üzrə fəlsəfə doktoru, dosent Şəhla Şirəliyevadır[2].
"Yeni fikir" qəzeti | |
---|---|
Növ | ali məktəb qəzeti |
Sahibi | Naxçıvan Dövlət Universiteti |
Təsisçi | Naxçıvan Dövlət Universiteti |
Baş redaktor | Şəhla Şirəliyeva |
Yaranma tarixi | 1 aprel 2011 |
Dil | azərbaycanca |
Ünvan | Naxçıvan şəhəri, Naxçıvan Dövlət Universiteti |
"YENİ FİKİR" QƏZETİ |
"Yeni fikir" qəzeti Naxçıvan Dövlət Universitetində çap edilən "Fikir" informasiya bülleteninə əlavə kimi nəşrə başlamışdır[2]. Qəzetin ilk nömrəsi 1 aprel 2011-ci ildə işıq üzü görmüşdür[2].
"Yeni fikir" qəzeti zəruri məlumatlarla yanaşı xarakterinə görə "Fikir" informasiya bülletenində gedə bilməyən bədii-publisist yazılara da meydan açan mətbuat orqanıdır[2].
Qəzet eyni zamanda universitetin Jurnalistika ixtisasının müəllimləri və tələbələri, habelə karyerasını mətbuatla bağlamaq istəyən hər kəs üçün peşə məktəbi funksiyasını da həyata keçirməkdədir[2]. Gələcək jurnalistlər bu qəzetin nəşri vasitəsilə publisistika sənətkarlığının xüsusiyyətlərini öyrənməklə yanaşı, həm də mətbəə ilə əlaqəli çalışmaq vərdişlərinə yiyələnmək, maket qurmaq, fotojurnalistikanı mənimsəmək baxımından münasib imkanlar qazana bilirlər[2].
Qəzet universitet mühitindəki elmi-maarifçi baxışların ədəbi-publisist düşüncə ilə zənginləşdirilməsinə də xidmət edir[2].