Çingiz Ələkbərzadə

Ələkbərzadə Çingiz Əbülhəsən oğlu (17 oktyabr 1936, Bakı – 7 yanvar 1999, Bakı) — nasir, ssenarist,[1] 1970-ci ildən Azərbaycan Yazıçılar Birliyinin üzvü.[mənbə göstərin]

Çingiz Ələkbərzadə
Çingiz Əbülhəsən oğlu Ələkbərzadə
Doğum tarixi 17 oktyabr 1936(1936-10-17)
Doğum yeri
Vəfat tarixi 7 yanvar 1999(1999-01-07) (62 yaşında)
Vəfat yeri
Milliyyəti azərbaycanlı
Vətəndaşlığı
Uşaqları Sevda Ələkbərzadə
Elmira Ələkbərzadə
Fəaliyyəti aktyor, yazıçı
Təhsili

Həyatı

[redaktə | mənbəni redaktə et]

Çingiz Ələkbərzadə 1936-cı il oktyabrın 17-də Bakı şəhərində anadan olmuşdur. Tovuz şəhərindəki A.S.Puşkin adına şəhər orta məktəbini bitirmişdir (1955). ADU-nun filologiya fakültəsində təhsil almışdır (1955-1960).

Tələbəlik dövründə "Kökəlməyin sirri" hekayəsi almanaxda dərc olunmuşdur (1958). Bundan sonra dövri mətbuatda müntəzəm çıxış etmişdir. Əmək fəaliyyətinə Əli Bayramlı rayonundakı 2 saylı orta məktəbdə müəllim kimi başlamışdır (1960).

Azərbaycan Dövlət Televiziya və Radio Verilişləri komitəsində son xəbərlər redaksiyasında işləmişdir (1961-1966). İsmayıllı rayonundakı İvanovka kəndində müəllim (1966-1968), Əli Bayramlı rayonunda "İşıq" qəzeti redaksiyasında məktublar şöbəsinin müdiri (1968-1971), İsmayıllı rayonunda "Zəhmətkeş" qəzeti redaksiyasında məktublar şöbəsinin müdiri (1971-1972), Azərbaycan SSR Televiziya və Radio Verilişləri komitəsində "Günün səsi" xəbərlər baş redaksiyasında müxbir (1972-1973), "Azərbaycanfılm" kinostudiyasında ssenarist (1973-1975), "Kirpi" satirik jurnalında ədəbi işçi (1976-1979), Azərbaycan Dövlət Televiziya və Radio Verilişləri Komitəsində "Günün ekranı" redaksiyasında ştatdankənar müxbir (1979-1984), Şirvan bölgəsi üzrə xüsusi müxbir (1984-1989) olmuşdur. Özbəkistanda keçirilən Azərbaycan ədəbiyyatı və incəsənəti ongünlüyündə iştirak etmişdir (1980). Durğunluq dövründə ictimai qüsurları kəskin tənqid etdiyinə görə həbs edilmişdir (1986-1988). Sonra bəraət almış, bədii yaradıcılıqla məşğul olmuşdur. 1999-cu il yanvarın 7-də vəfat etmişdir.

Əsərləri

[redaktə | mənbəni redaktə et]
  1. Yarpaqlar töküləndə. Bakı: Uşaqgəncnəşr, 1964, 120 səh.
  2. Güllələr dənizdə sönür. Bakı: Gənclik, 1973, 138 səh.
  3. Qızıl yəhərli at. Bakı: Gənclik, 1976, 135 səh.
  4. Çılpaqlı (roman). Bakı: Gənclik, 1979, 176 səh.
  5. Vulkan (povest və hekayələr). Bakı: Yazıçı, 1983, 181 səh.
  6. Öndən. Bakı: Yazıçı, 1992, 214 səh.
  7. Qumarbaz. Bakı: Azərnəşr, 1993, 295 səh.
  8. Türmə mənim ahımdı. Bakı: Gənclik, 1993, 78 səh.

Filmoqrafiya

[redaktə | mənbəni redaktə et]
  1. Günlərin bir günü... (film, 1976)
  2. Vulkana doğru (film, 1977)

İstinadlar

[redaktə | mənbəni redaktə et]
  1. ↑ Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 272-274.