Çingiz xan (film, 2018)

Çingiz xan (çincə: 战神纪) — Jan-Jak Annaud və Hasi Çaolu tərəfindən çəkilmiş Çin fantastik filmidir.^[1][2][3] Filmin ilk olaraq 22 dekabr 2017-ci ildə Çində nümayişi planlaşdırılırdı, lakin daha sonra çəkilişdən sonrakı işlərə daha çox vaxt vermək üçün 28 aprel 2018-ci il tarixinə qədər təxirə salınmışdır.^[4][5][6] Çingiz xan filmi həm də 8-ci Pekin Beynəlxalq Film Festivalının final filmi olmuşdur.^[7]

Temujin (William Chan) atasını gənc yaşda itirən və anası tərəfindən böyüdülmüş monqol liderinin oğludur. Yetkinlik yaşına çatan Temuçin uşaqlıq sevgilisi Borte (Linq Yun) ilə evlənmək üçün Unqirat qəbiləsinə gedir, lakin evə qayıdan Temuçin əmisi Tarqutay (Çjao Lixin) tərəfindən əvvəlcədən ona qarşı hazırlanmış olan tələyə düşür və Borte tezliklə ələ keçirilir. Onunla qardaş olmağa and içmiş qan qardaşı Camukha (Li Guangjie) və qoca şamanın dəstəyi ilə Temuçin Borteni geri almaq və çölü yaxınlaşan təhlükədən xilas etmək üçün səyahətə çıxır.