Öznur Cürə

Öznur Cürə Girdi (1 oktyabr 1997[1], Kağıthane, İstanbul ili[2]) — qadınlar arasında makaralı oxatma idman növündə W2 kateqoriyasında mübarizə aparan türk para-oxatan. O, Paralimpiya, dünya və Avropa çempionu və bəzi dünya rekordlarının sahibidir.

Öznur Cürə
Şəxsi məlumatlar
Vətəndaşlığı
Doğum tarixi 1 oktyabr 1997(1997-10-01)[1] (26 yaş)
Doğum yeri
İdman növü para-oxatma[d]
Medallar
Paralimpiya Oyunları
Gümüş Tokyo 2020 Fərdi
Qızıl Paris 2024 Qarışıq komanda
Dünya Çempionatı
Qızıl Dubay 2022 Cütlər
Qızıl Plzen 2023 Qarışıq komanda
Avropa Çempionatı
Qızıl Roma 2024 Fərdi
Qızıl Roma 2024 Qarışıq komanda
Gümüş Roma 2022 Fərdi
Bürünc Roma 2022 Qarışıq komanda
Avropa Para Çempionatı
Qızıl Rotterdam 2023 Cütlər
Bürünc Rotterdam 2023 Fərdi
Bürünc Rotterdam 2023 Qarışıq komanda

İdman karyerası

[redaktə | mənbəni redaktə et]

Cürə evdən uzaq olduğu, iflic səbəbi ilə xəstəxanalarda fiziki müalicə aldığı vaxtlarda oturaraq voleybol oynamağa başlayıb. Lakin o, bu idman növünə davam etməyib. Fiziki müalicəsi bitdikdən sonra İstanbula qayıdıb və 2019-cu ildə onu "Okçuluk Vakfı" idman klubuna dəvət edən para-oxatan Bahattin Həkimoğlu ilə tanış olduqdan sonra para-oxatma üzrə idman karyerasına başlayıb.[3][4][5] O, makaralı oxatma yarışlarında W2 kateqoriyası üzrə mübarizə aparır. Məşqçiləri Elanur Karakoç və Hasan Basri Hancıdır.[4]

2024

[redaktə | mənbəni redaktə et]

Cürə Fransanın Paris şəhərində keçirilən 2024 Yay Paralimpiya Oyunlarında qadınlar arasında fərdi makaralı oxatma yarışının sıralama mərhələsində 704 xal toplayaraq yeni bir dünya rekordu təyin edib.[6] O, daha sonra həmin yarışda iranlı Fatimə Həmmatini məğlub edərək qızıl medalın sahibi olub.[7]

Şəxsi həyatı

[redaktə | mənbəni redaktə et]

Öznur Cürə 1 oktyabr 1997-ci ildə İstanbulun Kağıthanə səmtində anadan olub.[3] Onun iki böyük bacısı və bir kiçik qardaşı var.[5] Atası 2014-cü ildə Ordudan İstanbula qayıdarkən avtomobilin aşması ilə nəticələnən yol qəzası törədib. Qəza nəticəsində Cürənin anası boynundan aşağı, Cürə özü isə belindən aşağı iflic olmuşdur.[3][4] O, əvvəlcə Boluda, daha sonra isə Düzcədə fiziki müalicə alıb.[5]

Cürə İstanbul Aydın Universitetində İdman Elmləri fakültəsinin İdman menecmenti ixtisası üzrə təhsil almışdır. 2023-cü ilin fevral ayında Zonquldaklı Fatih Girdi ilə evlənib və soyadına həyat yoldaşının "Girdi" soyadı əlavə edilib. Cütlük İstanbulda yaşayır.[8]

İstinadlar

[redaktə | mənbəni redaktə et]
  1. ↑ 1 2 https://web.archive.org/web/20210829124607/https://olympics.com/tokyo-2020/paralympic-games/en/results/archery/athlete-profile-n1729544-cure-oznur.htm.
  2. ↑ 1 2 Turkish National Paralympic Committee. 2002.
  3. ↑ 1 2 3 "Öznur Cüre Girsi" (türk). Uludağ Ekonomi Zirvesi. İstifadə tarixi: 1 September 2024.
  4. ↑ 1 2 3 "Öznur Cüre" (türk). Türkiye Milli Paralimpik Komitesi. 6 September 2024 tarixində arxivləşdirilib. İstifadə tarixi: 1 September 2024.
  5. ↑ 1 2 3 "Öznur Cüre". Motto (türk). 1 September 2024 tarixində arxivləşdirilib. İstifadə tarixi: 1 September 2024.
  6. ↑ Tiryaki, Erkan. "Milli para okçu Öznur Cüre Girdi, dünya ve paralimpik oyunlar rekoru kırarak birinci oldu". Anadolu agentliyi (türk). 29 August 2024. 1 September 2024 tarixində arxivləşdirilib. İstifadə tarixi: 1 September 2024.
  7. ↑ "Para Archery - Women's Individual Compound Open Gold Medal Match 57 CURE GIRDI Oznur vs HEMMATI Fatemeh Results". Paris 2024 Paralympics. İstifadə tarixi: 31 August 2024.
  8. ↑ "Zonguldak'in gururu oldu". Aba Medya (türk). 31 August 2024. İstifadə tarixi: 1 September 2024.