İlhamə Qasımova

İlhamə Qasımova — Azərbaycan pop müğənnisi.

İlhamə Qasımova
azərb. İlhamə Qasımova‎
Ümumi məlumatlar
Ləqəbi İlhamə
Doğum tarixi (48 yaş)
Doğum yeri Bala Şürük, Lənkəran, Azərbaycan SSR, SSRİ
Milliyyəti talış
Musiqiçi məlumatları
Fəaliyyəti müğənni
Fəaliyyət illəri 2005-bu günə qədər
Janr pop musiqi
Albom şirkəti Universal Music Group
Əlaqələri DJ OGB,İslam Şirvani,Murad Arif

Həyatı

[redaktə | mənbəni redaktə et]

İlhamə Qasımova 1976-cı ilin 24 mayında Lənkəran rayonunun Bala Şürük kəndində anadan olmuşdur. Orada kənd məktəbini bitirmişdir. Lənkəran Dövlət Universitetində filologiya fakültəsini bitirdikdən sonra iki il orta məktəbdə Azərbaycan dili və ədəbiyyatı müəllimi işləmişdir.

1990-cı illərin sonundan bir müddət Daxili İşlər Nazirliyinin pasport xidmətində müfəttiş işləmişdir.

Müğənnilik fəaliyyəti

[redaktə | mənbəni redaktə et]

2000-ci ildə keçirilmiş "Bakı Payızı" müsabiqəsinə qatılır və bu yarışda birinci mükafatı əldə edir [1]. 5 il sonra İlhamə "Yeni Ulduz-4" (2005-2006) müsabiqəsinə qatılır. O, bu yarışmada Avroviziyanın 2009-cu il Azərbaycan təmsilçisi olacaq Aysel Teymurzadə ilə birgə yarışırdı [2]. Müsabiqədəki qələbəsi İlhamə Qasımovanın peşəkar musiqi karyerasının başlanğıcına səbəb oldu.

İlhamə Qasımova 2011-ci ildə Avroviziyanın Azərbaycan milli seçimində uğurla çıxış etmişdir. Lakin 11 fevral finalında o, Ell & Nikki duetinə məğlub oldu. Bu hadisədən sonra İlhamə öz fəaliyyətini Almaniyada davam etdirmək qərarına gəldi [3]. Orada "Universal Music"lə müqavilə imzaladı [4].

2011-ci ilin noyabrında İlhamə Qasımova DJ OGB ilə özünün ilk sinqlını – "Bei Mir Bist Du Sheen"-i yazdırır.[5] Bu, məşhur "Yiddish song"-un ("İdiş mahnısı") müasir versiyası idi [6]. Mahnının klipi "iTunes"-də altıncı ən çox satılan video olmuşdur [7]. İlhamə Qasımova 1930-1950-ci illərin məşhur mahnılarının remikslərindən ibarət albom buraxmağı nəzərdə tutmuşdur [8].

2012-ci ilin yanvar-fevral aylarında İlhamə Qasımova ilk böyük turunu təşkil etmiş və Almaniya ilə Avstriyanın ətrafında olan şəhərlərdə konsertlər vermişdir. Həmin şəhərlərin sırasında Vyana, Berlin, Karlsrue, Fulda, Lübek və Lüdviqşafen də var idi [9].

Şəxsi həyatı

[redaktə | mənbəni redaktə et]

1993-cü ildə, 17 yaşı olarkən, İlhamə Qasımova nikahda olmuşdu. Qasımova öz istəyi ilə bu evliliyə son qoyur. 2009-cu ildən o, ümumi qanuna görə 14 yaş özündən böyük bir həmkarı ilə yaşayır [10].

Filmoqrafiya

[redaktə | mənbəni redaktə et]
  1. Şər qarışanda (film, 2016)
  2. Mələyin öpüşü (film, 2017)

İstinadlar

[redaktə | mənbəni redaktə et]
  1. ↑ "Ильхама Гасымова представит на Общественном канале свою шоу-программу". 2012-06-11 tarixində orijinalından arxivləşdirilib. İstifadə tarixi: 2012-09-05.
  2. ↑ "Продюсер Октай Алиев: «Айсель Теймурзаде не смогла проявить себя на конкурсе "Йени улдуз"»". 2019-12-06 tarixində arxivləşdirilib. İstifadə tarixi: 2012-09-05.
  3. ↑ "Азербайджанская певица планирует покорить европейскую сцену". 2019-12-06 tarixində arxivləşdirilib. İstifadə tarixi: 2012-09-05.
  4. ↑ "Ильхама Гасымова исполнила хит Эдит Пиаф". 2011-11-29 tarixində arxivləşdirilib. İstifadə tarixi: 2012-09-05.
  5. ↑ "İlhamə Qasımova. Azərbaycanın ən yaxşı qadın artisti". 2020-08-15 tarixində arxivləşdirilib. İstifadə tarixi: 2014-04-12.
  6. ↑ "Ilhama: Diese Tante aus Baku will die europäischen Clubs erobern". 2012-04-07 tarixində orijinalından arxivləşdirilib. İstifadə tarixi: 2012-09-05.
  7. ↑ "Азербайджанская певица наступает на пятки Дженнифер Лопес". 2019-12-06 tarixində arxivləşdirilib. İstifadə tarixi: 2012-09-05.
  8. ↑ "Выпущен первый европейский сингл Ильхамы Гасымовой". 2011-11-19 tarixində arxivləşdirilib. İstifadə tarixi: 2012-09-05.
  9. ↑ "İlhamə Qasımova Avropada anşlaq yaradıb". 2018-05-28 tarixində arxivləşdirilib. İstifadə tarixi: 2012-09-05.
  10. ↑ "Sabina Aliyeva. Stars' Personal Life and Four-Legged Friends". 2012-04-05 tarixində orijinalından arxivləşdirilib. İstifadə tarixi: 2012-09-05.

Xarici keçidlər

[redaktə | mənbəni redaktə et]