İlkin Qəhrəmanzadə (İlkin Ramis oğlu Qəhrəmanzadə; 10 mart 1985, Birinci Şahsevən kəndi, Beyləqan rayonu) — Vətən müharibəsi iştirakçısı.
İlkin Qəhrəmanzadə | |
---|---|
İlkin Ramis oğlu Qəhrəmanzadə | |
Şəxsi məlumatlar | |
Doğum tarixi | |
Doğum yeri | Birinci Şahsevən kəndi, Beyləqan rayonu |
Vətəndaşlığı | Azərbaycan |
Milliyyəti | azərbaycanlı |
Atası | Ramis Qəhrəmanzadə |
Hərbi fəaliyyəti | |
Rütbə | Baş leytenant |
Döyüşlər | Vətən Müharibəsi |
İlkin Qəhrəmanzadə 10 mart 1985-ci ildə Beyləqan rayonunun Birinci Şahsevən kəndində anadan olubdur. 2002-ci ildə Birinci Şahsevən Gəray Əsədov adına 1 saylı tam orta məktəbi bitirmişdir. İlkin Qəhrəmanzadə Azərbaycan Universitetinin hüquq fakültəsi, hüquqşünaslıq ixtisası üzrə 2007-ci il məzunudur. 2007-ci ildə Azərbaycan Respublikasının Silahlı Qüvvələrinin Təlim Tədris Mərkəzinin zabitlərin hazırlıq kursuna daxil olubdur. Həmin kursu 2007-ci ilin oktyabr ayında bitirərək leytenant hərbi rütbəsi almışdır və N saylı hərbi hissədə Murov dağında xidmət etmişdir. 2009-cu ildə xidmətini başa vurduqdan sonra Beyləqan rayonunun Pambıq zavodunda işləmişdir. 2013-cü ildə Dövlət Qulluğunun müsabiqə və müsahibə mərhələllərini keçdikdən sonra Füzuli Hərbi Məhkəməsində Hakim köməkçisi vəzifəsinə təyin olunmuş və hal-hazırda orda çalışır.
Ailəlidir, 3 övladı var.
Vətən müharibəsinə leytenant hərbi rütbəsində könüllü iştirak etmişdir. Döyüşlərdə iştirakına görə Baş leytenant rütbəsi verilmişdir.
İlkin Qəhrəmanzadə Azərbaycan Respublikasının Prezidenti İlham Əliyevin imzaladığı sərəncamlarla “Cəbrayılın azad olunmasına görə”[1] və “Qubadlının azad olunmasına görə” medalları ilə təltif olunub.