İlqar Zeynallı

İlqar Ayaz oğlu Zeynallı (1995, Cəlilli, Tovuz rayonu – 14 iyul 2020, Tovuz rayonu) — Azərbaycan Ordusunun giziri, 2020-ci il iyulunda Tovuz istiqamətində olan döyüşlərdə qəhrəmancasına şəhid olmuşdur.^[1]

İlqar Zeynallı
Şəxsi məlumatlar
Ləqəbi	Qara
Doğum tarixi	1995
Doğum yeri	Cəlilli, Tovuz rayonu, Azərbaycan
Vəfat tarixi	14 iyul 2020(2020-07-14)
Vəfat yeri	Tovuz rayonu, Azərbaycan
Dəfn yeri	Cəlilli
Vətəndaşlığı	Azərbaycan
Milliyyəti	azərbaycanlı
Atası	Zeynalov Ayaz
Anası	Zeynalova Laçın
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2014—2020
Rütbəsi	Gizir
Vəzifəsi	Feldşer
Döyüşlər	Aprel döyüşləri  • Tovuz döyüşləri

Zeynallı Ilqar Ayaz oğlu, 9 iyul 1995-ci il tarixində Tovuz rayonu Cəlilli kəndində anadan olmuşdur. Həmin kənddə yerləşən məktəbdə orta təhsil almışdır. Orta məktəbi bitirdikdən sonra Tibb Universitetinin Hərbi Tibb Fakültəsinə daxil olmuşdur. Hərbi həkim işi ixtisasına yiyələndikdən sonra Beyləqanda feldşer(hərbi həkim) kimi xidmətə başlamışdır. Aprel döyüşlərinin fəal iştirakçılarından olub və neçə-neçə yaralı döyüş yoldaşlarına vaxtında ilkin tibbi yardım etmişdir. 2018-ci ildən Tovuz rayonunda xidmətinə davam etmişdir. 2020-ci il 14 iyul tarixində torpaq uğrunda gedən döyüşlərdə qəhrəmancasına şəhid olmuşdur. Anadan olduğu kənddə dəfn olunmuşdur.^[2]

Subay idi, özündən yaşca böyük qardaşı və kiçik bacısı var.

İlqar Zeynallı Azərbaycan Silahlı Qüvvələrinin giziri idi.^[1] O, 2020-ci il iyulun 14-də Tovuz istiqamətində gedən şiddətli döyüşlər zamanı dünyasını dəyişib.^[1]

İyulun 14-də İlqar Zeynallı, doğulduğu Tovuz rayonunun Cəlilli qəsəbəsində dəfn olundu.^[1] Onunla vida mərasiminə Ordunun zabitləridə qatıldı.^[1]