İmamverdi Mirzə

İmamverdi Mirzə Elxani (1796) — Qacar şahzadəsi. 1807-ci ildən atası Fətəli şah Qacarın 1834-cü ildə vəfatına qədər kral qvardiyasının başçısı vəzifəsində çalışmışdır..^[1]

9 mart 1796-cı ildə anadan olan İmamverdi Mirzənin anası Bəyim Can Qəzvini idi. Fətəli şahın ölümündən sonra İmamverdi Mirzə özünü vəliəhd Məhəmməd Mirzənin taxtının qanuni varisi elan etmiş qardaşı Əli Mirzə Zəl Sultanın tərəfinə keçmişdir. Taskitanda İmamverdi Mirzə 15,000 nəfərlik bir dəstəyə başçılıq edərək Məhəmməd Mirzənin ordusuna hücum etmiş, lakin onun ordusu məhv edilmişdir. İmamverdi Mirzə tezliklə öz beyətini Məhəmməd şah adı ilə tanınan Məhəmməd Mirzəyə keçirmişdir. 1836-cı ildə Məhəmməd şaha qarşı çıxan İmamverdi Mirzə və digər Qacar şahzadələri tutularaq Ərdəbil şəhərinə sürgün edilmişdir.^[1]

•  Ardakani, Hosayn Mahbubi (1998). "Emāmverdī Mīrzā Īl-ḵānī". In Yarshater, Ehsan (ed.). Encyclopædia Iranica, Volume VIII/4: Elam VI–English IV. London and New York: Routledge & Kegan Paul. pp. 394–395. ISBN 978-1-56859-053-0.