İnklüziv kapitalizm iqtisadiyyatda dəyərin daha ədalətli və bərabər bölgüsünü yaratmağa, artan gəlir və sərvət bərabərsizliyini aradan qaldırmağa yönəlmiş nəzəri konsepsiya və siyasi hərəkatdır. 2020-ci ildə Vatikan ilə 10,5 trilyon büdcəsi olan transmilli şirkət[1] inklüziv kapitalizm Şurasını yaratdılar.[2][3][4][5] 2016-cı ildə Nyu-Yorkda inklüziv kapitalizm mövzusunda konfransda çıxış edən BVF prezidenti Kristin Laqard inklüziv iqtisadiyyatın və bütövlükdə inklüziv cəmiyyətin dəstəklənməsində biznesin vacibliyini vurğuladı.
Məqsədi təkcə kapitalın yığılmasına deyil, cəmiyyəti yaxşılaşdırmaqdan ibarət olan sosial yönümlü kapitalizm forması ideyaları, demək olar ki, kapitalizm sisteminin təməlindən dövri olaraq yaranmışdır.[6] Bununla belə, "İnklüziv Kapitalizm" termininin istifadəsi hind iqtisadçısı, Miçiqan Universitetinin Korporativ Strategiya və Beynəlxalq Biznes professoru Koimbatur Krişnaraoya aid edilir və o, ilk dəfə 2005-ci ildə öz elmi işində bu termindən istifadə etmişdir. O, "Piramidanın dibində şans" adlı kitabının ön sözündə: "Niyə biz inklüziv kapitalizm yarada bilmirik?" sualını qeyd etmişdir.
2012-ci ildə Henri Cekson Cəmiyyəti 2007–2009-cu illər maliyyə böhranının təsirlərini yumşaltmaq və təkliflər hazırlamaq üçün həmsədr qismində EL Rotşild şirkətinin idarə direktoru Lin de Rotşildın[7] iştirakı ilə İnklüziv Kapitalizm Təşəbbüsü layihəsi üçün işçi qrupu yaratdı.[8] 2014-cü ilin may ayında Lin de Rotşild Londonda dünya investisiya aktivlərinin təxminən üçdə birinə nəzarət edən 250 korporativ və maliyyə lideri, o sıradan BVF-nin rəhbəri Kristin Laqard, III Çarlz, ABŞ-ın keçmiş prezidenti Bill Klinton, Londonun lord-meri Fiona Vulf ilə birlikdə inklüziv kapitalizm mövzusunda konfransa ev sahibliyi etdi.[9][10] 2021-ci ilin fevralında Rokfeller Fondu Ford Fondu ilə birlikdə İnklüziv Kapital üçün Koalisiya konsepsiyasının istifadəyə verildiyini elan etdi — " Biznes, Hökumət və Amerika İşçiləri arasında Yeni Müqavilə ".[11]
İnklüziv kapitalizm tərəfdarlarının fikrincə, onun prinsipləri bərabərsizliklə mübarizəyə, yoxsullara və orta sinfə iqtisadi imkanlar təqdim etməyə yönəlib.[12] PGIM (Prudential Financial- ın törəmə şirkəti) investisiya şirkətinin prezidentinin fikrincə, uzunmüddətli perspektivdə ən uğurlu şirkətlər inklüziv kapitalizmi tətbiq edən şirkətlərdir.[13] IMD-nin maliyyə professoru Arturo Brisa inklüziv kapitalizm ideyalarının BMT-nin Dayanıqlı İnkişaf Məqsədləri ilə sıx kəsişdiyini[14] və daha dayanıqlı iqtisadi model yaratmaq üçün şirkətlərin məqsədləri yalnız mənfəət axtarışı ilə məhdudlaşmamalı olduğunu qeyd edir.[15]
İnklüziv kapitalizm ideyasının əleyhdarları kapitalist sisteminin inklüziv kapitalizmdə qeyd olunan məqsədlərə nail ola bilməyəcəyini təkid edirlər. Bu baxımından Moskva Dövlət Universitetinin professoru E. N. Vedut hesab edir ki, İnklüziv Kapitalizm üzrə Şuranın Manifestində qeyd olunan məqsədlərə kapitalist sisteminin azad bazar prinsipləri əsasında qurulması və onların həyata keçirilməsi üçün tələb olunan planlı iqtisadiyyata keçid, habelə iqtisadi fəaliyyətin genişləndirilməsi ilə birlikdə nail olmaq mümkün deyil. İnklüziv kapitalizm ideyasının özündə cəmlənmiş sosial komponent sosializmə aparır[16] və onların həyata keçirilməsi kapitalizmə qarşı qurulmuş digər modellər çərçivəsində mümkündür.[17] Yakobin jurnalının redaktoru və "Kapitalın Yeni Peyğəmbərləri" kitabının müəllifi Nikol Aşof qeyd edir ki, inklüziv kapitalizmin məqsədləri yalnız qısa müddətdə bəzi insanların həyatını yaxşılaşdıra bilər, onlar ümumi sistem problemlərini həll etmək üçün heç nə etmirlər.[18]