İsa Cəfər oğlu Bağırov (19 dekabr 1983, Bakı) — Rusiya psixoanalitiki, hipnoloqu, mentalisti, televiziya aparıcısı.[1][2][3][4]
İsa Bağırov | |
---|---|
İsa Cəfər oğlu Kadırov | |
Doğum tarixi | 19 dekabr 1983 (39 yaş) |
Doğum yeri | |
Vətəndaşlığı | |
Atası | Cəfər Kadırov |
Anası | Qalina Bağırova |
Milliyyəti | Azərbaycanlı |
Fəaliyyəti | psixoanalitik, hipnoloq, mentalist, televiziya aparıcısı. |
isa-bagirov.ru |
İsa Bağırov 19 dekabr 1983-cü il tarixində Azərbaycanın paytaxtı Bakı şəhərində anadan olub.[1][5] Milliyyəti azərbaycanlıdır. Anası – Qalina İslamovna Bağırova[6] – "Bitva ekstrasensov" (Ekstrasenslərin savaşı) şousunun 8-ci mövsümünün iştirakçısıdır (üç finalçıdan biri olmuşdur). Qalina Bağırova Bakı şəhəri İncəsənət İnstitutunun aktyorluq fakültəsinin məzunudur, filmlərdə çəkilir, o cümlədən "Kodeks molçaniya-2"[7] filmində və "Dronqo" seriyalında çəkilmişdir. İsa Bağırov 2005-ci il tarixində Bakı Slavyan Universitetinin "Beynəlxalq münasibətlər" fakültəsini bitirmişdir. 2019-cu ildə K. E. Siolkovski adına Kaluqa Dövlət Universitetinin "Hüquqi psixologiya" fakültəsinin məzunu olmuşdur. Münhen parapsixologiya institutunun tədris proqramı üzrə ekspertidir.
Hipnoz fenomenlərinin tədqiqatçısı, mənfi psixoemosional vəziyyətlərdən ani qurtulma metodikalarının müəllifidir. Qeyri-verbal kommunikasiyaların və müasir psixotexnologiyaların uyğunluğunu öyrənir və praktikada tətbiq edir. 2016-cı ildə İsa aparıcı Andrey Sokolov olan, Rusiyanın Birinci kanalında nümayiş olunan "Çerno-beloe[8] layihəsinin ikinci mövsümünün iştirakçısı olmuş, həmin layihədə insan beyninin gizli bacarıqlarını nümayiş etdirmişdir.
Həmçinin, 2016-cı ildə NTV kanalı İsa Bağırovu "Ekstrasensı protiv Detektivov"[9][10] (Ekstrasenslər detektivlərə qarşı) televiziya şousuna dəvət etmişdir, orada dəfələrlə mentalizm və hipnoz fenomenlərini nümayiş etdirmişdir.[11][12] 2018-ci ildə İsa Bağırov Birinci kanalın "Zvezdı pod gipnozom"[13][14] (Ulduzlar hipnoz altında) adlı yeni şousunda Maksim Qalkinlə birgə aparıcı olmuşdur.[15] Verilişdə vəzifəsi ulduz iştirakçıları trans vəziyyətinə salmaqdan ibarət idi. "Zvezdı pod gipnozom" şousunda bütün oyunlar tamamilə təhlükəsizdir. Onların heç kimə zərəri yoxdur, sadəcə iştirakçıların və zaldakı tamaşaçıların gülməsi üçündür. Televiziya tamaşaçılarının baş verənlərin həqiqət olması ilə bağlı şübhələrinin olmaması üçün isə İsa Bağırov zaldakı tamaşaçıları da cəlb edirdi.[16][17][18] İsa Bağırov bir çox televiziya şoularına ekspert qismində dəvət alaraq fəal iştirak edir.[19]
"Pod gipnozom" (Hipnoz altında) şousu insan hislərinin sirlərini və imkanlarını açır.[20] "Pod gipnozom" şousu – zalda oturan tamaşaçıların öz üzərilərində hiss etdikləri fikir oxunması, təlqin və hipnoz effektlərinin birləşməsidir. Şou 2018-ci ildən başlayaraq Rusiyanın və Avropanın bir sıra şəhərlərində təşkil edilir. Moskvada 2019-cu ildə İsa Dövlət Kreml Sarayında keçirilən Sergey Jilinin konsertində və "Fonoqraf-Simfo-Caz"da, "XX əsrin əfsanəvi melodiyaları" proqramında çıxış etmişdir. Bu il İsa Bağırovun Tallin şəhərində solo şousu baş tutmuşdur.